السلام عليكم:
انا اسكن في شقة في عمارة تجارية شقق عوائل عمارة كبيرة من اربع ادوار
وتعرضت سيارتي للتكسير اكثر من مره وكذلك الجيران.
قمت بوضع كاميرا مراقبه على شباك احدى غرف شقتي لمراقبة الشارع.
واشتكوا الجيران في العمارة المقابلة لعمارتنا وهي نفس نظام عمارتنا عمارة تجارية بنظام شقق عوائل. بمعنى ليست فله سكنية.
يقولون هل لديك تصريح؟؟
يا جماعة الخير
هل يتطلب تصريح لوضع كاميرا على الشارع العام للافراد؟ وإن كان كذلك من وين احصل على هالتصريح؟
حيّاك الله أخي الكريم ،
أوّلاً: ليس من حق الآخرين الاعتراض ما زال ليس في الأمر كشف عليهم أو نحوه.
ثانياً: حتى المرأة المؤمنة عليها أن تلبس لباساً لائقاً ولا يهمّ"ها التصوير إن حصل.
ثالثاً: هناك كميرات صغيرة للغابة ولا يمكن ملاحظتها ، لكن تريد تركيب كميرة " حجم الحمار" وتريد الناس تسكت!!
رابعاً: لا يوجد تصريح معيّن للأفراد بوضع كميرة خارج منازلهم بخلاف الشركات الكبيرة ، لكن بإمكاتك تقديم شكوى في سريّة تامة لقسم الشرطة اذي تتبع له وهم يتولامن المهمة عن طريق البحث الجنائي في أقسام الشرطة.
خامساً: قد يكون ضمن من عارض الكاميرة التي وضععتها من فعل تلك الفعلة بسيارتك وسيارات جيرانكم لأهداف بعيدة منها أن تترك أنت أو تتركوا جميعاً العمارة ، أو قد تكون نكاية بمالك العمارة لأي سبب ...... إلخ.
شاكر تفاعلك
والله يا غالي فكيتها! مضرتي ولا مضرة الناس
إن كان فيه مضرة فعلا.
ولكن ما اقول إلا حسبي الله ونعم الوكيل
ان شاء الله يشوفها في سيارته من شان يعرف ليه وضعت الكاميرا.
تقول اقدم شكوى في سرية تام لمركز الشرطه.
من وين سرية تامه والواسطه لاعبة بأقسام الشرطه
وفقك الله أخي الكريم ، أعني بالسريّة أن لا تخبر أحداً من سكان العمارة .... أو حاول تضع واحدة صغيرة فهناك كميرات فاعلة متناهيّة الصغر ور خصية ، تضعها بحيث تتأكد أن لا يراك أحد أو تضع لك مراقباً وقت وضعها ... وهي صغيرة لاسلكية ولا تحتاج لتوصيلات تجدها متوفرة ودعاياتها في كل مكان.... وبالتوفيق.
موجوده اخي الكريم
وعارضها للبيع في اعلاناتي
لكن ينقصها بعض التقنيات مثل بدء التصوير بالحركه او التصوير تحت الظلام وغيره..
اللهم من أرادني بسوء فأشغله في نفسه.
فيه كاميرات تثبت عند مدخل العماره ويتم ربطها بكمبيوتر وتسجل على مدار الساعه او عند اعتراض احد امامها .. وما دامت تحت عند الباب فلا تكشف على احد ولو وضعت ملصق انه يوجد كاميرات مراقبه تخلي المسئوليه ...
مراح استفيد إذا بثبتها على الباب
لان السيارة مراح تكون في الموقف الي مقابل الباب على طول
اوقف سيارتي بأي مكان بالشارع واوجه الكاميرا عليها
لكن بعض التخلف يسبب مشاكل
اش الفرق بين لما اوقف على الشباك او احط كاميرا!!
واهله في بيته مين بيشوفهم
غير ان مافيه فلل خاصه من شان ياخذون راحتهم بالحوش!
كلها مجمعات سكنيه من اربع ادوار.
دعواتكم يرزقني الله بيت وكل من لا يملك بيت
وافتك من مشاكل الشقق وشكاوي الجيران الي ما تخلص
معاد احد يتحمل ولا يحترم الجيره ولا يقدر ضروفك
هذا الي عارض على الكاميرا
اعتقد انه مستاجر جديد ولسى ما جاء الدور تنسرق سيارته او تتكسر عشان يعرف قيمة وجود الكاميرا ولو وهميه..
لكن اش تسوي بأصحاب العقول المتحجره..
ياليت من يمر على موضوعي يسألي من وين اجيب ذالتصريح وشروط وضع الكاميرات لاخراض خاصه.
لا حول ولاقوة الا بالله
الله يكون في عونك اخوي ويصبرك.
جزاك الله خير اخي الفيصل
صراحه اول مره ادري انه لازم تصريح بس افضل التصريح حتى لا تتسبب في مشاكل مع الجيران واتوقع التصريح البلديه والهيئه وتطبيق النظام افضل ممكن انت شخص صالح وغايتك حسنه غيرك ممكن غايته كشف حرمات الناس
حرمات الناس في الشارع يا الماسه2 ؟؟؟
كل النساء لما يمشون بالشارع يمشون متغطين حتى الاجنبيات تلبس عباءه!!
يتهيأ لي انك قاعد تصور شارع !!!
ياعمي حط كمرتك وخليه هو اللي يجيب تصريح يمنعك !!
الأمور اللي ماعليها قانون واضح ، عادة تعدي بالتفاهم، فلو حصل اشكال ، خلي حجتك واضحة وبين السبب ومدى تضررك و غيرك من الجيران من التعدي على ممتلكاتكم، والله يسهل الأمر ويعينك على بلواك.
شوف عزيزي من باب الجيرة والاحترام ان تستاذن منهم
وهم بيرفضو طبعا لانه يكشف دخواهم وخروجهم
فجيب لا تصريح من اقرب قسم جنبك وارتاح واعتذر منهم
مهما كان هذولا جيرانك
وإذا جاري مريض!!
بعدين من وين التصريح هذا سؤالي؟
يآبن الحلآل حط الكمرآ
وآذآ جآ وآحد وقآلك شلهآ
قل له مستعد تعوضني آذآ جآ سيآرتي آي شي ؟؟
ان قال ايه وهي مستحيل < خله يوقع على ورقة واضحه ..
وان قال لآ قل آجل مآني شآيلهآ ..
هو يقول لك جب تصريح بأنك تحطهآ
قل له جب تصريح بأنك تأمر بأني أشيلهآ ..
وبعض النآس مآينفع معهآ آلطيب ..
16. بقلم: مفتاح0
مثل ماقال مفتاح
بعض الناس ماينفع معها غير انك تاطى رقبتها
انا مع اخوي مفتاح كلام مقنع وحل رائع بإذن الله
تحيتي
اخى العزيز لا تفتح على نفسك باب مقفول فلن تجد فى اقسام الداخليه كلها من يعطيك التصريح بل سوف يمنعونك ويراقبونك والحل كما قال احد الاخوان اما ان تكون صغيرة يصعب رؤيتها من قبل ملاقيف الجيران واما ان تضع فى الليل وتنزعها فى النهار حتى تصور الفاعل ولعله احد الجيران
رح لم محلات تجهيزات كمرات المراقبه
وهم يعلمونك وش الطريقه
على فكره هناك كمره صغيره مع جهاز شبيه للرسيفر
تشبكه بالكهرب بس مايسجل الا اذا الكمره سجلت حركه
وهذا افضل جهاز مراقبه مناسب لك
ولوصلت لهذه الملحات اسئلهم عن التراخيص والنظام المتبع لتركيبها
بعدين انا مثلك
وسيارتي الان فيها انذار ودائما اوقفها قريب من الشباك
على شان لو احد حاول فيها ادري على طول من الصوت لوني نايم
هذا والله يستر علينا ويحفظ حلالنا