جميع الحقوق محفوظة ©
السلام عليكم ورحمة الله وبركاته
اريد ان افتح محل نسائي يخدم الطالبات، خدمات الكترونية. لا يدخله الا النساء.
ماذا احتاج من اجهزة، كمبيوتر وبرامج؟
تقديريا كم ستكلف هذه الأجهزة؟
اش احتاج من الدوائر الحكومية؟
اش الأفكار او ماذا نستطيع ان نقدم للطالبات؟ مثلا تصوير اوراق، عمل بحوث، تصميم فوتوشوب! وهكذا. اريد افكار.
اين اجد تلك الأجهزة
لقد قدمت على ريادة وأتت الموافقة المبدئية وهم يريدون مني كتابة نشرة كاملة بالمشروع مع دراسة الجدوى.
واللي يعرف طلبات ريادة من تنسيق وخلافه ياليت يفيدني. المهلة محددة والوقت ضيق.
جزاكم الله خير
اهلا
اول ما تسجل في ريادة يعطوك دورة " تحفيز الذات " مدتها يوم
تخرج من الدورة هل يناسبك تفتح مشروع و تديره او لا
ادا تحس نفسك تقدر تدير المشروع تسجل بمبلغ في دورة " ابدأ مشروعك " لمدة 3 اسابيع
ويعلموك كيف تدير مشروعك من أ الى ي و بنفس الوقت تعمل دراسة الجدوى بمساعده المدرب
ريادة برنامج جميل و انا دخلته واشجع به
ولكن يعيبه التأخير , يعني لا تتأمل تستلم اول دفعه قبل 6 شهور
دفعتنا ( الدمام ) لها 9 شهور وللآن ما بان لها اثر !
شكرا لمن اثرى الموضوع وساعدنا بالمشورة، فالوقت يداهمنا.
قدمنا على ريادة، دفعنا الرسوم علشان الدورة، سار لنا اسبوع الان في الدورة.
سندير المشروع بأنفسنا.
سنبدأ في تجهيز الموقع وتأثيثه وعمل الديكور اللازم وشراء الكمبيوترات والبرامج والأجهزة من حسابنا الخاص حتى نستلم حق ريادة. ودنا نستغل عطلة المدارس القادمة في التجهيز
مشروعنا يهتم بخدمات الطالبات الكترونيا.
والمطلوب:
هات افكار في خدمة الطالبات؟
اش هي الأجهزة المستعملة؟
اش هي البرامج المنفذة للخدمة؟
اين تقع تلك البرامج والأجهزة والآلات؟
كم اسعار الأجهزة؟
وماهي افضلها من ناحية المكدة؟
ان سبق لكم عمل مثل هذا المشروع ياليت يثرينا بإيجابيته وسلبياته والمشاكل المحتملة.
شكرا لكم وجزاكم الله خير الجزاء
خذ الات تصوير ملون تقبل الربط بالكمبيوتر سعرها حوالي 14000 تطبع لك حوالي 8000 ورقة ملون و حوالي 12000ورقة اسود قبل ما تحتاج تغيير الحبر ،
وتوجد الات اغلى وتطبع اكثر .
وتحتاج اله تصوير ملون فقط سعرها حوالي 9000 ريال .
حسب الميزانية تتحكم بعدد الالات اللي تشتريها ،
افضل الالات حسب سؤالي الأكثر من شخص انها شارب .
شركة زيروكس دقة طباعتها ممتازة جدا . ولكنها اغلى من الشارب
يحدد اختيارك للاله وجود الوكيل عندك .
أسأل الشركة عن نظام تأجير الالات ، النظام ينفعل للي عنده طلب كثير .
ممكن تضيف الات الطباعة على الاكواب والاقمشة سعرها حوالي 3000 ريال
تخدم المعلمات في اضافات للانشطة .
كروت الأفراح .
مونتاج الفيديو ،
هذا اللي يحضرني حاليا ،
وبخصوص الدوائر الحكومية .
تحتاج سجل تجاري
الغرفة التجارية
وزارة الاعلام ( الشرط لفتح مكتبة ان يكون طالب الترخيص اكبر من 25سنة وعنده شهادة جامعية ) واذا كانت انثى يجب توفير مدير بنفس الشروط ) واذا كانت قرطاسية تكون نفس الشروط ولكن الشهادة الثانوية .
البلدية .
مكتب العمل لاستخراج تأشيرات عمل (النظام الجديد تنتظر 76 يوم من تاريخ تقديم طلب التأشيرات ).
اي استفسار
في الخدمة
واحد من العيال شغّال في مكتبة خدمات طلابية
المهم يعلمني يقول أكثر الربح من الخدمات الإلكترونية بحوث مشاريع تخرج
تقديم على الوظائف خدمات إلكترونية حكومية ...إلخ لأني استغربت لما زرته
في المحل وجدت تقريباً 8 مكاتب عليها أجهزة حاسب آلي وانترنت وموظفين
وايضاً لا تنسى التحاضير للمعلمين والطلاب لأنها من النت .. الباقي ما عليه
ذاك الكلام في الدخل مثل التصوير وبقية الأمور المكتبية بالعكس هي مهمة
وممكن عن طريقها يعرف الزبائن خدماتك الأخرى .. لكن مثل ما اقول ركز على
الخدمات الإلكترونية وتعاملك مع الموظفين خليه بالنسبة حتى يكون حافز لهم
للإجتهاد أكثر .. أما عامل التصوير والمحاسب يعني اللي شغلاتهم محدودة
أعطيهم راتب ثابت .. صاحبي عاجبته الطريقة يقول صحيح بعض الأيام أطلع
بخمسين ريال فقط لكن في الغالب من 150 إلى 300 ريال يعني لما ياخذ 300
معناه إنه دخّل للمحل 600 ريال .. وشغلته كلها على الكمبيوتر تقديمات وبحوث
وغيره .. وهذا الدخل لوحده فما بالك مع بقية الموظفين ..
وعلى فكرة المحل مكلف من ناحية الديكور والموقع والإيجار والأجهزة والأدوات
قال لي اتوقع كلفه فوق 250 ألف الى 300 ألف ريال
وانا أتوقع إنه خلال سنة إلى سنة ونصف سيسترد رأس ماله وسيبدأ بالربح
لأنه تعب في البداية على المحل والموقع والبداية المحرقة نهايتها مشرقة ~
هذا اللي عندي و اتمنى لك التوفيق من كل قلبي ..
ودي بأسعار الأجهزة وأنواعها وأماكن تواجدها.
وودي بإنشاء دراسة جدوى بكل التكاليف
من سيعمل في المحل اناث فقط ولا يخدم الا بنات طالبات وسيدات اعمال وباحثات.
ودي بخدمات الكترونية شاملة
حتى خدمات ابشر والجوازات والحجوزات للطيران وكافة البحوث وأعمال الفتوشوب وكل ما يقدمه الكمبيوتر
جزاكم الله خير ونفع بما تقدمون
بخصوص دراسة الجدوى
من رأيي تتواصل مع مؤسسة تعملها خاصة بك بعد دراسة سوق المدنية اللّي انت فيها .
أقدر أفيدك بالأجهزة اللّي تحتاجها والسعر التقريبي لها .
تحتاج حوالي ثلاثة أجهزة كمبيوتر كحد أدنى ( سعرها في السوق قطع مجمعه بحوالي 1500 *3 = 4500 ريال )
عدد من الطابعات ( برأيي تكون الطابعات قليله ويتم الاعتماد على الطباعه عن طريق آلة التصوير )
الماسح الضوئي ( الأفضل تشتري الطابعة 3*1 يكون فيها ماسح ضوئي )
جهاز تغليف حراري للأوراق وللبطاقات ( السعر حسب النوع يبدأ من حوالي 160 ريال ,,, )
جهاز تغليف حلزوني أو حديد . ( اتوقع السعر ما يوصل 500 )
طابعة بلوتر ( لطباعة الواسائل المدرسية واللوحات ) سعرها حوالي 11000 ريال .
وأكيد تحتاج أدوات مدرسية مثل الأقلام ومستلزمات الطالبات والعلمات .
تلقاها في سوق الجملة في جدة .
جزاكم الله خير
اين اجد اجود الالات وافضل الأسعار في الدمام؟
وشكرا
فكرة حلوة
وياليت لو تحط فيها كمبيوتر وتخلي الموظف يسوي سيرة ذاتية لطالبين العمل ب 10 ريال
وتوفر جميع الملخصات لجميع مراحل الدراسة ومنهم الجامعية
صدقني راح تكسب فلوس وزباين
الله يوفقك
