| جميع الحقوق محفوظة © |

آرائكم على مؤسسة تأجير سيارات

لو تكرم كل واحد يدخل الموضوع يعطيني فكرة لمؤسسة تأجير سيارات أقدر أستفيد منها ، أنا ناوي أفتح محل ولا أدري عن الأفكار التجارية اللي تنجح المحل .
الله يوفقكم

الردود (12)
الكل: 12
1.
17:00:29 2012.01.12 [مكة]
اذا بتشتري السيارات كاش بتستفيد واذا لا راح تكد للشركات هذا المحتصر عن تجربة
2.
عضو قديم رقم 243324
17:19:55 2012.01.12 [مكة]
الموضوع اللي في الرابط هذا بيفيدك كثير http://www.btalah.com/showthread.php?t=345016 وهذا افضل رد في الموضوع الترخيص تعجيزي لازم يكون عند من 50 سياره الى 30 سياره بسمك ولو كان عندك اتوقع ما يحتاج تستثمر بياجير لانك لما تملك عدد من السيارات بسمك وعددها كثير معناها انت شخص ملياردير اسمع مني انا اعرف محلات برياض مسوين محلات من دون ترخيص وشغلهم تمام بس كل ست اشهور يجونك لجنه من الجوازات والبلديه والمواصلات ويقفلو المحل وتسدد المخالفه تقريباً 3000 الف ريال مو شرط يجون كل 6 شهور ممكن مره بسنه يعني الموضوع مربح جداً السياره الوحده راح تاجرها بمبلغ 80 اذا كانت اكسنت جديده موديل السنه وعليك الحساب اخوي
3.
17:57:46 2012.01.12 [مكة]
50 سيارة في المدن الكبيرة كالرياض والدمام وجدة بالنسبة للبقية فيكتفى ب15 سيارة طبعا لازم يكون عندك مقر رئيسي يسع لعدد ال50 سيارة وتفتح مكاتب فرعية طبعا المقر الرئيسي لازم حوش توقف فيه السيارات ولزم تشترك في نظام شموس ولازم تروح المباحث والامن الوقائي والمرور وسالفة واذا ما عندك 50 سيارة تقدر توصل لادارة النقل بمنطقتك وتمنح ترخيص مؤقت لين تكمل العدد والترخيص هذا تقدر تمددة لين ربي يكرمك وتكمل العدد المطلوب وعلى فكرة تقريبا من 6 سنوات سيارات التاجير المنتهي بالتملك ما كان يرضو يمنحوك بموجبها ترخيص تاجير والشرح يطول ويطول بس بختصر لك ترا فيها مشاكل كبيرة وفيها سيارات اذا راحت انسا ترجع ويعوضك التامين عنها اذا كنت مامن واذا لا فالله يعوضك والله يا فيه سيارات كنا نجيبها بدون مقاعد من روس الجبال في جيزان وفيه سيارات نروح نستلمها من المخدرات وهي مخرمة من كثر ما رموها يالمجاهددين يالمباحث يالمخدرات وفيها خير كثير اذا قدرت تاجرها على شركات او ادارات حكومية اما زبون الشارع والله ما وراه الا المشاكل الا من رحم الله تعلقيا على الرد السابق بالنسبة لهجمات وزارة النقل على المحلات اللي ما عندها تراخيص فهي تكون مفاجاه يسكون المحل والغرامة اعتقد 5 الاف ريال انا اتكلم من خبرة سابقة في تاجير السيارات بمدينة جدة
4.
18:57:06 2012.01.12 [مكة]
لو تفتح في أحد المدن الصغيره ك تجربة ..وبعدها تتوسع .
5.
22:27:36 2012.01.12 [مكة]
تأجير سيارات او ليموزين ماوراها الا وجع القلب لأنه بكل بساطة ضاعت الامانه بهالزمن مجرب
6.
00:07:34 2012.01.13 [مكة]
هناك ترخيص للبيع بحدود 60000ريال جاهز قابل للتفاوض لدى احد الاشخاص ب15 سياره وهناك منطقة يمكن العمل بها بشكل ممتاز وارباح ممتازه من واقع تجربه
7.
عضو قديم رقم 217596
00:44:17 2012.01.13 [مكة]
لازالت ثقافة جلد مهو جلدك جره على الشوك موجوده بقوة إذا إختفت الثقافة هذي فالك التوفيق وإذا بتنتقي زبونك فالله يعينك فيه عماله تدير محلات آجار مايفرق معها الزبون أهم شي يطلع سيارة وخلاص وهذا يخرب على البقية ولو تستفيد من منح تخفيض لعدد من المستشفيات والإدارات الراقية وتسوي خدمة توصيل الزبون لبيته بعد مايسلم السيارة أو للمطار بمقابل بسيط برضو تكسب الزبون تحياتي وبالتوفيق يارب
8.
23:54:55 2012.01.13 [مكة]
شكراً لكم جميعا كل واحد باسمه . يمكن أني ما وضحت الفكرة صح . أنا عندي التصريح لشركة تأجير كامل الأوراق ، وأبي أفكاركم لشيئين ، تفادي المشاكل ، وجلب الزباين صح ، أما قضية النظامية والكاش فما عندي مشكلة .
9.
00:10:52 2012.01.14 [مكة]
يعني افهم منك انك تمتلك تصريح تاجير سيارات بعدد 50 سيارة والان انت ما تبي الا الشيئين هذي اللي هي تفادي المشاكل وجلب الزباين ؟؟؟؟؟ س1/ هل أنت متأكد أن التصريح الي معك تصريح تأجير سيارات ؟
10.
14:16:11 2012.01.14 [مكة]
ههههههههه ( hmym1) نعم ياخوك وش الغريبة . التصريح والمؤسسة والسيارات موجودة ، وحتى الآن ما فتحت المؤسسة يبي لي كم يوم على التجهيز ، عادي تتقول ليش تكتب ، هذا السبب - من كثر ما اسمع من المشاكل هذي وحدة . - والثاني أسمع أن فيه عقود طويلة الأجل لشركات ومؤسسات هذي الثانية . والثالثة أحتاج أفكار تجارية للتسويق وانتقاء الزباين .
11.
08:21:25 2012.08.16 [مكة]
صعبة تميز الزباين الزبون موكل يوم جاي يستأجر لكن أنصحك تركب أجهزة تتبع المركبات عشان ماتحنب مع بعض الزباين وأحيانا يكونوا أقاربك النصيحة التانية هي تأجيرها بالشهر على ناس تترزق الله في توصيل المشاوير ويكونوا كبار في السن ولو كانوا من مواليد المملكة أو ممن طالت فترة إقامتهم بالسعودية ولكن لن يكون ربحك منهم مثل زبون اليوم واليومين طبعا تربح من القطاعي أكثر من إلي يستأجر بالشهر ولو قدرت تأجر سيارات قطاع الأعمال التجارية يكون أحسن وأحسن مثل سيارات الفان السوزوكي والبرادات والدينات والباصات 15 راكب و29 راكب فزباينك سيكونون مؤسسات وشركات وفنادق ومدارس ومعاهد وخلافه يعني القدرة المالية أفضل بس تراهم مايستأجرون الغالي ولكن إذا انبسطوا من أسعارك وخدماتك مايفكوك ولايروحون لغيرك ويتوسعون كل سنة
12.
21:52:04 2013.06.23 [مكة]
شكراً للجميع اللي اقترحوا ، الآن المؤسسة شغالة وعندها أكثر من 20 سيارة ، الإخوة اللي اقترحوا آجار شهري ماعند الغدارة مانع تؤجرهم بأسعار حلوة ويكون آجرها وقت الدراسة مو المواسم بحيث يقدرون يستفيدون منها في أوقات الدراسة . بالنسبة للي اقترح عقود طويلة أنا مو بس عندي مانع بالعكس أرحب وأي واحد يجي من طرف مستعمل له 10% من نسبة العقد تدخل بحسابه مباشرة سواء كان وسيط لشركة أو أقنع أشخاص أو غيرها بس شرط ما يكون تابع لدوائر حكومية لأني ما أحب أدخل وسطاء بهالنوع من العقود .
أضف رداً
نقاشات مشابهة