| جميع الحقوق محفوظة © دار تقنية المعلومات IT Dar |

تكفون الكل يدخل ويعطيني حل ,معامله عند الاحوال المدنيه

السلام عليكم اخواني انا لي معامله عند الاحوال المدنيه
وجلست اراجعها لعام 1430 وانصدمت ان المعامله ضايعه وقدمة
على حقوق الانسان وصدر من عندهم تذكرة مراجع لوكالة الاحوال
بعام 1432
وجلست لعام 1434 اتابع المعامله وكل ماجيهم يقولون لي تحت الاجراء
وبعد مرور ثلاث سنوات انصدمت بان المعامله ضايعه من عام 1430 بارشيف الاحوال المدنيه
وكانت وكالة الاحوال طول المده تخدرني بكلمة تحت الاجراء واخيرا ارسلة خطابين للاحوال المدنيه مضمونه
الرجاء ارفاق الخطابين بسابقتها
تقدمة بشكوى للامير محمد بن نايف ولكن قابلني وكيل وزير الداخليه
وانا جايه متظلم كان سؤاله لي امك سعودية ان شاءالله امي بنقاليه
انا اتبع ابوي مااتبع امي وبعد مرور 30 ثانيه يمكن قالي راح نتابع معاك
وصدرة المعامله لوكالة الاحوال ورحت الوكاله
وكانت تحت الاجراء قلت للموظف طقتين براس توجع معليش ابغى اقابل الموظف اعرف وش في المعامله قالي ممنوع
قلت الملك عبدالله الله يحفظه قال فيه تعميم ممنوع طيب و صار بالمعامله قال فيها توجيه من وزارة الداخليه وش التوجيه قالي ماهو واضح معي وعرفت اخر ي ان التوجيه تابعو المعامله يعني كم يبغى لي 7 سنوات ثاني او 8 على شان يخلصوني
و اخواني قسم بالله مايملكون ريال الورث متوقف من 8 سنوات
وانا اصرف عليهم والان مااملك ريال قسم بالله صار يطري على بالي بلاوي
ولكن ارجع وقول لنفسي لا ابوي رباني على هل امور ولا نفسي تقبلها
وانا الحين تودي فيني الافكار وتجيب الظلم زاد ولا فيه من ينصفهم
اشوف الميزانيات لضمان الاجتماعي وصرفها شهرين وهم محرومين حتى من 100 ريال من الضمان
عايشين بالاجار ولااحد يقدر لا موجر ولا مكتب الحين انا وصلت حدي ومغبون وفي راسي افكار
ماابغاها تسيطر علي وعلي شيكات بدون رصيد وحلتي حاله الكهرب لي ثلاث شهور مادفعته ابغى شخص فيدني بحالتي هذي وش الحل
لا امير ولا ملك نقدر نوصل والمواعيد بشهور ومايحس بنار الا من وطاها
انا الان اتمنى تفيدوني وش الحل اللهم اني وكلتك امري وحسبي الله على من ظلمنا
عطووووووووني حللللللللللللللللللللللللللل

كل الردود: 15
1.
20:03:47 2014.05.08 [مكة]
الله يجيب من عنده حل ويريحني 56 مشاهده ولا رد واحد
2.
21:18:47 2014.05.08 [مكة]
سو برقيه عن طريق موقع stc لوزير الداخلية وآخري للديوان او عن طريق مكاتب البرقيات بالبريد نزل الموضوع في سبق وينحل في يومين
3.
21:35:07 2014.05.08 [مكة]
سويت كل ماقلت نزلت الموضوع بسبق وهذا وجهك ياالضيف ارسلة برقيه لديوان الملكي وراحت استفسار ولا ينفع شي المشكله الموظف الي مضيع المعامله مترقي ومنتقل من القسم يعني عايش حياته حسبي الله عليه ونعم الوكيل
4.
23:46:20 2014.05.08 [مكة]
قدم معروض على وكيل الوزاره للأحوال المدنيه في وكاله الأحوال في الشمال او رح شخصيا وقابله الوكيل الجديد مشهود له بالخير وان شاء الله بينفعك
5.
23:58:16 2014.05.08 [مكة]
والله ياخوك بتوجه لديوان المظالم وهو اخر محاوله لي بعدها بتوجه للمحكمه ورفع قضيه عليهم كلهم وهي خاربه خاربه الله يبيض وجيهكم يكفيني ردودكم من ميه وشوي انتم الي رديتو بس
6.
05:18:10 2014.05.10 [مكة]
غريبة انت وش موظوعك جنسية او كرت عائلة او بطاقة احوال
7.
23:24:05 2014.05.11 [مكة]
كيف جنسيه وانا معي بطاقه وابوي بعد المشكله الحين تخيلو ارسلة رساله اجرب برقم القيد جاني رد لايوجد معامله بهذا ارقم والمشكله مستلم الرقم منهم امس كلمني رجال الله يجزاه خير وضيعت رقمه اتمنى يتصصل فيني ثاني مره
8.
13:38:42 2014.05.15 [مكة]
وفقك الله ورزقك الله ويسر الله أمرك كل موضوع من المواضيع هناك سبب للتأخير فيه .... وتختلف المواضيع ... فلديهم موضوعات البدون وهي متعددة ... مواضيع الحلفاء وهي كثيرة ... ومواضيع القبائل النازحة وهي كثيرة ايضاً ... ومواضيع البدون أو القبائل النازحة أو أصحاب البطاقات ممن انتهت صلاحيتها من سنوات وهي كثيرة ... لو طرحت موضوعك بالكامل هنا لودت من يعطيك آراءاً مناسبة وجيهة من تجارب الاخرين هنا .... أعانك الله
9.
21:40:38 2014.05.16 [مكة]
اخوي موضوعي انا ان الوالد توفى قبل يضيف اخواني معاه والوالده طبعا من النازحين والمشكله اخوها ملك الجنسيه السعودية ولكن مافكر يطلع شي يثبت اخته والان انا رفعت معامله عام 1428 بطلب اضافة اخواني ووالدتي وكل الاوراق الثبوتيه معي والوالد استخرج صك يثبت زواجه من الوالده بتاريخ كذا وبان انجب منها فلان وفلان الخ وتم تصديقه من المحكمه والاماره ووزارة الداخليه ومعي اوراق من الشيخ تثبت ابناء فلان وزوجته ومعي حصل ورثه بسماء الابناء وزوجه وتقدمة بمعامله واخذت مجارها وفي عام 1430 صدمني الموظف بعدم وجود معامله لخواني ولما سالته كان رلده لي ارسلتها وكالة الاحوال ووكالة الاحوال انكرت وهو انكر وطريت ان اتقدم بشكوى لجمعية حقوق الانسان بضياع المعامله وصدرت تذكرت مراجع من حقوق الانسان تثبت وجود المعامله بوكالة الاحوال بقسم السجلات والواقعات وبعد مرور ثلاث سنوات من المراجع لوكالة الاحوال صدر حطابين للاحوال المدنيه الرجاء ارفاقها بسابقتها واتضح لي ان المعامله برشيف الاحوال من عام 1432 ونحن الان بعام 1435 يعني ثلاث سنوات وانا اتبع وهم والان تقدمة لوكيل وزير الداخليه ووجه بالمعامله ولما اتجهة لوكالة الاحوال وجدت توجيه بالمعامله وهو متابعت المعامله ولكن للان المعامله برشيف الاحوال وتوجيه ماادري وش فادني فيه واطلب مقابلت الموظف الي عنده المعامله يتحججون بان هناك تعميم ممنوع الدخول طيب اجلس 5 سنوات ثانيه لجل يصدر خطاب ارجاء ارفاقها بسابقتها الان 7 سنوات مظلومين من هل الدائرتين ولا ادري وش الحل اتقدم بشكوى لمين دقيت جميع الابواب عطوني الحل الله يسعدكم انا الان علي ديون وسبب الاهمال تضررت من هل معامله ورسول اللهم صلى وسلم عليه قال لاضرر ولاضرار اخواني لما تقدمة بالمعامله صغار والان رجال ولايستطيعون السفر والمصيبه ان والدتي نفسي اخذ عمره فيها مااقدر استاجر شقه ولا اقدر اسافر فيها لعدم وجود ماده وفوق ذالك محد يقدر ياجر اشخاص ماعندهم اثبات اتمنى من الله وثم منكم تعطوني حل يكون نهائي جهه وحده اتقدم لها ترفع الظلم عنا
10.
19:17:12 2014.05.19 [مكة]
وفقك الله .... الصورة واضحة واضحة .... وخذ الرأي: أوّلاً .... الآن الداخلية بصدد حل المشاكل العالقة برمتها خلال هذا العام بالكثير وموضوع في صحيفة الوطن قبل أربعة أيام يتحدث عن نفس الموضوع وأن هناك توجه كبير لحل المسائل العالقة تجاه الجميع : البدون .. الحلفاء ... أصحاب البطاقات المنتهية ... أصحاب الجوازات المؤقتة ..... إلخ انتظر قليلاً وأبشر بالخير ... وفقك الله
11.
13:33:19 2014.05.23 [مكة]
اي انتظر يااخوي اقولك اهمال غير طبيعي بموضوع اخواني المشكله اني طال نقل المعامله من سنه وكل ماراجعهم بالارشيف ولما تقدمة بشكوى طلبوني رقم السجل المدني للبحث عن المعامله طلعت المعامله منتقله للقصيم من سنه وانا كل مااراجعهم يقولون بالارشيف والان انتقلت من قسم الجنسيه لقسم التجنس وهي بالاساس التجنس للاطباء والمهندسين بالعربي الاجانب المقيمين كيف يحيلون اوراق اولاد سعودي لتجنس ووالدهم سعودي انا تقدمة بشكوى لهيئة مكافحة الفساد نزاهه وراح اسلمهم الاستماره بشكوى جهتين حكوميه اللي هي وكالة الاحوال والاحوال المدنيه حتى تنظف دوائرنا من الفاسدين وعديمين الثقه الي تسلمو هل مناصب لامانتهم وتخليص معاملات المواطن والله ماارضى حتى اشوف تطهير للموظفين صحيح قطع الاعناق ولا قطع الارزاق ولكن يستاهلون
12.
12:47:15 2014.11.27 [مكة]
الله ساعه ثنتين بالليل يحل جميع مشاكل عباده بقدرته كيف ماندري نسال ونمشي الامر امره والقوانين في قبظته سبحانه
13.
12:57:07 2014.11.27 [مكة]
انا اقول بعد التوكل على الله سبحانه وتعالى الجأ الى وسائل الاعلام والقنوات الفضائية وباذن الله راح يوصل صوتك وتنحل مشكلتك فعلا كلامك صحيح ما يحس بالنار الا رجل واطيها واسال الله العلي العظيم ان يعجل بالفرج لك من عنده انه ولي ذلك والقادر عليه وتذكر دائما ان من توكل على الله فهو حسبه .
14.
عضو قديم رقم 390082
00:33:18 2014.12.16 [مكة]
لا حول ولا قوة الال بالله .. منجد منجد الله يفرجها عليك ويفك اسرك ويكون بعونك والله يا غالي اتمنى اساعدك بس ما باليد حيله ربي يكون بعونك
15.
عضو قديم رقم 271556
01:39:29 2014.12.16 [مكة]
يارجل والله فرصة وجاتك .. اطلع الى أي دولة تقبل اللجوء الإنساني وتقدر تحصل على جنسيتها منها كندا وامريكا والنمسا .......الخ الوضع صار بالاحوال مكروه كل شوي تعقيد