| جميع الحقوق محفوظة © دار تقنية المعلومات IT Dar |

السواق تمرد ورفض العمل..وش الحل؟

السلام عليكم اخواني
عندي سائق خاص هندي ..له عندي سنتين
مدلعه تدليع مايحلم به واحد من اولادي
كل راتب اعطيه وازوده ميه ولا ميتين
اشتري له بطايق واجود عليه في الملابس والاكل
ساكن في غرفه طرف الحوش فيها كل وسائل الراحة

قبل انتها السنتين وبالضبط الصيفيه الماضيه في بداية شعبان طلبني اجازة بحجة انه يبغا يروح يخطب ..
وافقت له وباركت له ب 2500 ريال كاش..
رجع في شوال الماضي وبعده تغير
صار ينافخ ويعابط وطلب زيادة راتب وزدته مضطراً من 1200 الى 1500
لكن ماتحسن الوضع ..اخلاقه شانت

في الاخير قابلني وقام يصيح وقال انا ماني مرتاح وانت فلوسك كثير وانا مسكين وسوا فلم طويل
الزبدة رحت للبقالة اللي جنبنا وفيها هندي محترم وقال لي بالحرف الواحد ..سواقك سيء وفيه واحد سعودي في الحي اللي جنبنا وعده براتب1800 وهو يبغا يسافر ويرجع يشتغل عنده....

انا يا اخواني احس بالغبن لاني ماقصرت معه وكنت اكرمه كرم غير عادي ...

الان يقول بقعد عندك شهرين وبسافر وما ابغا اشتغل عندك...
وش الحل يالربع؟

الردود
مواضيع مشابهة
الكل: 71
61 71
61.
05:44:21 2016.06.26 [مكة]
يختار حل من اثنين ياخروج نهايي ومايجي الابعد خمس سنوان او نقل كفاله وتطلب المبلغ الللي تبي
62.
05:32:05 2016.06.28 [مكة]
خروج نهائي اقرطة بالشلوت
63.
16:08:16 2016.06.28 [مكة]
اشكركم جميعاً اخترت ماعند الله فهو خير وابقى عملت له خروج نهائي وأعطيته فلوس زيادة بعد أسأل الله أن يكتبني من المحسنين ويعوضني خيراً -------- مع احترامي لك هذي سذاجة فلوسك زايدة ولا تدري وين توديها كان نفذت طلبه بدون ماتعطيه فلوس سحب عليك وتعطيه فلوس ع اساس تبي تبري ذمتك للمعلومية فقط ترا الذمه لاتدفع عنك بالفلوس
64.
07:54:22 2016.07.19 [مكة]
عندنا بالسودان سائق ذو اخلاق طيبة ونشيط جدا وشكله مقبول وما يطمع بالمرة
65.
13:29:24 2016.08.09 [مكة]
تعطيه مرتب 1500 وتنتظر منه ان يكون فى سعادة ؟؟؟؟ وهل هذا المبلغ يكفيه ؟؟؟ هذا مبلغ لا يكفي ولد صغير فكيف بمن يأتي من الهند
66.
20:05:26 2017.04.13 [مكة]

(تم حذف الرد بواسطة الإدارة)

67.
16:22:55 2017.06.13 [مكة]
الله يعينك. الافضل تسفيره فورا حتى. لو. على. حسابك
68.
11:21:21 2017.07.13 [مكة]
الجوازات يعلقون اسمه 5سنين مايدخل المملكه هالحثاله تستاهل بعدين بلاش دلع للاشكال هذي خلك صارم من البدايه راتب وبس
69.
16:40:53 2017.07.15 [مكة]
اعتقد معظم الردود نسيت اخلاق رسول الله صَل الله عليه وسلم فماذا تعتقدون في اسرى حرب يقال لهم اذهبوا فأنتم الطلقاء بدون اذى وأنتم تنصحون اخيكم المسلم بإتقان الاذى فما بالكم بحديث رسول الله صَل الله عليه وسلم : عن أبي هريرة رضي الله عنه ، عن رسول الله صلى الله عليه وسلم قال : من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه رواه البخاري ومسلم فأعلموا أيها الإخوة انه لكم وله هذا الحديث قولوا خير النصيحة او اصمتوا وانت أيها السائل ربحت تجارتك مع الله ولكن ان عرفت مفتاح السائق كان أولى انت به وتعطيه 1800 ريال .
70.
10:00:28 2017.07.20 [مكة]
كلم جارك وقل له السالفه ودخل فيها الامام الفعل هذا لايجوز من جارك وخله يتفاهم معاه انه قدم على سواق خلاص وساعتها اذا ماانعدل قدم على سواق واذا جاء قل للاول يشوف نقل كفاله واطلب فيها خسايرك او طفشه وبلغ عليه هروب عشان مايرجع
71.
00:12:50 2017.07.28 [مكة]
انا اعتقد ان كان الحاله الماديه جيده وهو ذو خلق حسن مع العائله تعطيه راتب الفين ربما ياتي اخر سيء الاخلاق ولا يعرف عربي ولا يعرف الطرقات وقد لايعرف القياده . هو طلب الزياده بعد احساسه انتقل لدرجة اعلى.هذا ينطبق على الدكتور والاستاذ والسائق امان الاسره رقم واحد لاتضحي به. حفظكم الله