جميع الحقوق محفوظة ©
السلام عليكم ورحمه الله وبركاته
بما اني احد منسوبي وزاره التجاره اسال عن اي سجل تجاري وان شاء الله اقدر افيدك
علما استفسار فقط وليس استخراج ولا تخليص معامله
استفسار فقط
استفسار فقط
استفسار فقط
لان حبيت اطرح الموضوع للكل للاسفتاده وشكرا لكم
ماهو اشمل سجل تجاري اقدر استفيد منه ؟
شكراً
والله يالغالي مافيه شي اسمه شامل غير شي واحد التجاره لانك تقدر تحط اسيتراد وتجاره الجمله والتجزئه في ........................ الخ بس فيه شي محظور طبعا وفي شي يبي له تراخيص من جهات معينه لاكن الاغلبيه مافيه اي اشكاليه .
وش انت وش تبي تستورد مثلا وانا اعطيك اذا مسموح او لا
وحياك الله
انا شغلي في تسويق العقارات والمقاولات وتسويق بعض مواد البناء اللي نصدرها لخارج المملكة
واستشرت كم شخص وقالي لازم تطلع ثلاث سجلات تجارية
عقارات ومقاولات وتجارة
وهذا كثير علي
ابي شي يكون شامل
وش تنصحني فيه ؟
وانا اخوك اللي قال لك 3 هو صادق
لاكن طلع تجاره ومقاولات والعقارات حط لوحه في نفس محل المقاولات وماراح احد يقول لك شي
بعدين ترا تقدر تطلع سجل لمده سنه او سنتين او خمس سنوات ولكل سنه 200 ريال لاول سجل وثاني سجل يكون 100 لكل سنه
وبما ان عندك تصدير وشغل في مواد البناء افتح تجاره ومقاولات سجلين والله يسهل امرك
وبعدين ترى الحين في موقع النت تبع الوزاره تستخرج سجلك وانت جالس ويرسلونه لك عن طريق البريد ,
انا لقيت لي معقب يقول يبي يطلع لي السجل التجاري + ( إسم تجاري )
بـ 3200 ريال لمدة خمس سنوات سجل تجاري لنشاط واحد فقط
وقالي اسوي له وكالة بإستخراج وشطح وتعديل واشياء كثيرة
تنصحني اطلعه بنفسي والا اوكله ؟
وكم بتكون التكلفه لو قمت بالشيء هذا بنفسي ؟
والان بدخل موقع الوزارة اشوف كيف اقدر اطلع سجل تجاري
شكراً لك والله افدتني كثير
يالغالي والله ماتستاهل 3200
بيكلفك كالاتي
سجل رئيسي 1000 ريال رسوم وزاره واشتراك غرفه تجاريه 900 بس ( طبعا اختر يامقاولات ياعقارات ياتجاره )
السجل الثاني
500 ريال رسوم وزاره + 330 اشتراك غرفه + 115 مسك دفاتر للغرفه التجاريه
السجل الثالث
500 ريال رسوم وزاره + 330 اشتراك غرفه + 115 مسك دفاتر للغرفه التجاريه
وبعدين يالغالي لاتروح ولا وكاله ولا شي ادخل النت وسو طلب ورح استلمه او حط البريد ويوصلك لعندك واتنمنى اني افدتك واسعدتني باستفساراتك
جزاك الله خير
وياك ان شاء الله
واذا كان ودك باي استفسار تفضل
بس مثل ماقلت لك خلك من المعقب هذا السجل يكلفك 1900 وهو ياخذ 3200 والله حرام
أبو فرج
السلام عليكم
الله يعافيك ويجزاك خير على هذه الخدمة الانسانية
عندي استفسار بخصوص إذا أنتهى تاريخ السجل التجاري. هل استطيع تجديده عن طريق موقع الوزارة. وهل هناك رسوم على التجديد
بارك الله فيك.
الله يسعدك ويكثر خيرك
الأخ ابوفرج .. أولا الله يجزاك خير ويفرج عنك وييسر لك كل امورك ..
عندي كم استفسار .. ياليت توسع صدرك عليهم شوي .. وتفيدني لاهنت
ابي افتح مكتب استيراد وتصدير ( بضائع .. سيارات .... الخ )
وابي افتح مؤسسة تجارة عامة ومقاولات ( محلات ... بناء وعقارات ... الخ )
ايش رايك .. يصيرو في سجل واحد ؟؟؟
والا كيف ؟؟؟
وايش نصيحتك وايش الاجراءات بالتفصيل لو تكرمت لأني ما أعرف من وين ابدأ علما اني موظف حكومي .. وراح اخليهم باسم صاحبي
بارك الله فيك وجزاك الله عنا كل خير
الله يبيض وجهك يابو فرج
ويجزاك خير على ماتسويه
عندي استفسار
هالحين الوزارة تشترط استأجر محل علشان اطلع السجل التجاري ؟
ولا ماتشترط ؟
ولاهنت
لدي سجل تجارة الجملة في المواد الغذائية ...الخ وانتهى بتاريخ اليوم 20 شعبان وانا مسافر الان :
- هل هناك غرامات للتاخر في التجديد ؟
- وهل التجديد مطلوب له شهادة زكاة وتامينات ؟
شاكرا جهودك سلفا
الله يعطيك العافية ،،
السؤال شخص عمره واح وثلاثين موظف حكومي لكن في دفتر العائلة المهنة طالب هل يحق له استخراج سجل تجاري ؟ وهل يستطيع تغيير المهنة الى متسبب بسهولة ؟
ولك الشكررر .
أخوي وش شروط استخراج سجل مؤسسه نقل طالبات ومعلمات
وشكرا
سلام ابو فرج اول شي الله يعطيك الصحه والعافيه على هالخدمه ويجعلها في ميزان اعمالكم .. استفساري عن طريقة الغاء سجل تجاري علما بأنه ضايع مني
الله يجزاك خير يابو فرج
ممكن تحط الرابط حق الوزاره
NADER2008 13:23:39 2011.07.20
أبو فرج
السلام عليكم
الله يعافيك ويجزاك خير على هذه الخدمة الانسانية
عندي استفسار بخصوص إذا أنتهى تاريخ السجل التجاري. هل استطيع تجديده عن طريق موقع الوزارة. وهل هناك رسوم على التجديد
بارك الله فيك.
بخصوص تجديده يكون عن طريق الوزاره وليس عن طريق الموقع الموقع للجديد فقط اما تجديد تعديل اضافه نشاط الغاء كلها عن طريق الوزاره نفسها
ايه التجديد على كل سنه تحسب اذا كان لون السجل اخضر يعني رئيسي 200 ريال
واذا كان ازرق اللي هو فرعي 100 ريال وانت احسب امورك كم مطوف وكم تبي تجدد يطلع معك الناتج
وحياك الله اخوي
بالنسبه للاخ
: أبوعلي2003 13:41:33 2011.07.20
الأخ ابوفرج .. أولا الله يجزاك خير ويفرج عنك وييسر لك كل امورك ..
عندي كم استفسار .. ياليت توسع صدرك عليهم شوي .. وتفيدني لاهنت
ابي افتح مكتب استيراد وتصدير ( بضائع .. سيارات .... الخ )
وابي افتح مؤسسة تجارة عامة ومقاولات ( محلات ... بناء وعقارات ... الخ )
ايش رايك .. يصيرو في سجل واحد ؟؟؟
والا كيف ؟؟؟
وايش نصيحتك وايش الاجراءات بالتفصيل لو تكرمت لأني ما أعرف من وين ابدأ علما اني موظف حكومي .. وراح اخليهم باسم صاحبي
بارك الله فيك وجزاك الله عنا كل خير
----------------------
بي افتح مكتب استيراد وتصدير ( بضائع .. سيارات .... الخ )
الجواب يالغالي استيراد سيارات بالذات لازم ترخيص من ا لمروور يعني لازم يكون عندك معرض وبالنسبه للبضائع ماعندك مشكله بدون ترخيص ولا شي بس فيه بضائع محظوره لابد لها من تراخيص وفيه شي مافيه امل لان ماله تراخيص
وبالنسه للتصدير هذا على حسب الدوله بعض الايان تفتح التصدير وبعض الايام تقفله
الا اذا كان المنتج سعودي تصديره مفتوح وتساعدك الدوله من عندنا قسم في نفس الوزاره اذا كنت مسجل عندهم ومعروف بانك موجود بالسعوديه واوراقك سليمه ماشيه يعطونك اذن تصدر
وبالنسبه للسوال وابي افتح مؤسسة تجارة عامة ومقاولات ( محلات ... بناء وعقارات ... الخ )
العقارات سجل لحالها
المقاولات سجل لحالها
التجاره سجل لحهالها
والتفاصيل المطلوب بالضبط للسجل راح انزلها بالتفصيل ان شاء الله
بالنسبه للاخ : مآجدابوسعود كاتب مميز 13:58:36 2011.07.20
الله يبيض وجهك يابو فرج
ويجزاك خير على ماتسويه
عندي استفسار
هالحين الوزارة تشترط استأجر محل علشان اطلع السجل التجاري ؟
ولا ماتشترط ؟
الوزاره ماتشترط اي محل ولا عقد اجار لاكن الافضل لك اذا انت حاب تشتغل صح وماتبي رح وتعال
استاجر المحل وطلع السجل بنفس العنوان عشان الرخصه بعد تطلع بنفس العنوان ومكتب العمل مايدقر لك في شي
اما اذا طلعت السجل وبعدين ماعندك محل بترجع مره ثانيه اذا استاجرت محل وتعدل ونطلب منك نفس الاوراق اللي قدمتها لفتح السجل يعني يابو زيد ماغزيت وخسرت رسوم التعديل 100 ريال
