| جميع الحقوق محفوظة © دار تقنية المعلومات IT Dar |

استفسار الى اهل حي الموسى غرب الرياض

سلام عليكم

استفساري ياريت ارقام او مواقع مدارس الاهليه وغير الاهليه الواقعه بالقرب من حي الموسى شارع الذهبي

لاني ساكن جديد وتعبت من كثر ما افرفر بالحي بدون فايده وشكرا

الردود
مواضيع مشابهة
الكل: 5
1.
00:23:42 2015.10.11 [مكة]
غريبه ولا رد
2.
01:09:36 2015.10.11 [مكة]
حي الموسى او ما يسمى بحي طويق على شارع الذهبي
3.
11:15:38 2015.10.11 [مكة]
عندك مدرسه عند الدوار الثالث بشارع الذهبي روح يمين تمشي يجيك اول شارع سيدين على يمينك بجانب مركز صحي طويق هناك مدرسة اهليه والثانيه مع الدوار الثالث يمين وتمشي سيده الين تجيك محطة على يمينك خش بعدها يمين على شارع سيدين بتلقى مبنى كبير مغطى بالشينكو هذيك مدارس اهلية و الحكومية كلها شمال الدوار الاول اللي عند بنده مع اشارة الذهبي مع بلال اتجه جنوب صوب الدوار الاول تجيك على يمينك مدرسة اولاد متوسطة رح مع الدوار الاول يمين وامش الين يجيك جامع على يسارك مقابله مدرسة اولاد ادخل قبلها يمين وامش سيده تجيك مدرسة بنات حكومية على يسارك مجمع مدارس عندك مدارس العبير موقعها بين القرية الشعبية و هايبر بنده عندك مدرسة اهليه ثانيه ابعد منها شوي امش مع شارع بلال بن رباح الين يجيك شارع اسماء بنت ابي بكر روح يمين وامش الين تجيك الاشارة ثم ديور و اول مدخل يمين شارع سيدين ادخل معه وامش سيده يجيك مجمع مدارس اهليه على يمينك وبنفس الشارع ولكن من اول الدخله تدخل مع اول او ثاني دخله ثم تلقى يمينك مدرسة عالمية ممتازة ويعلمون الاطفال الانجليزية و الفرنسية من سن الطفولة واي خدمة انا حاضر
4.
01:51:45 2015.10.12 [مكة]
وانت جاي من الشارع الذهبي اذا جاك الدوار الاول رح يمين لين تجيك مدرسه ع يدك اليمين حقت اولاد ابتدائي وفي نفس الشارع مدراس بنات ابتدائي متوسط ثانوي جميع المدارس حكومية
5.
02:29:18 2016.05.03 [مكة]
الله يجزاكم خير جميعا وماقصرتووووووووووو