| جميع الحقوق محفوظة © |

استفسار عن المناقصات الحكوميه لأهل الخبره لاهنتم

عندي مؤسسه وبأتابع اعلانات المناقصات الحكوميه وجدا متحمس اني استقيل من عملي وابدأ سيما ان الإعلانات والمناقصات اللي بأشوفها جدا ممتازه والخير واجد ما شاء الله سؤالي هو :

هل الشغله محتاجة بس حماسي ولا انا شايف الحياة ورديه - و - هل ترسية المناقصات عادلة ولا الشغله فيها علاقات وواسطات ونفوذ - و - هل لو تم باذن الله استلام مشروع وتم تنفيذه هل الحصول على المستحقات يسير ولا فيها تأخير وتعطيل ؟

والله يا اخوان محتاج الإجابه النصوحه والصحيحه لأني خلاص نفسي طابت من الوظيفه وانخنقت منها قلت استقيل وبحقوقي ابدأ العمل مع الحكومه

وجزاكم الله الف خير

أبو محمد

الردود
نقاشات مشابهة
الكل: 13
1.
عضو قديم رقم 329773
23:15:09 2013.05.10 [مكة]
تشترك في موقع المركاز وتشوف جميع مناقصات المملكه
2.
23:30:32 2013.05.10 [مكة]
قرار صائب ان شاءالله والمناقصات في الغالب عادلة ولكن ضع في الاعتبار انك قد تصرف عدة مبالغ على كراسات الشروط حتى أن يكتب لك الله مناقصة تعوضك عن السابق. وأنصحك بالتخصص في مجال حتى تكون قاعدة معلومات عندك من ناحية أسعار المنافسين وأسعار التكلفة الحقيقية لمناقصتك.وبالله التوفيق
3.
00:08:18 2013.05.11 [مكة]
المناقصات هي عادلة لكن كما تفضل الاخ في الرد السابق المبالغ تصرف علي كراسات الشروط وياكثر المناقصات بالجرائد وموقع المركاز ربي يوفقك
4.
00:46:49 2013.05.11 [مكة]
مشكوريين والله يجزاكم كل خير يعني اتوكل على الله واستخير الله وايش تنصحوا افضل مجال غير المقاولات وهل تحصيل المستحقات يسير ام ياخذ وقت وسؤال اخير معليش لو اشتريت كراسه ايش المرحله اللي بعدها هل هي عرض اسعار فقط ام دراسة جدوى أم ماذا وتقبلوا جزيل الشكر ويالله انك تجعلها في موازين حسناتك
5.
02:27:47 2013.06.08 [مكة]
سبحانك اللهم وبحمدك مازالت انتظر الرد
6.
13:09:58 2013.08.11 [مكة]
تشتري الكراسة ثم تسوي تسعيرة حسب المشروع اذا كان مباني او بنية تحتية او صيانة تجيب مهندس مدني يسوي تسعيرة اذا كان توريد تشوف موردين ويسولك تسعيرة وانت تحط ربحك فوقها ثم تقدمها للحكومة وبعد ما تخلص التسعير تعمل ضمان بنكي وتحطه كلها في ظرف وتشمعها ثم تقدمه للجهة صاحبة المناقصة
7.
14:28:00 2013.08.11 [مكة]
توكل على الله بس لاتفصل ألا لين ترسي لك مناقصة مليانة.والمناقصات يبيلها ضمان بنكي وسيوله متوفرة كبيرة حتى تستلم أول الدفعات. للعلم
8.
15:42:55 2013.08.11 [مكة]
ياعزيزي كل عام وانتم بخير الدعوى ايش خبرتك فيه مش تشوف اي مناقصه وتروح تقدم وانت ماعندك عمال ولا عندك خبره بنفس المجال ضروري اول خطوه ان توجد خبره لديك بنفس المناقصه ويوجد عندك عمال على كفالتك اقل شي للي يبدى المشروع معاك ولامانع تستعين بمقاول من الباطن الي اعرفه ان الشغل مع البلديات فيه عقبات كثيره وتاخير الدفعات زي سلام عليكم وانصحك ان تبعد عن البلديات وتتجه للشركات هونداي سامسونج شركات الخضري وسعودي اوجيه بن لادن هذولي الدفع افضل حبتين اما الكوريين افضل مافي السوق من ناحيه الدفع
9.
17:18:39 2013.08.11 [مكة]
اخوي .. في الظاهر المشاريع ميسرة والترسية حسب الاسعار .. ولكن هذا فقط للمشاريع والمناقصات الصغيرة اما الكبيرة منها ف ماتروح الإ لكم شركة بس .... كيف .. ؟؟ الله اعلم وبعدها يتم بيعها بالباطن .. طبعاً مع مشاكل العمالة في الاونة الاخيرة . لازم يكون عندك عمال وفلوس كاش جاهزة لانك راح تصرف على المشروع وإنجازة بشكل كامل وتكون ماحصلت حقك لسه .. المستحقات كانت تتأخر " الآن مادري اذا مازلت تتأخر أو لا " ولكن كان التأخير بصراحة متعب جداً يوصل احياناً ل ستة اشهر واكثر .. وتاخذ المبلغ على اجزاء ولازم يكون عندك كاش عشان تبدأ مشروع ثاني وانت لسه ماحصلت مستحقاتك من المشروع الاول ... عشان لا يوقف شغلك .... ومثل ماذكر الاخوان راح تتعب في البداية في شراء كراسات المشاريع وتخسر فيها كثير .. لحد ما يرسى عليك مشروع .. وفي بعض الناس ينتظر لين يرسى المشروع على شركة كبيرة وياخذه منها بالباطن .. وهذه الطريقة تكون عبر التنسيق مع الشركات الكبيرة اللي دائم تاخذ المشاريع ..
10.
22:14:45 2013.08.11 [مكة]
لله نصيحه لا تستقيل مشاكل المناقصات كثييرة و امدها طوييل و الترسيه طويله الامد و التحصيل يبغاله ناس شاطرة وشيك مصدق و ضمان بنكي و ضمان بعد الترسيه و ممكن يلغى جزء من المناقصه .....قصص كثيرة
11.
23:06:14 2013.08.11 [مكة]
اشتغال على توريدات او مظلات مع الدولة ميزات المظلات مدة التنفيذ قصيرة والتحصيل ماياخذ وقت طويل جدا يحتاج لك بعض الترتيب مع البنك تفتح حساب لمؤسسة وتجهز بروفايل لمؤسسة
12.
عضو قديم رقم 346857
14:07:00 2014.05.30 [مكة]
اخي الفاضل ، اسأل الله ان ييسسر لنا ولك الأمر وللمسلمين ، نصيحه من اخ محب ، اول شي عليك التوكل على الله ، والشي الثاني لابد يكون فيه عقبات ولكن بالتوكل على الله بتتيسر امور كثيره ، فسبحانه من توكل عليه فقد كفاه ، بالنسبه للمشاريع كبدايه عليك بأخذ المشاريع الحكوميه الصغيره ، ك ترميم او صيانه او تأهيل حتى يكون لديك راس مال قوي ، ومن ثم تدخل بالمشاريع الإنشائيه ، وانا افضل مشاريع البنيه التحتيه كثيراً ، واي استفسار بخصوص المناقصات انا تحت امرك اخوي .
13.
16:55:42 2014.05.30 [مكة]
طبعا العلاقات لها دور كبير جدا