| جميع الحقوق محفوظة © دار تقنية المعلومات IT Dar |

هل عامل واحد لمحل جديد لابد له من السعودة

السلام عليكم

اخواني ابي اسال
ابي افتح محل ملابس رياضية واحتاج عامل الى عاملين
المحل مساحته 90م
فهل لازم اسجل سعودي على المحل او في عدد معين عشان يلزمزني بالسعوده


مو معقولة المنشاه الصغيرة جدا يلزموني بالسعوده على عامل او عاملين هذا قمه الظلم لو هذا صحيح.

كل الردود: 8
1.
09:08:48 2014.08.14 [مكة]
شغل سعوديين ليش عمال ولد البلد أحق
2.
عضو قديم رقم 257975
09:53:56 2014.08.14 [مكة]
اتوقع اذا مهنتك متسبب ممكن تسجل نفسك في شرط السعودة لكن ماني متاكد من المعلومة
3.
عضو قديم رقم 348757
12:51:12 2014.08.14 [مكة]
صاحب العمل يسجل في السعودة هو وافراد عائلته
4.
23:38:38 2014.08.14 [مكة]
اذا أنت متسبب ومنت مسجل في التأمينات مايحتاج انك تسعود لان اسمك راح ينزل على طول يالتامينات ومقابل كل سعودي 9 عمال أما اذا كان صاحب المحل مسجل في التامينات فلازم يسعود سعودي وشهريا التأمينات تاخذ منك 600 ريال اذا سجلت راتب السعودي 3000 ريال والطريقة المتعارف عليها بين اصحاب المحلات يسعودون واذا طلعت التاشيرات واشتغل المحل وقصيت له كرت عمل يفصلون السعودي اللي مسعودينه سعوده وهمية عشان مايخصم منهم 600 ريال شهري وقبل ماتنتهي اقامة العامل يسعودون واحد اخر أما بالنسبة للاخ محمد واللي يقول ليش ماتوظف سعودي بدل العامل لإأنا أقول له الشغله اللي ماتعرف فيها لاتفتي فيها لان السعودي لو بشغله بالمحل راح يطالب براتب 3000 ريال ويسحب رجليه وغير كذا التامينات تاخذ مني على الموظف السعودي 600 ريال يعني صرفت شهريا 3600 ريال وهالقيمة تجيب لي عاملين بالمحل
5.
عضو قديم رقم 327138
02:17:37 2014.08.15 [مكة]
فعلا عندي نشاط جبت 3سعوديين واحد يدوام المغرب وينافخ بعد والثاني نص المحل راح هدايا للشله والثالث قلبها غزل
6.
13:32:17 2014.08.15 [مكة]
انا موظف مسجل بالتامينات وما اقدر اسجل نفسي على المحل المفترض خاصة للمشاريع الصغيرة التي بها من 3 عمال واقل ان لا يشملها النظام الا بعد مده معية مثلا سنه او سنتين او حتى لا يشملها ابد الا اذا توسع المشروع او احتاج صاحب المشروع عمال زياده لاني كمبتديء في مشروع صغير بالاغلب مقترض او معي مبلغ محدود باتكلف باجار محل وديكور وغير المبالغ الى تروح للحكومه من بلدية وسجل تجاري وتجهيزات للدفاع المدني وغير البضاعة والفيز لو بجيب عمال طيب اذا انا بيلزمزني اوظف سعودي من البداية طبعا حتنتظر 3 شهور على بال ما تصير بالاخضر عشان تقدم بعد كذا على فيز للعمال فمعناته ال 3 شهور الاولى المحل مقفل خسرت ( اجار 3 شهور اقل شي) بالاضافة الى دفع رواتب ل 3 شهور كل شهر 3000 ريال اقل شي لموظف سعودي وعلى بال ما يجي العامل يبغالك من 20 الى 60 يوم يعني كاني حافر بدال ما الدولة تدفع صرت انا ادفع --- انا ما عندي اي مانع اوظف سعودي بس عطني على الاقل عامل او عاملين وبعد فترة المحل يشتغل ويستقر واجد فعلا انه ذو فائده وبعدها قلي سعو المحل اما من البداية فهي خسارة على التاجر اكثر من انها اضافة
7.
17:54:32 2014.08.15 [مكة]
جب لك سعودي وشف الوضع اانت دافع دافع ال3000 وخله يشتغل دوام واحد المساء فقط شف الوضع لحد مايجي عاملك
8.
19:56:04 2014.08.15 [مكة]
اذا النشاط باسمك وانت لست موظف ومهنتك متسبب لاتحتاج توظيف سعودي لانك راح تنحسب بالسعوده لكن اذا انت موظف قطاع خاص يلزمك توظف سعودي