| جميع الحقوق محفوظة © دار تقنية المعلومات IT Dar |

الغاء بلاغ هروب

السلام عليكم

الشهر مبارك على الجميع
عندنا مشكله ياخوان
انا اعمل في شركه معقب
ولدينا عامل مصري تم نقل خدماته على شركتنا بخطابات رسميه من كفيله السابق بتاريخ 24_6 _ 1434
وتم نقل خدماته على شركتنا بتاريخ 3_1 _ 1435
عند الساعه 8.30 وفي نفس اليوم عند الساعه 3.30 عصرا قام كفيله السابق وبلغ عليه انه هارب من العمل

والان نحن لانستطيع عن طريق برنامج مقيم استخراج اقامه جديده له
حيث ان العامل الان على كفالتنا
لاكن المشكله التي تواجهنا هي بلاغ الهروب
مع العلم راجعنا الجوازات ولم يفيدونا بشئ

احد يفيدني ياخوان

كل الردود: 10
1.
01:03:21 2014.07.02 [مكة]
افيدونا هل من حل
2.
06:03:35 2014.07.03 [مكة]
ممكن عليه الغاء هروب من اول واللي سوا الغاء الهروب ما شاله مره لان فيه ناس تشيل الهروب وبعدها ترجعه لانها خايفه من كفيله يشتكي الشخص اللي شال الهروب لان هذه الطريقه غير نظاميه والعياذ بالله
3.
عضو قديم رقم 274361
06:07:46 2014.07.03 [مكة]
الغاء الهروب كله نصب وضحك على وفيها مشاكل على النقيم اذا الكفيل السابق تقدم بشكوى . افضل الحلول التفاهم مع الكفيل واخذ خطاب تنازل رسمي
4.
عضو قديم رقم 274361
06:08:16 2014.07.03 [مكة]
الغاء الهروب كله نصب وضحك على وفيها مشاكل على النقيم اذا الكفيل السابق تقدم بشكوى . افضل الحلول التفاهم مع الكفيل واخذ خطاب تنازل رسمي
5.
20:18:27 2014.07.03 [مكة]
هلابكم جميعا انا كلمت كفيله السابق يقول انا مابلغت عليه قلت والحل قال عندي معقب يشيله ب 7000 الاف رحت وكلمت صاحب مكتب خدمات قال انا اشيله لك قلت بكم قال بمبلغ 3000 ريال 2000 رسوم الغاء بلاغ لدولة و 1000 ريال اتعاب المكتب ووافقنا سلمته امس 3000 الاف والجواز والاقامه واليوم ان شاء الله بيرد علي بس والله ياناس فيه ظلم من بعض الكفلاء يعطي خطاب تنازل ويروح يبلغ على المساكين ووفيه فسااد اداري مالله به عليم عند الجوازات ومكتب العمل حسبنا الله ونعم الوكيل بالي مايخافون الله
6.
20:25:14 2014.07.03 [مكة]
كيف اني رحت للعقيد عادل البكر حق الوافدين وقلتله على المشكله ابقاه يشيل البلاغ وقلت معي خطابات تنازل من كفيله السابق جيته مرتين ورفض يقووولي رح اشتك قلت اي ابشتكي نصرت لهالمظلوم المسكين يعطيه كفيله خطاب تنازل وعندكم بالسستم طلع المبلغ كفيله السابق فلان بن فلان ومبلغ بتاريخ واليوم والساعه رده علي يقولي رح اشتك حتى لحقووق الانسان حسبي الله ونعم الوكيل هو بس يبي يتعب المعقبين ولا يبي ينفذ النظام
7.
21:50:40 2014.07.03 [مكة]
انت عاد تخدم يبو قلب رهيف يارحوم انت. ماخرب العماله الا انت واللي مثلك لكن احسنت وزارة الداخليه صنعا بنظام ابشر اللي حجر لكم وألغى الفساد . تحصل خطاب التنازل حق الكفيل له عندكم اكثر من شهر وهو اصلا مدته شهر ثم تصورون صورة الاقامه وتسلمنوها الكفيل القديم. لكن هذا انتم تظهرون نصف الحق .
8.
01:03:53 2014.07.04 [مكة]
الله اعلم مافي القلوب انت مانت عارف الموضوع اصلا قال رسول الله -صلى الله عليه وسلم-: ((من كان يؤمن بالله واليوم الآخر فليقل خيراً أو ليصمت
9.
03:21:04 2014.07.04 [مكة]
الحل جدا سهل روح لمكتب العمل وبين لهم ان البلاغ من الكفيل السابق بعد نقل الكفالة يلغون البلاغ لك تلقائيا وينتهي موضوعك
10.
04:24:28 2014.07.04 [مكة]
تسلم يابو صلال كتبنا خطاب في تاريخ 3_8-1435 وسلمته مدير صاله 4 يقول يعرض على اللجنه وبعدين نتصل عليك راجعت نفس المدير يقولي مازالت باللجنه يعني فهمت انه مطووله السالفه المهم مالك بالطويله رحت لمكتب خدمات وطلب 3000 الاف 2000 ريال رسوم الغاء بلاغ لدوله و 1000 ريال اتعاب للمكتب نفسه وافقنا قلنا احسن من المكاتب الثانيه طلبوو 7000 الاف وغيرهم اكثر من هالمبلغ راح يخلص ان شاء الله الغاء البلاغ يوم الاحد الجاي