| جميع الحقوق محفوظة © دار تقنية المعلومات IT Dar |

بخس محلات اليكترو في مهرجان الاستبدال

.

انا رحت لمحلات الكترو ابغى ابدل جهاز ، وكان الجهاز اللي ببدله شبه جديد ،،،
المهم عطوني عليه قيمه يا شيخ ولا كأني بايعه جوال نوكيا ابو كشاف...
حتى يوم علمته بسعر الجهاز جديد قال ما يهمني

اجل طيب وش يهمك ؟؟؟

لا وبظاعتهم غاليه

ياشيخ ذاك المحل اتوقع وجوده تحصيل حاصل

.

احد عنده تجربه معاهم هم ومهرجان الاستبدال الفاشل حقهم ذا؟

انا مير حرمت اروح لهم نهائي مادام تنظيمهم زفت زي كذا

كل الردود: 10
1.
19:23:12 2015.05.22 [مكة]
اساساً يوم سألت خدمة العملا عن كيفية التبديل قال لي ابد جيب الجهاز وخذ لك جهاز جديد قلت له طيب وكيف تقيمون الجهاز ؟ افرض ماعجبني السعر ؟ قال لا هو الية التسعير راح تكون حسب اللي تشتري وكلما زاد قيمة اللي بتشتريه كلما صار قيمة جهازك اكثر... --- بالله هذي آليه لاحتساب قيمة الجهاز ؟ يحدد قيمة جهازي بسعر اللي ابغى اخذه ؟ تنظيم غبي لمهرجان اغبى والله
2.
08:57:46 2015.05.23 [مكة]
وش جهازك وكم قيموه عشان نحذر منهم
3.
08:59:57 2015.05.23 [مكة]
حذرت انا وخلصنا... استريح ياللبيب
4.
09:11:30 2015.05.23 [مكة]
اللي عنده فكر استنتاجي: يشوف حق خدمة العملا يوم قال لي جيب جهازك وخد جهاز تاني وسكت يبغاني اتعنى واشيل جهازي من البيت لحد عندهم وفالاخير يعطوني على جهاز يسوى ثلاث الاف : خمسمية ريال... سلامات ؟ لو ابيع جهازي في موقع حراج كان جاب لي اقل شي نص قيمته... وذا يقول لي بعطيك على جهازك خمسميه... يفكرني قاعد اطر ولا اشحت اعتقد... قلت له اظرب براسك فالجدار انت واجهزتك،،، وطلعت شغل التدليس هذا مالي البلد،،، هذا و وزارة التجاره فوق روسهم اجل كيف لو ما وقفت ولكن تدري كيف : احسن... عشان ذالاشكال باين عليها ما تفهم في كلمة (حصة السوق) وقاعدة العملاء الراضين العميل الغير راضي يمنع معدل عشر اشخاص محتملين عن الشراء من المحل،،، وصاحبنا يظن ان راتبه وفلوس المحل تمطر من السما بيقعد يغني كنت اظن وكنت اظن وخاب ظني البليسز كلها مشتاقه لك
5.
11:43:12 2015.05.24 [مكة]
اخوي غالبا الي بيجون يبدلون اجهزتهم .... تكون قديمة جدا ... يعطونك فيها قيمه حلوه .... مثل انا بدلتهم بتلفزيون قديم ...قيمته في السوق في حدود 100 ريال ....وثمنوه لي 300 ريال .... واشتريت lcd .... بخصم 300 ريال ...وطبعا قبل لا اشتري منهم ... تأكدت ان التلفزيون عندم نفس سعر المحلات الي برااا .
6.
12:26:36 2015.05.24 [مكة]
5. بقلم: اول2000 انا يوم رحت قال لي اما الخصم او الاستبدال ما تجي ثنينهم وآلية العرض الحقيقه ماعجبتني اطلاقاً ،،، يعني تحط قيمه محدده وثابته للكل هذا غير منطقي اما يحطون عرض هم قده ومستعدين يقومون به على اكمل وجه ولا لا يقعدون يتفلسفون علينا ولا عالاقل يشرح لي خدمة العملا آليه التبديل من اول سؤال ماهو ينقط علي حبه حبه لا وفالاخير ما يعلمني الآليه يقول لي كلما زادت قيمة اللي بتشتريه من عندنا كلما زادت القيمه اللي ندفعها لك ... الظاهر قاعد يقول لي الكلام اللي هو كان يتمناه يصير ولكن من عباطة ادارتهم رفظوا اقتراحه هذا غير انه قال لي اول شي : جيب جهازك واستبدله عادي ،،، افرض ما خذت بالي وقلت اوكي ورحت شلت اجهزه وتعنيت وجيت وصلت لحد عندهم ؟؟؟ وفالاخير لقيتهم يبخسون الناس اشيائهم ؟؟؟ لا عيوني هذا غير منطق ابداً عالعموم تمت اظافتهم الى اللسته السودا عندي واللسته السودا تعني انه حتى لو يوزعون اجهزه ببلاش ما راح اروح لمهم ثاني مره الى يوم يبعثون عندي ولله الحمد البدائل مليانه في السوق واعتبر المنيع افضل خيار من ناحية خدمة ما بعد البيع والاسعار والتعامل الراقي مع الزباين المنيع وبس
7.
12:41:22 2015.05.24 [مكة]
اخوي ( العالم بين يديك ) اول شئ .... أسمك اجبني يصلح مشروع محل استيراد من الصين ... وبيع . ثانيا / الله يكفينا شر زعلك .... ومانكون في القائمة السوداء ... ونكون حبايب معك . ثالثاً / المقصد واضح ومعروف .... ماتجيب لهم جهاز قيمته 3000 وتبغاهم يعطونك حقك فيه .... العرض هذا مخصص لأجهزه ( القرابيع ) القديمة ...تستفيد من عرضهم ... ويعطونك قيمة أعلى من قيمة الجهاز ... واغلب المراكز طاااحوا في هالحركة مثل الكتروا واكسترا ..... وسعر تبديلهم من 300 ريال اقل سعر في التقييم ... واعلى سعر في التقييم ... 750 ريال . اذا بغيت تلفزيون ااشتر لك تلفزيون من الحراج قيمته 100 ريال ورح استبدله ب 300 ريال زي ما سويت ..... وقس على ذلك بقيه الاجهزه .... غساله ، تلفزيون ، ثلاجة ، فريز ..... الله يخلي الحراااج .... وعلطول بدل عندهم . سلااااااام عليكم .
8.
13:00:14 2015.05.24 [مكة]
انا لي تجربة مع الكترو قال جيب اي قطعه ونحسبها لك ب 700 ريال خصم على السلعة ووقتها كنت بشتري ثلاجة ورجعت له بعد اسبوع قال انتهى العرض واصبح سعر الثلاجة ب3300 بس راح نعمل لك خصم 650 ريال ، يعني بالعربي القطع اللي يشترونها منك حاطين لها تقييم وهو 50 ريال .
9.
15:26:26 2015.05.24 [مكة]
7. بقلم: اول2000 لا لا ابد الحبايب انا حبايب معاهم وسهام الزعل متوجهه لمراكز الكترو بالظبط عكس ما انت مكانك وتبي الجد والله ما بعد اشتغلت دريول عند ابوهم اجي واشتري من الحراج عشان اوصل لهم عشان اطلع لي بخصم الا بشتري من الحراج وبروح لبيتنا بعدين وش تتوقعون يسوون بالاجهزه القديمه؟ يستخدمونها قطع غيار ولا يجددونها ويبيعونها ولا ويش بالظبط ما ادري... 8. بقلم: abofarah شكراً لطرح تجربتك الله يبارك لك فيما اشتريت الصراحه دام جهاز سواء غساله ولا ثلاجه ولا تلفزيون بيجيب لي ذالقيمه البخسه : اروح واعطيه اشخاص يحتاجونه واشتري آخرتي يا جماعه وانام وانا مرتاح بدل ما انام وفيه واحد والله باخسني ممتلكاتي ماراح اقول ارميه فالشارع لأن هذا تو متش حقيقه بس اعطيه خيريه ولا اعلن عنه هنا فالمنتدى في موضوع الحاجات الفايضه يعني مره غيرت الفرن حق امي ورحت بعطيه الخيريه يوم اشوف كم شخص يطالعوني بشكل غريب ما مداني اوقف حتى كنت قاعد ادور موقف الا وذالثنين واحد موقف سيارته قدامي والثاني وراي وجوني يركظون قلت بس شكلي بنجلد الليله الا وقاموا يتهاوشون على الفرن ... صارو الخيريه على حسب ما سمعت من احد التعليقات اللي يدخل عندهم مفقود ،،، يعني ما يطلع للمحتاجين الا بطلعة الانفس... الشاهد انه يوجد ناس وكثيرون راح يحتاجون اجهزتك هذي يعني ما اظن ثلاثميه شي يسوى الصراحه اكثر من انك تدخل المنفعه لناس تبغى ذالشي... تلاقيهم عايشين على فرن ابو عين وحده ويخدمون جيرانهم بذالقز ابو عين ولا مراعيهم الا الرحمٰن ونعم الوكيل الحمد لله وكفى
10.
09:14:18 2015.08.17 [مكة]
ان كان جهازك أيفون! لا تبيعه ابد! استخدمه واي فاي! بدال لا تشتري جهاز واي فاي! وشريحة بيانات! توفييييييير ياحبيبي ههههه