جميع الحقوق محفوظة ©
السلام عليكم ورحمة الله وبركاته .. كيف حالكم اخواني عندي مشكله واتمنى المساعده .. في عائله من خارج السعوديه اقامتهم كانت متاخره بسبب فصل الجوازات المهم الجوازات الحمد لله وصلت وبدأوا يسون الاقامه ودفعوا الرسوم وكل شيء تمام .. وين المشكله! المشكله ان عليهم غرامه والغرامه هذه مو عارفين يسددونها كل مايحطونها بالبنك مايقبل التحويل والموظف يقول انا عندي سستم معين لازم يجيني رقم عشان اسوي الاقامه يقولون له طيب خذ الفلوس يد بيد هم رافض يروحون الجوزات يقولون لهم طيب ضيفوا الغرامه على فاتورة السداد هم رافضين الحين شلون يسددون الغرامه هذه عشان تطلع الاقامات .. حالتهم جدا صعبه لان الاولاد بينفصلون من المدرسه واي معقب يقدر يرد يفيدني بخصوص هالموضوع وشكرا لكم
وعليكم السلام
هل يوجد من افراد العائلة شخص عمرة فوق 18 سنة ؟
اي نعم
اجل يبيله فصل يعبي استمارة للتابع اللي عمره فوق 18 سنة ويراجع الجوازات ويقول للموظف المختص ابي اسوي فصل تابع وبعدها يسدد برقم اقامة التابع مبلغ الرسوم لان بعد الفصل يكون للتابع اللي عمره اكثر من 18 مبلغ خاص لاقامته
هم فعلا سوا كذا راحوا وفصلوا الولد وخلصوا كل شي. بس سؤالي شلون بسددون الغرامه حتى مبلغ التجديد حق الاقامه سددوه كل شيء تمام بس الجوازات عطوهم ورقه بتسديد المبلغ بدون الغرامه والحين يقولون ادفع الغرامه قال طيب ابشروا راج اابنك يحول الغرامه عيت تتحول غيروا البنك نفس الشيء بس يبون طريقه لسداد الغرامه والله يجزاك خير
اذا الغرامة غرامة تأخير خله يسوي استرداد وبعدها يرجع يسدد من جديد احتمال تنزل الغرامة مع رسوم التجديد
اها قصدك يسحب رسوم تجديد الاقامه كله وبعدين يقدم من اول وجديد ويسدد الغرامه مع الرسوم ¿!
إذا كان تسديدك قبل الغرامة فيه طريقتين حسب علمي :
1- استرداد كامل القيمة والسداد مرة أخرى مع التأكد بأن السداد يشمل قيمة الغرامة .
2- إن كانت الغرامة على صاحب الإقامة يقوم بتسديد أي قيمة تساوي قيمة الغرامة مثلاً الغرامة 500 ريال يقوم بتسديد خروج وعودة متعددة لأن قيمتها 500 ريال ( المهم يدخل حسابه مبلغ الغرامة بغض النظر عن نوع المعاملة )
الله يجزاك خير ماقصرت
