| جميع الحقوق محفوظة © دار تقنية المعلومات IT Dar |

احد يفدني بمشروع دجاج وحمام

السلام عليكم ورحمه الله وبركاته

مساء الخير

ابستشركم بمشروع حمام زاجل اشتري كمية كبيرة وابيع فراخه على المحلات
والمشروع الاخر اشتري فقاسات وابيع فراخ بط صغار سمعت ان الجوز ب 15عكس الددجاج ب 3ريال الجوز

ويارت تفدوني بمشاريع تختص بالدواجن والطيور لاني عاشق لها

ارجوكم ساعدوني

كل الردود: 29

عرض:
1.
عضو قديم رقم 302019
23:10:01 2012.06.22 [مكة]
والله عجزنا نفهمك يااباتشي انت تبي تبيع دجاج وحمام تبي تشتري سيارات مصدومة او سيارات من دبي او عطور رجالية او تبي تكمل ماجستير او تشتري رز في الحقيقة انت صعب الواحد يقيمك لانك لحست مخنا بكثرة طلباتك حاول ترسي على بر
2.
23:41:48 2012.06.22 [مكة]
الرجال يدور الشي المناسب مافيها شي لو يختار اكثر من مجال ويستشير اصحاب التجربه والخبره للافاده وعسى الله يوفقه بمشروع مربح
3.
00:17:51 2012.06.23 [مكة]
ايش المشكله لما اتماشيه وتساعده وهو فى النهايه يقرر مصيره بيده بعد مايقفو اخوانه فى المنتدى ويقارن ويشوف الى يمشى معه ويقرربما يناسبه ابد انا مااتظجر من كثرة طلابات على اديه مشورتى وبس ما الاحقه ايش يبى ولا ايش عمل بس ادعوله بتوفيق
4.
01:10:19 2012.06.23 [مكة]
مشروع حمام جيد ولكن لابد من مكان مناسب لكي تقلل من الامراض والمشاكل علشان ما يخسرك غلاء اكل ووفيات خصوص مع الحر واغلب ما يتعب باالفراخه مسألت التوزيع والتصريف بكميات كبيره البط حلو ولكن هيا العمليه نسبه وتناسب بيض البط بكم؟ لذالك تبيع جوز البط من 7 الى 10 وبيض الدجاج بكم لذالك تبيع الجوز من 3 الى 5 وغالبا في الحر تنخفض الاسعار للطيور
5.
02:20:55 2012.06.23 [مكة]
اهلا ادكر لما كنا صغار كانت عندنا صندقتين الاولى للطيور الثمينة و الثانية خاصه للزواجل وكنا نبيع فروخ الزواجل الحبة بـ 5 ريال حتى نشتري اعلاف للبقية حتى ان احد اقربائنا كان عنده زاجل فائز بمسابقه و لما فرخ منه كدا موسم اعطانا اياه و حتى فروخه بعناها طبعا نبيعها في سوق الخميس و اكثر المشترين الصّقاره بالنسبة لي ادا بتربي طيور كهوايه فهي ممتازة اما كمشروع فهو متعب و فوائده قليلة و صعب ان تبيع بالكميات و اخيرا ادا اشتريت فقاسه روح لحديقة الحيوانات و اشتري بيض الطاووس كانت سعر البيضه بـ 50 ريال قبل كم سنة بس الآن مدري و موفقين
6.
22:51:13 2012.06.27 [مكة]
ana_hona سامحك الله
7.
23:00:03 2012.06.27 [مكة]
هذيمشاريع ماتعتمد عليها ماديا الاكيد الحمام اذا زينه وزاجل باله طويل اذا فرنسي وعادي والله تحصل منها خير والبيع بالمواعيد الفقاسات والتفقيس تعب انا جربت تابع درجة الحراره في الغرفه حط مكيف البط سوقه على قده حتى الحمام فيه تعب
8.
10:20:03 2012.07.04 [مكة]
ابو عمر لك رساله على الخاص
9.
23:25:49 2012.07.04 [مكة]
_____________
10.
11:12:17 2012.07.08 [مكة]
الله يرضى لي عليكم ماقصرتو
11.
11:48:43 2012.07.16 [مكة]
الاباتشي تتكلم عن مشاريع الدجاج او البط او الحمام نسبة الارباح فيها اتوقع اكثر من 600% بلب لك فقاسة و يجلس فيها البيض حق الدجاج 21 يوم و بعدها تشغل عليه لمبه صفراء عشان ياكل ولا ينام لما جسمه يستعدل الحمام الفرنسي و الزاجل يبيع الجوز ميت حول 25 ريال يبي لك سنة تقريبا ماتقربه لما يتكاثر مشكلة الحمام الوحيدة الصرع
12.
03:41:45 2012.07.31 [مكة]
جزاك الله خيرا
13.
12:48:48 2012.09.08 [مكة]
11111111111111111111111111
14.
10:28:58 2012.09.18 [مكة]
احد يفدني بمشروع دجاج وحمام السلام عليكم ورحمه الله وبركاته مساء الخير ابستشركم بمشروع حمام زاجل اشتري كمية كبيرة وابيع فراخه على المحلات والمشروع الاخر اشتري فقاسات وابيع فراخ بط صغار سمعت ان الجوز ب 15عكس الددجاج ب 3ريال الجوز ويارت تفدوني بمشاريع تختص بالدواجن والطيور لاني عاشق لها ارجوكم ساعدوني
15.
22:00:28 2012.09.22 [مكة]
الحمام او البط او الدجاج او فراخة دجاج
16.
عضو قديم رقم 312761
00:15:33 2012.10.06 [مكة]
السلام عليكم ورحمة الله وبركاته حمام ما انصحك ابداً الدجاج اللاحم ( الأبيض ) ممتاز وصراحة انا اعتبرها حظوظ وانا الي فهمته من كلامك انه مو لاحم بلدي اذا بلدي اصرف النظر اخوي ما خاب من استشار وانا عندي لك مشروع طيور وماتاكل كثير ووسخها قليل وصراحه شي واسعارها نار ومطلوبه راسلني خاص والله نصيحه لوجه الله انت في مدينه راسلني خاص
17.
06:44:02 2012.10.08 [مكة]
والله ياصديقي الدجاج افضل بكثير.. جار ولد عمي هندي يعلمه يقول انا اطلع شهرياًَ اقل شيئ 10 الاف ريال.. بس شغال توزيع الدجاج عنده دنه او زي كذا ويحمل فيها ويبيع بالمحلات.. حتى ماشاءالله من زود الطغى على الهندي اشترى لاندكروزر قيمته لاتقل عن 60 الف غير المواتر الي يركبها ماركبوها السعوديين والله يزيده ماني بحاسدهـ.. لاكن اذا تبي شريك بالدجاج ارسلي رساله ع الخاص ندرس الموضوع واذا كتب الله نتشارك نتشارك واذا مالله كتب اأمل اني افدتكو وانا في مدينه الرياض..
18.
18:58:26 2012.10.21 [مكة]
ابشر بسعدك
19.
عضو قديم رقم 281399
19:49:22 2012.10.21 [مكة]
اخوي الاباتشي ايش رسيت عليه دجاج ولا حمام بومحمد
20.
عضو قديم رقم 312217
02:24:25 2012.12.27 [مكة]
الاباتشي تبي مشروع العمر ومكاسبه مضمونه انشالله عليك بتجاره التمور والانواع المطلوبه عجوه المدينه صفاوي المدينه عنبر المدينه مبروم العلا صقعي الرياض بس لاتشتري الا وقت موسمه يوم يكون رخيص وتخزنه في الثلاجه وتكسب منه علي كل كيلو مبلغ وقدره واسال اهل الخبره واصحاب محلات التمور والسلام ختام الله يرزقك من واسع فضله
21.
عضو قديم رقم 289515
21:58:54 2013.01.10 [مكة]
الدجاج العربي عندي خلفية واقدمها مجانا لك بدون مقابل اتصل وانشاء خير
22.
21:47:53 2013.01.21 [مكة]
اخوي وش صار في مشروعك وش رسيت عليه انا ودي بنفس المشروع
23.
عضو قديم رقم 353608
23:15:35 2014.01.09 [مكة]
انا مستعد اشتري منك الفروخ بسعر معقول ومن كلش طيور الا الحمام لأني خسرت فيها خساير كثيرة مع أني موفر لها رفاهية كاملة وعلاج ووو وعندي جميع الأنواع الغالية منه
24.
عضو قديم رقم 315387
11:30:19 2014.01.20 [مكة]
الله يوفقك انا دخلت بمشاريع الطيور و الاغنام كلها مربحه ومكلفة لكن تحتاج عناية و علاج و اهتمام و بعيد عن اعين الناس
25.
09:17:10 2014.03.02 [مكة]
الله يجزاكم خير
26.
00:43:54 2014.07.15 [مكة]
مشروع الدواجن فيها مكاسب بس بيلك فلوس وراس مال
27.
05:40:47 2014.07.20 [مكة]
من تجربة اكثر من 16 سنة انصحك تشيل فكرة تفقيس الدجاج او البط من راسك وبشكل نهائي خلك بالحمام احسن شي امة ترجن على البيض وتأكلة وتجهزة لك انت عليك تعلف وتشيل ولكن لازم تهتم بالمضادات الحيوية والفيتامينات بشكل دوري ومنتظم و بدقة ونوعية العلف ومقاسات الحضائر وبأذن الله تكسب واي استشارة حياك الله في اي وقت
28.
عضو قديم رقم 374722
01:05:03 2014.09.28 [مكة]
انا ربيت حمام يا اخوي والله مشروعها مربح جدا لان الانتاج سريع الحمام يحضن على البيض من 17 يوم الى 19 يوم على ما اظن والنمو يكون من ثلاثه اسابيع الا اربعه وستطيع الطيران وانصح بتربيت الحمام الاحم لانه مرغوب واتمنى اخواني في المنتدى يفيدونك اكثر
29.
15:49:19 2014.09.28 [مكة]
سمعت من الكثير اللاحم غير مجدي ان لم يمن عندك اقل شي5الاف جوز