| جميع الحقوق محفوظة © دار تقنية المعلومات IT Dar |

المعلقه ..هل لها حق بالضمان

السلام عليكم


المعلقه اللي مو راضي الزوج يطلقها
او يصرف عليها

هل لها حق بالضمان
وكيف الطريقه اذا لها حق!
ارجوو منكم الرد جميعاااا

كل الردود: 29

عرض:
1.
19:28:43 2015.03.05 [مكة]
تتقدم للشكوى فالمحكمة العامه ويلزمه الشيخ بالطلاق أو الخلع مع العوض وبعدها تتقدم للضمان الإجتماعي وتحصل على مساعده شهريه 1000 ريال و مبلغ مقطوع سنوي 10000 ريال غير المكرمات الملكية
2.
01:50:31 2015.03.06 [مكة]
الشكوى لله..ماحد براضي اروح المحكمه 😢 يفرجها اللي عينه ماتنام
3.
عضو قديم رقم 282899
03:54:37 2015.03.06 [مكة]
حسبنا الله ونعم الوكيل .. هل يعقل ان هذا يحدث بزمننا هذا انها قصص غابره من يسمعها يضننا نحكي قصه بالقرن الحجري كيف امرائه معلقه يتحكم بمصير حياتها ويعيقها رجل سافل دون ان يردعه عرف اونظام او دين ننتمي اليه شرع لنا الحقوق وكفلها لنا.. ماهذا الصلف .. وماهذا االظلم وماهذا الجبروت وماهذا الاستعباد للضعيفات واالمغلوبات على امرهم واين القضاه من انصافك بحق من انزل هذه الايه .. فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ۗ اطرقي ابواب المحاكم وديوان المظالم وحقوق الانسان ماضاع حق وراه مطالب
4.
04:11:36 2015.03.08 [مكة]
شي طبيعي ياخوي صادق الرجل .. له الحقوق كامله من المجتمع اولاا ..قبل المحاكم لكن العوض عند الله وحسبي الله ونعم الوكيل
5.
09:44:26 2015.03.08 [مكة]
المعلقة لها اعانة من الضمان الاجتماعي
6.
عضو قديم رقم 282899
02:30:37 2015.03.10 [مكة]
هناك فقره بنظام الضمان الاجتماعي تنص على الغايب زوجها ولايعلمو جهته .. اطرقي الاسباب قد يشملك النظام ضمنها .. خصوصا لو شرحتى حاجتك وضعفك وقلت حيلتك فمايدريك قد تجدين أذن تسمع وقلب رحيم.. وانتبهي من رحمه الذئاب
7.
عضو قديم رقم 400806
10:37:39 2015.03.10 [مكة]
اختي اذا انتي معلقه والأهل مايرضوا عليك تروحين للمحاكم حاولي تكلمي اقرب الناس لك من اخواتك او خالاتك يفزعون لك ويتوسطون لأخوانك او والدك عشان تستفيدين من حقك وربي يعينا ويعينك.
8.
10:43:24 2015.03.10 [مكة]
والله لا زوج فيه خير ولا اهلك فيهم خير...والشرهه على اهلك اللي مخلين الدرعا ترعى...والا يوقفونه عند حده..بنات الناس ماهم لعبه ياخذ ويرمي لكن اسأل الله انه يبدلك خير من زوجك ومن اهلك وينسيك الشقى والتعب اللي عشتيه
9.
عضو قديم رقم 81597
12:19:50 2015.03.10 [مكة]
البيوت اسرار الله يكتب ما فيه خير لكم
10.
12:33:34 2015.03.10 [مكة]
ادخلي ع موقع الضمان وسجلي يمكن يقبل الطلب
11.
12:53:57 2015.03.10 [مكة]
على ماظن انه يشملها الضمان الاجتماعي مع واسطه بسيطه او يمكن بعد ماتحتاج لكن جربي مانتي خسرانه
12.
13:24:17 2015.03.11 [مكة]
نعم يشملها الضمان الشهري 1000 ريال والمقطوعة السنوية 10000 ريال والموضوع بسيط تروح للضمان ومعها اثنين من قرايبها ( اب - عم - اخوان - عيال عم ) اهم شيء من عصبتها ويكون سنهم فوق 25 سنة ويوقعون على نموذج اسمه إقرار ذوي العصبة مدته سنة وخلال شهرين تستلم بطاقة الضمان والله يسهل امرها ويرجع لها زوجها ولا الله يأخذه اخذ عزيز مقتدر وترتاح منه
13.
15:40:57 2015.03.11 [مكة]
ياشباب انتم طرتوا في الرجال مره وحده اذا هي ناشز وخارجه عن طوع زوجها ايش تبيه يسوي لها اكيد بيدق راسها واهلك ما رضوا انك تروحين للمحكمه الا انه اسباب عزوفك عن زوجك تافهه وهم غير مؤيدينك فيها والله لو الاسباب مقنعه كان اهلك وقفوا في وجهه او ضربوه الين يبوس الارض لكن انا اقول اذا السبب منك تحملي نتيجة تصرفاتك واذا هو رجال صعب المعاشر ومنتهي الصلاحيه والكل يذكره بالشر الله يفكك منه اسمحي لي ترى بعض الحريم تتصرف كانها مراهقه عمرها 13
14.
19:44:59 2015.03.11 [مكة]
اخوي العنكبوت ماكان ودي اتكلم باسرار بيتي بس ردك راح يخليني اضطرر ارد عليك انا ماطلعت من بيتي زوجي سكران شارب خمرر..وياكل بلاوي صبرت معه والله عالم لاني مابي اهدم عشي مع اربع بنات ولايصرف علي وعلى بناتي اكتبها وانا ابكي ربي مابغيت افضحه بس .. حتى ريال اشتري عصير لبنتي يقول مو لبنتك لك ..ادري انك تبينها بالله بنظرك انا نااشز اناا اللي كارهه بيتي هو اللي يهدم وانا حرصي ع بناتي وخوفي عليهم مخليني اتحمل يكسرر ظلوعي...ببنياتي كل مازعلت طردني برا شقتي واسمع بناتي يصيحون يامسلم .. مابي اتكلم ببيتي واسرارهّ لكن ردك لي .. اني ناشز غبني الله يصلحه .. مو لي لنفسه ولبناته
15.
19:50:49 2015.03.11 [مكة]
وتقول اهلك .. مارضوو لانهم عارفين منهم اهليّ ابو شايب وامي متوفيه واخو واحد وخوات متفرقات كلن بديره ولالهم حول ولاقوه ابوي شايب .. لاهو شباب اروح واجي واخوو واحد مايبي فضايح ياخوي لاتتكلم بشي ماتدري عنه البيوت اسرار وحريم واجد .. اللي مثلي ... ساكته حشمه لبوها ولاخوهاا الله يهديكم.. انا سألت .. هل في ضمان او لا ماقلت اهرجوو فيني .. الله يسامحكم...
16.
21:28:34 2015.03.11 [مكة]
اسمعي يابنت الرجال اقسم بعز جلال الله انك صادقه فيما تقولين واضح انك تتكلمين من غبن الله يعوضك بخير منه يا اختي انا عندي فكره حطي رقم حسابك على العام والناس اللي فيها خير ماهي مقصره وانا اولهم والله العظيم لو تبين مصروف شهري لك ولي عيالك مني شخصيا اني ما اقصر يعلم الله اني عندي التزامات ومديون ولكن وضعك اسوى من وضعي ولكن اسمحي لي اقول لك اخوك رمه ولا ينفع بريال كيف ما يوقف هذا الرجال عند حده والله لو انا مكانه اقسم بالله اني لا اسيل دمه يقولون عن اختي ارمله ولا يقولون معلقه ولا قدر يسوي اخوها شي وانا اسف عن الكلام اللي قلته لانه بعض الحريم تجلس تدلع على الرجال وتغثه اتمنى منك تقبل اسف
17.
21:40:02 2015.03.11 [مكة]
الله يعفي عنا وعنكم مابي مساعدات ... الله يجزاك خير بس ابي حقي من الحكومه اذا لي نصيب من الضمان باخذه بمشيئه الله واذا لا له مايعطي وله مايمنع سبحانه
18.
عضو قديم رقم 351533
01:14:04 2015.03.12 [مكة]
الاخ عنكبوت انت شكلك شايف حاله وحده و حكمت عالجميع انا اعرف الااااااااف الحالات مثل بنت الجزيره والاهل يرفضو المحاكم وترا على فكره لراحت المحكمه القضيه تجلس اقل شي سنتين انا اختي مثلك يا بنت الجزيره جلست معلقه سنتين وبعدها طلقها وفرحان عباله بنسكت وبعد ما انجبت راح ابوي الله يرحمه للمحكمه والله هذا الكلام قبل سنتين وسحبناه للمحكمه وكل بعد اسبوع نمرمطه لين عظ الارض وندم انه علق وقبل شهر كسبنا القضيه والحمدلله انحكم عليه بمبلغ 62 الف ريال وطلبناها كااااااااااش ماينفع الى كذا المحكمه تربي الي ماتربى
19.
23:12:23 2015.03.12 [مكة]
مشكورين..جميعااً بلا استثناء ع ردودكم لي الله يجزاكم خير وييسهل طريقي وطريق خواتي المسلمات
20.
00:43:54 2015.03.19 [مكة]
اللي يرسلون لي خاص خواتي واخواني رجاااء خااص ماطلبت مساعدات ولابي مساانده .. باي شكل من الاشكال موضوعي كان سؤال هل للمعلقه حق او لا فقط وياليت .. من مشرف الموقع يحذف ردي السابق بها الموضوع اللي تكلمت فيه عن حياتي ماكنت ابي اقول شي بس كان رد لشخص..وانتهى تمنيت اني مارديت لي الله.. ومشكورين جميعاااً ولاصحاب النفوس الأماره بالسوء بيني وبينكم الله
21.
عضو قديم رقم 401245
00:49:34 2015.03.19 [مكة]
الله يهدي سرك وسر كل مسلم ومسلمه طلب المشوره لاتعنى الحاجه اسال الله ان يصلح حالنا وحالك تقبلو مرورى
22.
02:09:35 2015.04.08 [مكة]
ياليت ينحذف ..المووضوع .. رجاا خااص للمشرفين
23.
06:29:32 2015.04.08 [مكة]
قبل ما ينحذف الموضوع , ان كان غرضك فعلا معرفة الجواب على سؤالك فالأمر سهل ومن مرجعه اتصلي بجهة الاختصاص واسأليهم هذا السؤال الي وجهتيه الى ناس ليس عندهم علم ولا خلفية عن الموضوع مكالمة خمس دقائق تعفيك من مثل هذا الاحراج الذي لا لزوم له
24.
21:02:09 2015.04.11 [مكة]
يامشرفين .. لو سمحتو احذفوو الموضوع اعفووني من بعض الردوود اللي تجيب الضيم..احذفوووه سؤال .. وندمت اني سألت استغفر الله العظيم
25.
عضو قديم رقم 302019
23:22:13 2015.04.11 [مكة]
16.بقلم العنكبوت اشكرك على كلامك الجميل ووقفتك مع اختنا بنت الجزيرة وهذا يدل على معدنك الاصيل
26.
عضو قديم رقم 411285
00:02:02 2015.04.19 [مكة]
أختي في الله أن كان الحال كما قلتي فطريقتك سهلة جداً وطلاقك راح يكون خلا مدة أقصاها 30 بحكم أني في القانون .....الخ ولن أذكر وإيضاً لن أذكر لك الطريقة على العام عشان ما يجون أمهات المسلسلات عشان يعرفونها ويهدمون بيوت الرجال لو حابه تنتهين من الموضوع رساله على الخاص وابشري ولا اريد من لا رقم جوال ولا فلوس ولا أي شيء ولا حتى تواصل غير رسالتك الاول
27.
10:02:07 2015.07.24 [مكة]
الزمي الاستغفار والصلاة على الرسول / الله يوفقك لما يرظيه
28.
10:29:49 2015.07.24 [مكة]
الله يكون في عونك ولكن المحكمة تقدر تطلق من الجلسة الاولى اذا حضر ولكن ادا ماحضر بعد 3 جلسات المحكمة تطلق
29.
02:03:15 2015.10.27 [مكة]
ممكن تحذفون موضوعي ولا يحتاج واسطه عشان تنحذف