استفسار لاحرمكم الله الاجر ،، بخصوص السجل التجاري

قبل 10 سنوات

السلام عليكم ورحمة الله

الحقيقه حبيت ارجع لكم بحكم خبراتكم ولان الموضوع يهمني ولا استغني عن نصايحكم

احد اخواني الصغار راتبه على قد حاله والولد نشيط ماشاء الله عليه لكن مثل ماتعرفون رواتب الشركات الخاصه
المهم انه استشاراني وقلت له خلني اسال وارد لك

الخلاصه اخواني ،، انه لقي عمال يبون نقل كفاله لاختلافهم مع كفيلهم
وعرضوا عليه مبلغ شهري يعتبر حلو جداا

المهم انه قام بعمل سجل تجاري مقاولات عامه عن طريق موقع وزارة التجاره وللان منتظر الموافقه على الاسم التجاري وبعدها يستكمل اجراءات السجل التجاري

السوال اخواني ،، في حال انه استخرج السجل التجاري هل يقدر ينقل كفالة العماله عليه وهو للحين ماعنده محل
وكم تكلفة نقل الكفاله ،،

اتمنى اسمع نصايحكم وانا راح انقلها منكم له واعتبروه اخوكم الصغير

وفقكم الله

استفسار لاحرمكم الله الاجر ،، بخصوص السجل التجاري

إعلانات ذات صلة

عندك تجارة ومشاريع؟
الكل: 4

اولا بارك الله فيك لا ينفع السجل التجاري بدون رخصة للنشاط
الطريقة
استخراج رخصه من البلدية على حسب النشاط وفتح ملف في مكتب العمل تسجل سعودي في التأمينات ربط المنشأه لدى مكتب العمل بعد ذلك طلب نقل كفالة العماله من الكفيل السابق عن طريق الموقع ومن ثم بعد الموافقه يتم التسديد رسوم نقل كفاله لأول مره 2000 وثاني مره 4000 وكذا
وموفق ان اشاء الله

الله يوفقكم ان شاءالله

طبعا علشان ينقل عمالة على المؤسسة الجديدة لازم يكون عنده ملف في مكتب العمل-وعلشان يفتح ملف بمكتب العمل لازم يكون عنده رخصة بلدية وعلشان يكون عنده رخصة بلدية لازم يستأجر محل ولازم اوراق كثيرة وتعقيد من دفاع مدني ومصلحة زكاة وغرفة تجارية وووو.

ونصيحتي لك من واقع تجربة انه ماله داعي يسوي كل الكلام اللي قلته لك سابقا. كل ما عليه انه بعد ما يستلم السجل التجاري بفدكس يشوف له معقب يفتح له ملف بس بالسجل التجاري وصورة البطاقة ويسوي له ترقية واحتمال يكلف 1700ريال فتح ملف +ترقية علشان نقل الكفالات

بارك الله فيكم اخواني
ويشهد الله ان كلامكم ونصائحكم بمثابة تنوير طريق لاخوانكم
اسال الله بحق هالشهر الكريم ان يرزقكم وان يعطيكم حتى يرضيكم

أضف رداً جديداً..