| جميع الحقوق محفوظة © دار تقنية المعلومات IT Dar |

إحذرو من نصابين تأجير الخادمات

قصة حصلت لي أمس , من شاب الله يهديه و يصلحه .. إتصل علي بسبب إعلاني عن حاجتي لشغالة إيجار لشهر رمضان ,,

عرض علي انه يأجر لي خادمة فلبينية بإسم والدته , بخمس ألاف فاصلته بالسعر قال لي منها بس 3000 و ألفين للحكومة , قلت له وش دخل الحكومة , قال لازم اسوي لك تفويض في مكتب العمل , أخوي شغال هناك بيسويه و تكلفته 2000 ريال

و اتفقنا ادفع الألفين مقدم عشان يسوي التفويض , وطلب صورة هويتي , و ارسلتها له بعدها أنا طلبت صورة بطاقة البنك و صورة هويته , ولسوء حظه ارسلها غير واضحة ..

الخلاصة طلبت منه صورة التفويض عشان احول له قال ما فيه صورة هو يطلع عند في ابشر بعد 24 ساعة
قلت خلاص ارسل لي صور واضحة للهوية و رقم الحساب و بكرة لما يطلع التفويض عندي بحول لك

جلس يلف و يدور و يحلف ايمان مغلضة اني كذا اورطة و مدري ايش , الزبدة انا ما ابي اظلمه وفي نفس الوقت ابي اتأكد

طولت معه بالجدال لين زهق اخر شي قال ما عندي اثبات تبي تحول المبلغ حول ما تبي كيفك و سد الخط و لا صار يرد على الوتساب .. هنا الحمد لله تأكدت إنه نصاب و كان يبي يلعب علي ..

المهم للحيطة و الحذر و عندي صورة بطاقته و رقم حسابه عند الضرورة و إن شاء الله بكرة بسوي فيه محضر أطالبه بإحضار التفويض اللي إدعى إنه سواه بإسمي و بسلم الشرطة نسخة من محادثة الوتساب ..

الله يحفظكم من كل سوء..

كل الردود: 1
1.
16:51:17 2015.06.15 [مكة]
لا حول ولاقوة الا بالله العلي العظيم