مارأيكم باجهزة تنقية الهواء بالايونات السالبة اعطونا تجاربكم

اشتريت بني سونيك ب1199ريال به فلترين وحد كرتون والثاني فحم لسحب الروئح الكريهه الصرحه الجهاز جيد ويعطيك اشارة اذا الجو او المكان ملوث تنضيف الفلاتر بمكنسة كهربائيه كل اسبوع وبعد خمس سنوات تستبدلها وكيلها العيسى يجب عليك اولا انت تعرف حجم الغرفه موجود عند ساكو وفيه صديق لي حصل نوع امريكي حجم كبير ب500 ريال اهم شي الفلاتر تكون متوفرة امل ان اخطئت السماح من الله ثم منك وان اصبت ان يجعلها الله صدقه لموتاي استودعك الله

افضل استخدام لهذا الجهاز لالامكان المغلقة الى فيها تدخين غير كذا ما في منه فايدة

انا شريت جهاز تنقية الهواء الكبير من ساكو حلو بتنقية الهواء لكن الروائح مصيبه يمسك الروائح العفنه مثل الدخان وكل ماتشغله تنتشر الريحه مع اني نضفت الفلتر وبخيت عليه معقم ديتول ونفس المشكله اذا شغلته ترجع ريحة العفن

حنا في منطقة صحراويه واجسامنا ما ترتاح الا مع ريحة الغبار والابل والغنم ... لو يروح واحد لماليزيا او اندونيسيا سياحه ينكتم صدره لانه ما تعود على الاوكسجين الصافي .... فاصله انا شريت من ساكو بـ 950 واذا شغلته خيس الغرفه وجدعته وارتحت وارتاح البيت وارتاحت الرياض وارتاحت المملكه ...

^ليييش تجدعه الله يهديك؟؟ كاان رجعته لساكو الله يهديك شايف ال950 ريال سهله ؟؟؟ هذا فيه واحد في المملكه زعلان عليك كيف تقول مرتاح! هذا اهدار واسراف فاصله منقوطه تصدقون يجماعه مره رحت ايكيا (مظطر) بشتري لمبات عشان السرق عندنا لمباتهم الله بالخير فمالي حل الا ايكيا المهم عند الكاشير يوم جيت صاف سرا بدفع جا واحد شكله على نياته واخذ قاروره كانو حاطينها ايكيا عند الكاشير حركات تسويق عشان يغرون اللي صاف سرا انه يشتري المهم جا واخذ القاروره وقلب فيها يطالع يوم سألني: هذي وشي له يالاخو ؟ قلت له: هذي تحطها بالمطبخ وتعبيها حلاو او سكر او بهورات تصير جاهزه اي واحد يبيها ياخذ وهو ماشي قال: والله اني اقحش وبس نص اللي خذته مادري وشهو له يوم خذ ذالقاروره معه وناعيوني طالعه ولساني منعقد! قلت خله ناصيته بيد الرحمن وش اسوي انا الله المستعان

اجهزة الايونات السالبة - ممتازة جدا في تنقية الجو خصوصا الجو الملوث سواء دخان زيوت - او اشعاعات الجوالات والاجهزة الالكترونية - انا متخصص في الطاقة الحيوية - لكن اجيب اجهزة صغيرة من الصين توضع في الجوال - والسيارة - تعطيك ايونات سالبة وبنفس الوقت رائحة زكية .وسعار حلوة .

عطنا من ذي الاجهزه الصغيره وينها

كله يسحبلك هواء من هنا و يطلعه بخار من هنا و قالو لك عقمنا الهواء كيف بيعقم الهواء اكيد قصدهم فلتر و صفايه طيب الفلتر و الصفايه الهواء موجوده في المكيف ليش التكاليف و المشكله اذا فيه رأحه دخان او راحه قويه يحفضها داخل الجاز ولا تقدر تطلعها كل ما تشغله تطلع ريحه الدخان