جميع الحقوق محفوظة ©
ياخوان
ودي افتح محل الحلاق يكون راقي
وش افضل شي
يعني من عنده خبره يساعدني
بنتظاركم
اخوي حلاقة الدقن والقزع لا يجوز انصحك شف لك مجال اخر
مجرد رأي
جزاك الله الف خير
ورائيك ع عيني وراسي واحترامه وشكرا لك ع التنبيه
الله لا يحرمك الجنه
وش الاعمال الثانيه برايك
وانا اخوك اسمع كلام الاخ ردرقم1 ومن ترك شيا لله عوضه الله خير منه
جزاكم الله خير
الله يرزقنا وياكم الحلال
طيب انتم اشرتو علي بالخير
لكن وش البديل
فيه مغسله ملابس
جزاك الله خير على تجاوبك مع الاخوان
انا اقترح عليك تفتح بوفيه بلدي يعني كبدة حاشي وكلاوي وبيض ايذا عندك زحمة شباب ويكون العاملين فيها يااتراك يا سوريين يعني شغل نضيف وديكور نضيف ويكون طازج يعني يكون شغلك نضيف اعتقد فيها خير بتوفيق انشالله
لا أنصحك إذا كان فيه حلق الدقن
ياخي الموضوع ماهو موضوع حلاقه دقن او قزع النشاظ اصلا فاشل بمنعى الكلمه
لا انصح فيه بتاتا
دور شي ثاني افضل يكون الاعتماد فيه مش على رجل واحد one man show
يعني بوفيه حلاق نجار سباك فران مهن تستوجب عامل واحد فيكون هو المتحكم بالنشاط
لاتنفع هذه المهن الا للعماله وتقبل انت المحل عليه وتاخذ ايجار شهري وهذا مالاتريده انت
ابحث عن بزنزس افضل وابحص عن العمل يكون فيه احتكاك مباشر مع مقاولين كبار عشان تكر بس حلاق ويش بتحتك فيه
كيف حالك أخوي عادي؟
طلعت مقرش ياولد وانا احسبك كحيان مثلي
عموما الحلاق دام فيه حلاقه ذقن وقصات قزع وتقليد للغرب فأكيد الدعوى فيها شبهه وصعب إنك ماترضي الزبون
المغسله دام بتغسل فيها ثياب ضيقه وملابس خليعه وطيحني وبابا سامحني واللي خبرك فبرضه الوضع مشكوك فيه
البقاله والبوفيه العمال بينصبون عليك ويمكن ترتفع الاسعار والناس كلهم بيدعون عليك وكانك انت وزير التجاره
وحتى لو فكرت تفتح مطعم ظبان ولا تبيع لحم غزلان ما حيجيك إلا خوينا مستنصر
تدري أحسن شي وعشان ترتاح على الآخر من كل هالذنوب
حول فلوسك كلها على حسابي وبإذن الله ما حتندم
وهذا وجهي لو شفت تعليقاتي مره ثانيه بهالمنتدى خخخخخخ
ابو بدر
المغسله جاهزة
وش سبب البيع
وين مكانها
وكم عدد العماله
وكم لها وهي شغاله
موجود معداتها
اخ العويند
بارك الله فيك ياغالي
صح البوفيه تمام لكن يحتاج جنب دائره حكومية او مكان عليه حركه كثيره
كم يكلف هالمشروع
بارك الله فيك ادري ان حلق اللحية القزع فيه شك
هذا المشروع ع قد الفليسات
اخوي جهاد
الموضوع يبي له مؤسسه وعارف نظام مكتب العمل كيف هو معقد ويقف مع الاجنبي اكثر من المواطن يعني راح يطيرون مخك ويكرهونك بكثر طلباتهم
والمؤسسه تحتاج الى خبرات في هذا البلد ومعرفه وغير الواسطات
يعني ع قدي الشغل
اخوي لوعة
هههه
انت واقعي ومنطقي
ولا اشك فيك لحظه من اللحظات
كل في هالديره ينصب
منجد انا فكرت افتح محل ضبان ومطعم غزلان علشان اخوي مستنصر
لكن بعد دراسه مستفيضه وجدت ان هذا العمل هو موسمي خصوصا للضبان واستيراد للحوم الغزلان ابلش من وين اجيب من نيجيريا او السودان
وش احسن اللحوم بكره ينشب لي واحد يقولي هذا غزال بلدي والا غزال مستورد
هاه وش ارد عليه
ساعدني ابي حل ياخوي لوعه
لاتشيل هم ياعادي
ترى ربعنا يطفحون ومايركزون
وخصوصا إذا زودت البهارات والخل وحطيت شوية سلطات ومعاها قارورة شطه وكرتون مناديل
صدقني لو تحط من الاساس وانتم بكرامه جرو بدل الغزال اكلوه ومادروا عنه
تدري ريح دماغك وحط بنقالي بالمحل وهو بيتصرف خخخخخخخخخ
بنسبة للحلاق مشروع كويس نوع ما
ولاكن فيه مشاريع افضل
مشكلة الحلاق
تحتاج لموقع متميز
وديكور راقي علشان الفئة
وتحتاج لسكن عمال
وفيز و تامين طبي
ولازم يكون عندك معلم يدير العمال
ومشكلة المعلم اغلبهم يطلعون لمن تقول لهم الكريسي مثلا ب 5000 ريال
ونفس الحلاق ينحش الزبون ولا يحببة في الحلاق وبعضهم اذا ارتح معك بدع واذا ما ارتاح خسر المحل
وخذ عندك ان الرياض البلدية متشددة يعني لو حصل عندك موس حلاقة حديد ممكن يغرم المحل
وغرامات الحلاقين واجد وعالية
والمحل بيكلف اقل شي 100 الف اذا فتحتين
ونصيحة قبل لا تفتح دور لك على معلم فنان يمسك لك المحل ويجيب العمال بمعرفتة
اعتقد ان المطعم افضل واربحه اكثر وتكلفة قريبة من الحلاق
وحاول تشوف لك مشاريع غير متداولة زي الحلاق والمغسلة والتموينات ومن هل مشاريع
وبيني وبينك ولاحد يقرا كلامي ولاحد يسمعني هههههههه
واحد من الشباب اشترا له بوكلين وما شاء الله في خلال سنة وعليها اخذ له الثاني
ميزت هل معدات الثقيلة نسبة المخاطرة ماهي عالية يعني خسارتك ما توصل ل 50 الف غير عن الحلاق والمغسلة ممكن تدفع 130 الف واكثر وتخسر لا قدر الله وما يصفي لك الا الفيز والتقبيل
وايضا ممكن تبدا ب 10 الف ريال تجيب لك بضائيع من الصين وتجرب حضك مثل اكسسوارات نسائية او الجوال وتبدا حبة حبة والله يوفقك
الاكسسوارات تجيب الحبة ب 10 وتبيعها على حقين الجمله 20 وحسب الاكسسوار اذا كان مطلوب
لا تستعجل وادرس المواضيع على مهلك
والله يوفقك ويوفقنا ان شاء الله
as60
بارك الله فيك
كلامك عين العقل
وياليت نتواصل ع الخاص
كم المبلغ اللي معك
عندي لك مشروع حلو بس حسب المبلغ وكل شيء بسمك
هلابك اخوي
المبلغ معي حليو بس مهوب ذاك الزود الله يبارك لي فيه ويبارك لك في حلالك
ياليتك تتواصل معي ع الخاص او تكتبه علشان الكل يستفيد من المشروع
كم يبي له من راس مال وش المطلوب فيه
وينكم يالمستشارين
دلووني تكفون
