| جميع الحقوق محفوظة © |

أستفسار بخصوص تسديد قرض(البنك الأهلي)

السلام عليكم ورحمه الله,,

((صديق عزيز جدآ طلب مني أنزال الموضوع,,فأرجو المساعده))

أخواني بكتب بالعامي عشان الكل يفهم ويكون الموضوع سهل وخفيف//
المهم

لي 9 شهور من أستخراجي قرض من البنك الأهلي المبلغ 100 ألف ريال المدة 5 سنوات القسط الشهري1882 ريال

انا الآن محتاج أعاده تمويل بمبلغ 40 ألف ريال للضرورة

السؤال /

هل تنصحوني بالأشخاص اللي يحطون أرقامهم على الصرافات التابعة للبنوك وفي الشوارع العامه لتسديد القروض وأستخراج قرض جديد

هل في أحد جرب التعامل معهم وهل هم موثوقين وهل تعاملاتهم شرعية.

اللي يعرف أحد تعامل معهم او تعامل هو شخصيآ معهم يراسلني الله يوفقكم للضرورة

اللي عنده أي معلومه ممكن تخدمني يطرحها هنا بالموضوع

وراح أكون شاكر ومقدر..

الردود
نقاشات مشابهة
الكل: 6
1.
20:06:07 2012.09.01 [مكة]
الي في الشوارع نصيحه ابعد عنهم انا مالي خبره بس البنك الي ما خذ منه القرض يعيك قرض جديد تمويل جديد ان شاء الله على اني مني متاكد مره
2.
عضو قديم رقم 339380
05:41:22 2013.08.12 [مكة]
ياخوي البنك الاهلي روحلهم قولهم ابي قرض تكميلي اللي هو يعطونك قرض ويصير مع القرض القديم
3.
عضو قديم رقم 339380
05:43:50 2013.08.12 [مكة]
اما اللي بالشارع عادي تعاملهم مثلا انت عليك 90 الف هو يسدد المبلغ لك وبعد مايسدده انت تاخذ قرض جديد مثلا 150 الف وتعطيه 91 الف التسعين اللي سددها والف ريال اتعابه
4.
07:30:16 2013.08.12 [مكة]
معليش اخوي انت لك الان 19 شهر من تمويلك الحالي . اول شي هل البنك بيعطيك المبلغ اللي انت تبيه. عشان تعرف اضرب الراتب اللي ينزل في الصراف في 18 اللي هو 18راتب الإجمالي هو اللي بيعطونك البنك علما ان فيه بنوك تعطيك ال18 راتب ع أساس إجمالي اللي في تعريف الراتب وكذلك في بنوك تعطي ع 22 راتب هذا الراجحي ولكن له استثناءات. الفايده الان المتوسط حقها 2% تزود او تنقص . اذا انت بتاخذ على نفس بنكك أمورك بتصير بسرعه اما اذا تبي تنقل من بنك لبنك هذي فيها شوي حوسه. اللي يسددون في إعلانات الصرافات وكذا اغلبهم ياخذ 10% فالشهر قلت اغلبهم لكن ينفع انك تفاوضهم بأقل . شرعيا ما افتيك لكن دينا واضح ، ماعليك من اللي يتسابقون الفتوى
5.
عضو قديم رقم 24711
17:38:26 2013.08.12 [مكة]
خذ تجربتي انا مثلك اخذت من الاهلي وبعدين احتجت مبلغ رحت لهم قال اعادة تموين بنسة 6 % حاليا وهي متغيره يعني اعادة تمويل ما تطلع بشي يستاهل وتزيد عليك مدة السداد -موظف البنك الاهلي يتعامل مع شريطية اللي يسددون قال احسن طريقة سدد قرضك كامل وخد قرض جديد افضل لمبلغ التمويل وعطاني رقم واحد منهم وكلمته وقال ابي مبلغ 10000 ريال عشان العملية شرعية وفيها بيع دداسن وخرابيط يلعب علي وكل هالسالفة بيع دداسن وشراءها مره ثانية في ساعة ( يقول شرعية ) المهم ما تنفع الطريقة لوجود شبهه وكذلك المبلغ اللي ياخذه طار بالفايده لي -المهم قدامك حل تروح لبنك آخر وتطلب سداد مديونيتك ونقل حسابك عندهم وتاخذ منهم والمطلوب هنا 1-كشف حساب لاخر ثلاثة اشهر مختوم 2-شهادة بالمديونية من البنك الاهلي 3-تعريف بالراتب من جهة عملك المشكلة هنا بسيطة جدا وهي ان البنك الجديد اذا وافق على تمويلك راح يطلع لك شيك مصدق باسمك بالمبلغ المذكور في شهادة المديونية ويقول لك رح انت اودع الشيك في حسابك بالبنك الاهلي وسدد قرضك ومن ثم حول حسابك علينا من قبل جهة عملك ومتى ما تم ايداع اول راتب لك عندنا نكمل لك باقي التمويل يعني هالطريقة يبيلها من شهر لشهرين حسب جهة عملك وتحويل الراتب واذا انت تعرف احد بشؤون الموظفين يمكن يبيلها ساعة وفي وجهة نظري هي الطريقة الاسلام لاسباب 1-ما فيها محذور شرعي انت اخذت مبلغ وسددة بنفسك قرضك 2- تحصل نسبة افضل في بعض البنوك التمويل بربح 1.79 وكان فيه بنك قبل رمضان بنسبة 1.49 وهم افضل من البنك الاهلي 3-تاخير شوي في العملية لكن النتائج افضل بكثير من اعادة التمويل امل ان اكون قد افدتك بتجربي في الشهرين الماضيين والله يوفقك لك خير
6.
عضو قديم رقم 145912
02:37:17 2013.08.13 [مكة]
أنا مثلك علي تمويل على البنك الاهلي وجيت ابغى تمويل ثاني قالي النسبة 5.5% نسبة عالية جدا رحت الانماء على اساس ابي تمويل بدون تحويل راتب بس للأسف قدمت ولا جاني رد منهم رحت لسامبا وقالي نسدد قرضك والنسبة 1.9% مع رسوم ادارية 1745 ريال بس متردد كثير لاني قريت ان التورق حرام الا لازم تشوف السلعة بنفسك وتبيعها عن طريق طرف ثالث ماله علاقة بالبنك.