| جميع الحقوق محفوظة © دار تقنية المعلومات IT Dar |

شريت آيفون من أمازون ولما وصلني اكتشفت ... !!!

السلام عليكم

ماني عارف شلون ابدا...بختصر السالفة

شريت آيفون 5 عن طريق موقع أمازون

32 جيجا / اسود / مفتوح رسمي / A1429

وشريته بغااااااالي

حرصا على مصداقية التاجر وسمعته وعدد صفقاته

وبعد عدة أيام وصلني الآيفون وكان مثل ما تمنيته (مغلف بقراطيسه)

لكن الصدمة

انه طلع 1428

تخيلوا يا اخوان بعد ما دفعت فيه سعر عالي نظير سمعة الشركة وعدد صفقاته وبحثا عن المصداقية اكتشف بالاخير ان الشركة كذبت علي بالوصف

دلوني وش أسوي يالربع :( كيف أحتج عند أمازون

هل مرت عليكم قضية مثل هذي

انا منحاش من "اي بي" عشان قضايا النصب والتدليس اللي تحصل لبعض الناس

وشلون يصير معي كذا وانا شاريه من أمازون لا ومن تاجر معروف وبأغلى الأسعار !!!

بالله عليكم موقهر

لو في حد فيكم مر بتجربة ممثالة أو يعرف احد مر بتجربة مماثلة وعرف انه يخلص نفسه فليخبرني

قهر انك تشتري ايفون من حر مالك وتنتظر وصوله لحوالي عشرين يوم وبالاخير تشوفه قدامك وما تقدر حتى تفكه أو تجربه :(

كل الردود: 26

عرض:
1.
عضو قديم رقم 227898
23:32:25 2012.12.01 [مكة]
طيب وين المشكله
2.
23:34:43 2012.12.01 [مكة]
1428 لا تعمل عليه شبكات الجيل الرابع لدينا وهو غير مطلوب فيما لو حبيت أبيعه (فرضاً) وبعدين ليش يكتب التاجر انه 1429 وبعد ما يوصلني أكتشف انه 1428 لييييييييش؟؟؟؟ انا محصل ( بالسعودية ) ناس تبيعه بأرررررخص من السعر اللي دفعته بهذا عشان تعرف انا مقهور حالياً
3.
01:21:38 2012.12.02 [مكة]
ياحبيي سعره في جدة ثلاثة وستمية ويمكن نزل اكثر .. وسعره في امازون 3300 الفرق ثلاثمية ريال ويمكن اقل بتروح في الشحن وغيرها.. حاول تبيعه في منتدى اسمه منتدى البوابة الرقمية - حراج ابل يشترونه منك حتى لو تنزل سعره 300 ريال وادع لي
4.
عضو قديم رقم 227898
01:28:20 2012.12.02 [مكة]
الله يعوضك بخير منه
5.
01:49:37 2012.12.02 [مكة]
اخي كيف تم الدفع بينك وبين التاجر? عادة اذا الدفع عن طريق البايبال ممكن تراجع الشركه ويمكن تقدر تاخذ حقك مافي حق يضيع وراه مطالب حاول وماراح تخسر شي
6.
02:22:47 2012.12.02 [مكة]
وعليكم السلام اخوي كيف طريقة السداد؟ وهل المواصفات والشروط مذكورة بالفاتورة ومن ضمنها الموديل؟ دامك شاريه من امازون حقك محفوظ راسلهم وان شاء الله مايصير الا كل خير وادخل موقع البوابة الرقمية قسم التجارة الالكترونية وتلقى التفاصيل
7.
02:28:41 2012.12.02 [مكة]
احساس رسام ومن قالك اصلا اني مضطر أبيعه أساساً أو أخسر فيه أمازون لو أوصل الشكوى لهم راح يعوضوني بقيمته مباشرة (لكني راح اتكلف الشحن وانا ماني مضطر للشحن لانه مو ذنبي)
8.
02:29:56 2012.12.02 [مكة]
بروزاك آمين جزاك الله خير
9.
02:32:02 2012.12.02 [مكة]
النورس2006 اخي كيف تم الدفع بينك وبين التاجر? مافي دفع مجرد تفويض مني لأمازون للشراء من خلالهم عبر بطاقتي الإئتمانية وأمازون خصمت المبلغ لما شحنلي البائع السلعة بالنسبة لي صدقت اخوي مضطر اراسلهم وكذة ولا كذة ما عندي الا هالحل أساساً والحمد لله ان لغتي الانجليزية زينة ولا كنت أكلت ... الله يلعن هالاجانب ونقول العرب غشاشين وطلعوا هم اخس منا عباد المال
10.
02:35:57 2012.12.02 [مكة]
خالد الشرقية اخوي كيف طريقة السداد؟ مذكور بالرد رقم 9 وهل المواصفات والشروط مذكورة بالفاتورة ومن ضمنها الموديل؟ لا بس موجود بالفاتورة الالكترونية انه ايفون 5 حجم 32 جيجا مفتوح رسمي دامك شاريه من امازون حقك محفوظ راسلهم وان شاء الله مايصير الا كل خير أنا سألت صاحبي (خبير) وقالي اول شي راسل التاجر وخل لغتك معاه صارمة وقوله أبشتكي اذا رفض التجاوب معاك أو قام يتهرب ويلف ويدور او صفطك راسل امازون مباشرة وهم يربونه صح لأن أمازون يعتمد على ثقة الناس فيه وفي موقعه وفي تجاره أكثر من ثقة أي موقع آخر بالكرة الأرضية وادخل موقع البوابة الرقمية قسم التجارة الالكترونية وتلقى التفاصيل أي تفاصيل وهل من رابط اذا تكرمت ؟
11.
12:22:17 2012.12.02 [مكة]
لم أتعامل مع أمازون ولكن مع ebay حصلت لي نفس القضية، طلبت جهاز ووصل لي جهاز اخر طبعا رفعت قضية داخل الموقع open case وشرحت الموضوع ووضغت صورة للي وصلني الشركة على طول اعتذرت بسبب خطأ من عامل المستودع حسب زعمهم طلبوا مني اعادة ارسال البضاعة لكني وضحت لهم أن كلفة الارسال عالية، فوصلنا إلى اتفاق أعادوا لي الفرق حيث أن بحثت عن سعر القطعة التي أرسلوها في الموقع نفسه ووضعت الرابط فأعادوا الفرق. طبعا من حقك بهذه الحالة أصلا أن ترجع الجهاز وتسترد الثمن ولكن سيخصم الشحن منك.
12.
14:18:28 2012.12.02 [مكة]
طيب لو سمحت وش فرق 1429 عن 1428 ؟
13.
عضو قديم رقم 313895
15:04:48 2012.12.02 [مكة]
1428 لايدعم الفور جي بالسعوديه
14.
عضو قديم رقم 305045
15:10:17 2012.12.02 [مكة]
كان اشتريته من موقع الشركة مباشره
15.
17:46:04 2012.12.02 [مكة]
اللي يسمعكم يقول ان الفور جي مقطع شوارع المملكة .. كلها كم حي في المدن الرئيسية . بعض المدن الى الان الجيل الثالث ما وصلها . بامكانك تبيعه هنا اذا ما اعجبك لو بخسارة بسيطة توازي خسارة اعادة الشحن .. واما التاجر فبامكانك وضع علامة عدم مصداقيه عليه وتراسلة بنوع الخلل وانتهى الموضوع .
16.
عضو قديم رقم 107811
21:15:52 2012.12.02 [مكة]
حبيبي ارفع قضيه لامازون و صور الجهاز و ارسل الصور لهم تعويض مالي سريع سريع او ارجاع الجهاز و دفع الشحن على الشركه المستقبله و اذكر انك كنت في امريكا و غادرت امريكا انتهبه لازم تحرص تقول كذا والا يضيع حقك
17.
عضو قديم رقم 193459
21:24:32 2012.12.02 [مكة]
15. بقلم: المخلص2008 إلا بعض المدن الكبار حتى .. احياء راقية فيها لايوجد بها جيل ثالث .. دلالة على العالم الثالث مع شركات الاتصالات .
18.
22:59:37 2012.12.05 [مكة]
موقع كبير مثل امازون لم ينجح إلا لقوة خدمات ما بعد البيع تصدقون انهم أجبروا التاجر يعتذرلي ويوم قلتلهم اعادة شحن الجهاز لأمريكا راح يكلفني 100 دولار قاموا عطوني مية دولار بحسابي مشتريات اشتريبها اللي ابي ووقت ما ابي وقالولي الان منت مجبر ترسل الايفون اذا رضيت فيه بحالته الايفون والمية دولار لك واذا ما رضيت ارسله واعتبر المية دولار حقتنا تعويض قيمة الشحن وراح يرجعلك التاجر فلوسك وهو يضحك فعلاً العدل أساس الملك ويتحقق النجاح في الدنيا والآخرة بسببه مرة ما توقعت امازون بيستمعون لشكواي لهذي الدرجة ! لو اني بالسعودية كان تمترت شهور بين وزارة التجارة وبين المستهلك وبين ديوان المظالم حتى ولا باخذ حقي الشكوى لله شكرا لكل من رد وتعاطف قررت أحتفظ بالآيفون واشتري بالمية دولار التعويض شغلة بتستاهل رد اخوي المخلص اقنعني بصراحة :) شكرا لأمازون
19.
عضو قديم رقم 282354
02:29:41 2013.05.09 [مكة]
مستحيل يضيع حقك في امازون وربي مستحيل انا اشتريت جوال منه وطلع مافيه كيبل كمبيوتر ورجعوا لي 61 دولار في حسابي وفوق هاذا اعتذارات
20.
عضو قديم رقم 331606
17:39:04 2013.05.12 [مكة]
مثل قول اخوي الحار انا اشتريت ام بي ثري ومااشتغلت وراسلتهم ورجعت الفلوس وانا اخوك
21.
عضو قديم رقم 316738
18:45:16 2013.05.12 [مكة]
امازون اشتري وانت مغمض عن نفسي كذا مره تحصلي مواقف ويتم ارجاع الفلوس ليه مع اعتذار البائع ليه وابسط شي سوي تقييم نجمة وحدة واكتب مشكلتك حتي يتنبه المشترين الثانيين
22.
عضو قديم رقم 312784
13:42:20 2013.05.13 [مكة]
ادخل علا خدمة العملاء وكلمهم وهم يرجعون فلوسك وترا وش ضرك لو شريت من معارض ايفون في المملكه
23.
07:53:46 2013.06.13 [مكة]
سلام عليكم اخوي . انا اقول انك تتواصل مع امازون وتشرح له المشكله وانك تبغى ترجع الجهاز . وترا امازون يهتم بالزبائن وفيه مصداقية . والله يكون بعونك اخوي
24.
17:59:30 2013.06.25 [مكة]
تقدر ترجعة . بس عطني رقم الطلب عشان اقراء سياسة الترجيع وباقولك الطريقة
25.
14:31:10 2013.07.13 [مكة]
الرّجّال يقول في الرد 18 إنه انتهى الموضوع يعني خلاص عوضوه
26.
22:19:51 2013.07.13 [مكة]
اي نعم مثل ما قال اخوي الزعيم الموضوع انتهى وابشركم الايفون لحد هالحين معي ومابه الا العافية وشكرا لكل من رد وتعاطف