بصدد فتح محل ابو 5 ريال ابيكم تشيرون علي

قبل 8 سنوات

يا اخوان الله يسعدكم انا بصدد فتح محل ابو 5 ريال ومنشنين على ايجار صاله كبيره مسحتها اكثر من 250 متر مربع بس ابيكم تشيرون علي وتساعدوني الله يجزاكم خير مثلا من وين اجيب البضاعه وكم تكلف وكم المردود وخلافه يعني شرح للمشروع من والى والله يجزاكم خير وبسعدكم

بصدد فتح محل ابو 5 ريال ابيكم تشيرون علي

إعلانات ذات صلة

عندك تجارة ومشاريع؟
الكل: 8

الرجاء الرد علي من وين البضاعه وخلافه وكم تكلف وكم الدخل وكم الربح فيها تقريبا

لاسف محد فادني الى الان وش السبب ياترى

معليش ياغالي .. انت اخترت مشروع واخترت المكان ومساحته ونوعية البضائع اللي تبي تبيعها وما تعرف من وين تجيبها :)

هذه مشكلتنا مع التجارة للأسف .. لذلك الخسارة حليفنا ..


ابحث بالسوق والمراكز المتخصصة عن المورد لهذه البضائع وان شاءالله تلاقيها
والأفضل الاستيراد من الخارج مباشرة ( الصين , الهند , تايوان )
وفي بضائع تنزل في الميناء ويتم عمل مزاد عليها ...


الأفضل لك وانا ما ايد هذه النقطة نهائياً .. شوف لك شريك يمني .. وهو بينجح المشروع :)
لانهم اكثر ناس يعرفون لاسرار هذه التجارة ..

اخوي حاول تبدا من هنا

اذا في الرياض ,, عندك اسواق الجمله
في الديره و البطحا

واذا حبيت ممكن تستورد عن طريق شركات استيراد متوفره في الرياض
تستورد لك من الصين و خلافه

او تجيب بضاعه من موقع علي بابا

اخوي ياليت تسوي دراسه جدوى للمشروع قبل تبدأ فيه

اول شيء و اهم شيء راس المال
شوف كم راس المال الي تبي تحطه

ثاني شيء : عدد العمال الي بيغطون المشروع
لازم تحدد عدد الامتار ,, يعني مثلا كل 40م يغطيها عامل ,,
غير المحاسب و عامل النظافة

تكاليف التعديلات على الصاله من اناره و رفوف و خلافه ,,
التكاليف التشغيليه لأول مره ,, رواتب العمال ثلاثه شهور
والاوراق الحكوميه و التراخيص و خلافه

المستودع ,, هل موجود او لا
البضاعه في حال عدم توفرها مده الشحن كم بتستغرق
وهل بتطلبها قبل تستاجر المحل او بعده
وهل المأجر يعطيك مهله ,,

العقد لابد ما يقل عن 5 سنوات باي حال من الأحوال
السنه الاولى لمحلات الخردوات تروح هدر دائما ,, والنجاح من السنه الثانيه

روح للمحلات المنافسه ,,
بيت العجائب ,, الهزاز ,, الربيع ,, على كيفك ,, نسيم الموج

شوف نقاط القوه بنجاحهم و استغلها ,,
عليك بتكبير دائره التسويق
تويتر , الإنستقرام , اليوتيوب , قوقل ادسنس وخلافه ,,

لازم يكون عندك مصور محترف للأشياء الي عندك علشان تنجح

اذا حسبت كل الامور هذي ,, بإذن الله بتنجح نجاح باهر ,,

(تم الحذف بواسطة الإدارة)

عضو قديم رقم 468011
قبل 7 سنوات و11 شهر
7

في جده سوق الصواريخ قسم البضايع

حسب راس المال

نصيحتي لك 250 متر لاتكفي لاقامة مشروع مثل ابو خمسه
لان اصنافه جدا جدا جدا كثيره وتحتاج مكان لتستوعبه
كم راس المال المتوفر
ومكان اقامة المشروع
راسلني واتس اب 0506897819

أضف رداً جديداً..