هيا معي نكشف أساليب شريطية العقار

جزاك الله خير ةالله يرزقك من واسع فضله ..
كلامك صحيح..
وأنا كنت أعمل بالعقار مع صاحب مكتب ناصح رحمه الله..
ليت كل العقاريين مثله ..

كثير منهم عنده جشع وياكل ويطعم أهله حرام بالغش والخداع والتلبيس على الناس ..

اكثر فئة نشابه بالمجتمع شريطية العقار عند الشراء

وشرطية السيارات عند البيع

يرجال عساك سالم بس
النصب صار مثل شرب الماء

واللة افضل انك تبني احسن من الجاهز
صحيح متعب لاكن واضمن واوفر لك
يمكن يطلع لك بالدبلكس الجاهز 250000 ميتين وخمسين الف ريال. هذا اللي مساحتة 300 متر صافي ارباح لصاحب العقار

ملاحظه 50% من شريطيه السيارات انتقلوا الى شريطيه عقار والطرق كثيره ومنها
يقول الشريطي مسيوم البيت ب هذا المبلغ وهو لم ينسام ولكن هو حد ويريد هذا السعر .
يقوم الشريطي وموسسات المقاولات ببناء بيوت ضعيفه من حديد واسمنت و كهرباء وسباكه ويتم التركيز على الديكور ويتم اقناع الزبون بأن المنزل عليه ضمان وهم خراطين عند الانتهاء من البيع تنتهي المهمه او تجده شريطي يوهم الشاري بأن البيت مبني خاص له وان الشغل خاص ونظيف ومتعوب عليه من الحديد والسباكه والاسمنت والاساسات وهو كاذب شريطي وبعد شراء المنزل وفي خلال سنه تظهر العيوب وربما تكلف الشاري للصيانه المتواصله او هدم المنزل وبناء غيره وهذي الطريقه منتشره .
تجد 3 شريطيه يشترون ارض ثم ياخذون تمويل برهن العقار من احد البنوك ويتم بناء وحدات سكنيه وبيعها في اسرع وقت وبالطبع البنك معطي سنه كامله على بدايه تسديد التمويل ومنها يقوم الشريطيه بتصريف الوحدات في اسرع وقت حتى يضمنون مكسبهم ويتقاسمون الارباح الخياليه .
او يقوم الشريطي بشراء ارض دفان ويبني عليها وحدات سكنيه ويصرف المنزل ثم يظهر التصدعات والمشاكل

او يقوم بشراء منزل قديم ويخرج عليه تصريح هدم وبناء ويحضر مخطط جديد وبعدها يقوم بترميم المنزل والتعديل فيه ثم يخرج صك جديد ويبيع المنزل باسعار خياليه وبالطبع بيضمن حقين صندوق العقاري وغيرهم .

وكذلك توريط الناس بالبنوك والاقساط حتى يصبح 20 سنه يقصد ولن يستفيد حتى الورثه .

مسأله العقار اصبحت للعب اطفال
اعرف ناس عملوا في شركات عقاريه ثم تركوها لم يحصلوا على نسبه حيث الاسعار مرتفعه ولا وجد شاري .
والان توظف شركات العقار الوافدين تحصله بياع في سوق الخضره ثم اصبح مسوق عقاري وهو في الاصل عامل يحدثنا احد الوافدين المصريين ويعمل في مؤسسة عقاريه ويقول الشعب السعودي طيب ولازم تكذب عليه عشان يشتري وخاصه النساء يشترون وهم مايشفوا ويقول في مره بعت منزل ب مليون وخمس وكان معروض ب مليون ومائه وحصل على سعي 5%
وهو سعيد بعمله ومرتاح على الاخر من سذاجه بعض الناس المشفوحه
تجد الشريطيه يضعون الاعلانات في مواقع الانترنت ويضعون اسعار خياليه بهدف توازن السوق ويظل في ارتفاعه .
الشريطيه هم الان في خطر وعلى كف عفريت والكل يحاول التصريف وتوريط الاخر .
الاسعار ضربت فوق الهرم .

تجد منتديات العقار يثبت فيها 100 عرض
وتجد ناس سقيمه تعرض باسعار خياليه وان تم الاعتراض له يتم حذف عضويتك

ياكرهي للمخلوقات هذول ( الشريطية )

سجل عندك ملاحظتي هذي
لما يعرض اي عقار للبيع او الاجار
مايكتب سعر الاجار يكتب التواصل على الجوال او على الخاص
واتحدى شريطي عقار يعلن سعر محدد للاجار وهذا يدل ان الاجار انت وشطارتك
ولو اخذت بسعر عادل للطرفين تلقاه بعد سنة يتحايل عليك وراح يطلع منك زيادة بحجج كثيرة
منها ان صاحب العقار رفع على السكان او تغير المالك او المويه كلفتنا او اي حجة من الحجج الواهيه

بارك الله في نصائحكم ,

هذا باب من البر والتقوى إن شاء الله .

نفس الشي على الشقق

دخلت عماره شقق للبيع قبل 6 اشهر واذا بنصف الشقق محجوزه

ورجعت للعماره هذه الايام ومازال البيع ولكن العماره خاويه على عروشها

معقوله كل اللي شروا محد سكن او أجر

بارك الله فيكم على اضافاتكم

اليوم بعد المغرب وقفت على سالفة قد تكون من التحايل

جيت لمكتب عقار وفيه اثنين كل واحد يكلم بالجوال

اشروا علي "اجلس"
جلست اتقهوى واسمع سواليفهم بالجوال
واحد يقول للي يكلمه بالجوال " كلم من جوال ثاني وقله كم البيع"
طيب ليه التحايل!!

غير سالفة ادفع عربون ونكلم لك صاحب العقار يطرح لك من قيمة الحد!!

كيف ادفع عربون؟ وانا ما رضيت بسعر الحد!!

احدهم حد علي دبلوكس بمبلغ 850 الف وعطوني ب 830 بشرط ادفع العربون
وفيه دبلوكس جنبها نفس التصميم وكل شي نسخه طبق الاصل.

وعليها لوحة مكتب عقار آخر.

كلمته قالي مسيومه ب 800 الف قلت انا افرق السوم ب 10 الاف (لاحظوا ان العمارتين نفس التصميم ومتجاورتين)

قال طيب تعال ادفع عربونك إذا كنت جاد وبنكلم لك صاحب العقار. (لاحظوا ادفع العربون قبل يوافق الرجال على السعر)

لما رحت المكتب طبعا فورا قفلت المكالمه وتوجهت للمكتب

لقيت سعودي وسوداني والسعودي مشغول مع زبون
كلمت السوداني والسعودي خلفي

وقلت له اني سمت ب 810 الاف
قالي ايوه انا الي كلمتك!! قلت ياخي الطفل يعرف يفرق بين لهجة السوداني ولهجة السعودي.
ادفع العربون واترك رقمك ونكلم لك المالك. قلت ماعندي عربون ادفع إلا اذا اعجبني السعر وإذارسيت على البيع.
السعودي طلع لما شافني. ولما ركبت السيارة يطالع فيني وصد عني! لان مافيه سعودي بالمكتب غيره! ولا يبغى اعرف وجهه.

طلعت من عندهم ورحت مكتب ثاني قالوا: فيه دبلوكس بالمكان الفلاني
قلت هذي انا سايمها ب 810 والي جنبها عطوني اياها ب 830 والحد كان 850 الف

قالوا مثل مقال صاحب المكتب الاول
تعال ادفع السعي ونكلم صاحبها على سومتك بالرغم ان الحد 850 الف

لما كلم صاحبها زعل وقال هذا مكلم اكثر من مكتب!
وفضح نفسه بنفسه (طلع هو صاحب العمارتين وهو صاحب المكتب الاول وهو الي كلمني وقالي تعالي نكلم لك صاحبها. بياخذ مني السعي على عقاره!! يعني بتطلع علي الدبلوكس مع السعي فوق الحد 850!!

ولما جيت انسحب وتركني مع السوداني.
وعرفت اسم ولده من المكالمه مع صاحب المكتب الثاني.

وعلمت صاحب المكتب الثاني بكل السالفه
وقلت هو مكلمني بنفسه وهذا رقم جواله وقالي تعال وانسحب!
وكل مكتب معطيه سعر!

بحثت برقمه بالانترنت ولقيت له عروض ومسجل اسمه بالكنيه الي عرفتها من المكالمه وتأكدت انه مجرد شريطي. وان العماره تجاريه بحته بناها شريطي وبيبيعها شريطي وين بتدور وراه جوده بناء وصدق وأمانه.

المشكلة انه شايب وعليه سمات الصالحين ولا حول ولا قوة إلا بالله.

بيني وبينك يازين تسحيبهم فيكم
اذكر قبل فترة كنت انزل عروض لشققنا في كذا موقع يعني مختصر على العالم السعي والايجار وحاطه رخيص 12 الف بسنه على دفعتين وهي غرفتين وتجيني انواع الاسئلة الغريبة كانت شقق عزاب اللي يبي نت واللي يسئل مافيها حارس واللي يقولي طيب ليش مافيها صالة واللي يقولك ليش بدون اثاث وفي العمارة مصعد ولا لا ويوم استيجرت قسم بالله اني كرهت الساعه اللي اجرت اللي جوني من المواقع فيها لا التزام بالايجار ويحوسون الدنيا وازعاج وشكاوي للمستاجرين شقتين اجرتهم من 18 شقة عزاب 16 كانو عن طريق مكاتب ومحترمين 2 مدري وش الوصف القريب لهم
وقلت يالله ذولي اكيد حالات شاذه وسويت اعلان يوم اخلو الشقق ونفس العرض بـ 12 الف اللي يقول غالية واللي يقول خلها العقار بيطيح وخرابيط لها اول مالها تالي واللي يقولك جشع نعنبو ابليسك اي جشع وهي محسوبة الغرفة بخمس مية غير اللي حاط رقمي بالمواقع يقول مكتب متخصص بشقق العزاب وكل يوم ازعاج عشرين اتصال لدرجة اني كرهت رقمي
المهم شفت ان الدعوه ماش مريت فيها على مكتب عقار والله العظيم ماكملت يومين الا ماجر نفس الشقق بـ 13000 الف !! زيادة الف والادهى والامر ان اللي استاجرو ماسئلو اهل الشقق اللي جنبهم نزلت لهم الاف وانا متفشل قلت خلوها تجديد بويات والايجار من السنه الجاية 12 مثل باقي جيرانكم

بختصرها عليكم السعودي يوثق براعي المكتب ولا يوثق براعي العقار

11. بقلم: ابوهياف


"بيني وبينك يازين تسحيبهم فيكم"

يابو هياف واضح من ردك انك واحد منهم.

وإلا من يتمنى المضره للمسلم!


""انواع الاسئلة الغريبة كانت شقق عزاب اللي يبي نت واللي يسئل مافيها حارس واللي يقولي طيب ليش مافيها صالة واللي يقولك ليش بدون اثاث وفي العمارة مصعد ولا لا"

يعني تبي تكمم افواه الناس لا تسأل
بس تبيهم على عماهم يستاجرون وبس! هامك جيبك!!



"شقتين اجرتهم من 18 شقة عزاب 16 كانو عن طريق مكاتب ومحترمين 2 مدري وش الوصف القريب لهم"

يعني تبي تفهمنا ان المكتب ينقي لك الزبائن!! المكتب معروف ليش فاتح ماهو على شان سواد عيونك.. فاتح على شان هال (500) قيمة السعي.
بالرغم انهم ياخذونها حتى لو نسبتهم تطلع اقل من (500)
لا وزياده على ذلك كل سنه يطلبها!! وإذا قلت له السعي ماهو حلى كل سنه تطلبه علي! ترى السعي لك في البدايه انك جبتلي شقه مو كل سنه تطالبني فيها!!

"مريت فيها على مكتب عقار والله العظيم ماكملت يومين الا ماجر نفس الشقق بـ 13000 الف !! زيادة الف"

انت تناقض نفسك

هذا دليل على موضوعي جشع مكاتب العقار
وهم وراء رفع الاجارات
كل ما يرفع الاجار كل ما تزيد نسبة السعي بالرغم انه ياخذ اكثر من فوق نسبة السعي المعروفه (2.5%)

ما شاء الله يكرم من مال غيره! اجل زايد الاجار (1000) والله خوش مكتب يبيك تستمر معه.

"بختصرها عليكم السعودي يوثق براعي المكتب ولا يوثق براعي العقار"

راعي مكتب عقاري الاخ يلمع صورت بعض الجشعين واصحاب الطرق الملتويه منهم.

لكن الله كريم ويطلع قرار إلغاء جميع مكاتب العقار وإحلال مكانها شركات تخاف الله.

البرنس2000
(يعني تبي تكمم افواه الناس لا تسأل
بس تبيهم على عماهم يستاجرون وبس! هامك جيبك!! )
لا ابيهم يتصلون 3 الفجر ويصحوني من النوم واقولهم ابشر عمي شرايك اكنس شقتك واطبخلك وانفخلك وبعد اسكنك بلاش دام 12 الف بشقة عزاب مو عاجبتك شرايك كذا همني المستاجر الحمدلله يارب
(يعني تبي تفهمنا ان المكتب ينقي لك الزبائن!! المكتب معروف ليش فاتح ماهو على شان سواد عيونك.. فاتح على شان هال (500) قيمة السعي. )
اجل هامه السعي كل مكتب يهمه المالك قبل المستاجر المستاجر مره ويروح بس المالك لا يعني بيطلب تعريف من المستاجر بعمله ذي بلحالها تكفي
اما سالفة النسبة السنوية خمس مية مدري انت تعرف بالعقار ولا تسولف من راسك مافيه شي اسمه سعي سنوي فيه عقد وبميتين ريال للي يبي ياخذ بدل سكن او مدفوع له قيمة السكن غير كذا العقد يتجدد تلقائي ولو حب يدفع عن طريق المكتب ياخذ راعي المكتب من الايجار مية ريال ماذبحنا الا اللي يتفلسف وهو مايدري عن الدنيا وينها رايحه
("مريت فيها على مكتب عقار والله العظيم ماكملت يومين الا ماجر نفس الشقق بـ 13000 الف !! زيادة الف"

انت تناقض نفسك
هذا دليل على موضوعي جشع مكاتب العقار
وهم وراء رفع الاجارات )
وين التناقض برد
دام عقلية بعض المشترين والمستاجرين نفس عقليتك يازين المكاتب والله فيكم وبطالب فيها والمع لها على الاقل يريحونا بدال الضغط هذا وهو ماعنده بيت ذا لو يصير عنده بيت ولا عماره وياجرها احس بيطلع مثل ابو زنيفر اللي بطاش ماطاش بيأذي المستاجر وراعي المكتب ويمكن الجيران والحاره والديره بكبرها

"مايدري عن الدنيا وينها رايحه"

وين رايحه طيب؟ هههههه

انا ماقلت إنك منهم!!

الي على رأسه بطحه يحسس عليها

هنا يا اخوان رد الاخ على موضوع ثاني لي عن العقار
ويشكك بالصور المعروضه وانها من اساليب تنزيل الاسعار ورد صاحب الصور والمتضرر الفعلي وهي شهاده شاهد من اهله. ما يحتاج نقول ارجاف وتنزيل بالاسعار.

رقم الموضوع 196919
الرد رقم 2. بقلم: ابوهياف

السلام عليكم


اخر ما عرفته من هؤلاء
يشتري الفيلا ويركب فيها مطبخ و مظلة سيارة و 2 مكيف فقط وساتر على السور وخلافه
ويسوق علينا اسطوانة تعارفوا عليها
ان المالك جاه نقل لعمله لمدينة ثانية !!

على مين!!
يحسب انه هو لحاله يستخدم هذه الحيله
ما يدري ان المئات على شاكلته يستخدمونها وأصبحت معروفه.

يا اخوان

وقفت على فلل صغيره في 17/1/1434 وبطبعي اصور الفيلا وأسجل احداثيات الموقع ورقم المكتب الي اخذني لها وتفاصيل كاملة الفيلا, كانت بسعر 730 الف وقررت اشتري قبل ايام
شغلوا لي الاسطوانة البائع كان بيسكن وصار له ظرف او نقل وبيبيع!

طيب بكم؟
حد 850 ألف !! هههههههه

كنت اعتقد إني واهم انها كانت بسعر 730 الف ريال
رجعت للمكتب الي اخذني لها قال فعلا مثل ما قلت لك هي محدوده ب 730 الف
قال بكم حدها قلت ب 850 الف
وهو انسان نصوح ومثله مثل غيره يسعى للكسب لكن من افضل ما قابلت ولله الحمد فيه غيره لكنهم قله.
ضحك وقال هو شراها ب 725 الف!

ومن ثم بظرف شهرين يحدها بزيادة 150 الف ريال.
وتكلفة الاضافات التي وضعها لإيهام المشتري ان البيت مسكون لا تكلف عشرة آلاف ريال. أي مكسب معقول يا جماعة الي يتكلم عنه البعض!

تخيلوا يا جماعة نفس حركات شريطية السيارات
يشتري سيارة من المواطن بأبخس الاثمان وينشف ريقه لين يبيعه.

ويلمعها ويبيعها بالنجش وبالخداع
مابي ادخل في موضوع شريطية السيارات تعرفونهم اكثر من شريطية العقار.

لكن شوفوا حيلهم ايضا في العقار.
وهذه الفيلا كانت مباعة والأخرى معروضة
الآن العكس الي كانت معروضة الآن مسكونة يعني الزبون بلع الطعم الي تكلمت عنها قبل كذا. (وهو اقفال احدى الفلتين بحجه انها مباعة, وعرض الاخرى)

وهذا طعم يشجع الزبون ليشتري بما ان جاره شرى اكيد عنده خبره بالمنطقة او الحي.
الآن صار العكس
لما انباعت فعليا الي كانت معروضة
ركب مكيفات و مطبخ وخلافه وعرض الاولى للبيع بزيادة عن الاولى 150 الف ريال
طبعا الطعم صار حقيقي وهو ساكن فعليا وسيارته واقفة عند الباب.

وهذه تكررت في فلتين للأمانه وليس على واحده لاتحامل على البائع بالرغم اني لا اعرف حتى اسمه ولا لم اقابله.

لكن هذه الحيل لا تنطلي على من خرج من بيته مستعينا بالله
متوكلا عليه وقد قرأ ورده وأذكار الخروج من البيت.

مثل حديث: " اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ ، أَوْ أَزِلَّ أَوْ أُزَلَّ ، أَوْ أَنْ أَظْلِمَ أَوْ أَنْ أُظْلَمَ ، أَوْ أَنْ أَجْهَلَ أَوْ أَنْ يُجْهَلَ عَلَيَّ " .

هل يعلق يا جماعة شخص يسكن في بيت سنه ونصف ولا يوجد اثر لتركيب الستائر !!
يا رجال لا يوجد اثر لاستخدام البيت! البيت عمره اقل من كذا!

يفترض مثل ما ركب المطبخ والمظلة وبعض المسات التي يوهم المشتري انه البيت فعلا كان مسكون يفترض ان يخرق مكان الستائر لتكتمل الحيله.

يضاربون بالعقار مثل الاسهم
الفيلا او الارض تنتقل بين عدة اشخاص بظرف ثلاث اشهر وهذا من اسباب رفع الاسعار لان كل واحد بيكسب. وبالأخير تروح لواحد مسكين منحاش من جحيم العقار وماخذ قرض عقاري مايدري ان ذالفيلا مضاربين فيها ورافعين السعر 150 او 200 الف ريال بالإضافة إلى فائدة البنك.
وشريطية العقار مثل شريطية السيارات, عديمي ذمة وضمير ولا يخافون الله عدا القليل منهم..

يا اخوان ياليت تكشفوا حيلهم وتلاعبهم وطرقهم حتى نحذرهم
مصيرنا نشتري منهم او نبيع عليهم ولكن إذا فهمت اللعبه تستطيع ان تعامل معهم بأقل الخسائر.

الكثير يكتم الحق

ويشوف الخطأ ويسكت

بعض الناس فاهم وعلى قولتهم يعرف الكفت, لكن ما يحب ينصح احد!
يبخل بمعلومة قد تفيد غيره وبعضهم والعياذ بالله يقول خله يأكل مثل ما اكلت. بالعكس يا أخي إذا وقعت بحجر في الطريق وأزلته لك اجر لا تقول اتركه يقع فيه غيري مثل ما وقعت.
إماطة الاذى عن الطريق صدقه او كما جاء في الحديث
فما بالك بتوعية الناس وذكر المواقف التي نمر بها او بعض الحيل التي قد تنطلي على بعضنا.

اللهم اكفناهم بما شئت.
وفقنا الله وإياكم.

(تم حذف جزء بواسطة الإدارة)

أحب اضيف

تعاملهم بالكنى!
إذا سألت من صاحب العقار يقولك ابو فلان؟
البيع بطرق ملتويه
وكلام مشفر
واغمز لي واغمز لك

وكأنهم يبيعون ممنوعات والعياذ بالله

اش فيها ان تشهر اسمك وتقول انا فلان ابن فلان وهذا ملكي وحدي كذا والسوم كذا.

لا والسوم هذا لحاله سالفه

كل الفلل مسيومه!!
يحد الفيلا بالسعر الي يبيه ويقولك هذا سوم! يوهمك ان فيه زبون بيشتري
ولما تقوله السوم هذا من ست اشهر وينه ذالزبون خله يشتري!!
ولما تقوله نهاية الكلام كم بتبيع
يطرح لك ما يقل عن 20 الف ريال من السومه الذي يدعيها وهذا دليل انه مافيه لاسومه ولا شي لو السومه حقيقيه كان باع فيها

لكن كذب في كذب والرسول صل الله عليه وسلم نهى عن بيع السلعه كذبا

في حديث عن ابي ذر رضي الله عنه قال: قال رسول الله صلى الله عليه وسلم : ( ثلاثة لايكلمهم الله يوم القيامة ، ولا يزكيهم ، ولهم عذاب أليم : المسبل إزاره ، والمنان ، والمنفق سلعته بالحلف الكاذب ) أخرجه مسلم في كتاب الإيمان.


أنتظر المزيد من تجاربكم..

طيب سجل عندكم :-
كان في شركة بالشرقيه والله اني نسيت اسمها ولو اعرفها لذكرها لكم سوت عروض على فيلل وشقق للبيع وحاطه إعلان عشــــــــــــــــر سنوات ضمـــــــــــــــــــــــــــان على السباكه والكهرباء والصبه وووو الخراط الزايد المهم الرجال صاحب المؤسسه باع الفيلل والشقق في خلال سنتين تدرون اش سوى بعدها ( قام وباع المؤسسه وهرب) طيب والضمانات وين راحت يقولك القانون لا يحمل مغفلين طيب مين الضحية تتوقعون ( اكيد انه المشتري الله يكون بعونه ) عشان كذا لا نصدق هؤلاء المؤسسات ولا نصدق المكاتب ولا نصدق حتى الإعلانات الوهميه ابتعدوا قدر ما تستطيعون عن العقار والله انه سينهار قريبا وفي اواخر 2013 سوف تلاحظون ذلك وهذا والله العظيم انه كلام واحد ثقه. لذلك انتبهواا من الشقق والفيلل في الرياض وجده والشرقيه وغيرها .. اسعار خرافيه .
فيلا مساحتها 300 بمبلغ 800 الف ليشششششششششششش ( مين الغبي الي بشتريها بعضهم يحط اثاث وشغلات تلفت النظر ويقع الغبي فريسه سهله لذلك وجب علينا ان نصحح لبعضنا البعض)
شقه مساحتها 150 م بمبلغ 400 الف ليششششششششششش ( مين الغبي الي بيشتريها )

يا أخوان اقسم بالله اني محرووووووووووق من داخلي لأنني ارى بعض الناس مساكين يبغون يسكنون وبس لا يا أخي خل يكون عندنا ثقافه في البيع والشراء دعونا نحن من يتحكم في العقار ليس هؤلاء نصابين العقار والسيارات .

اكبر مثال زورو احد مواقع العقار المشهورة عن طريق النت وسوف تشاهدون بيوت واراضي وعماير بسعر خرافي وتجدون بعضهم يقول اتصل لمعرفة السعر والبعض يضع السعر اعطيكم مثال :

فيلا مساحتها 450 م سوم 900.000 ريال

(شوف ردود الشريطيه الحراميه المجرمين في الرد الاول والثاني)
بعض الردود يجيك يقول 950 اش قلت وانا شراي وجاد وصامل وانا وانا ووووو

الرد الثاني تبيع بنفس السومه

الرد الثالث وهو المسكين تبيع 920 الف وانا جاد وشوي بيبكي المسكين انه جاد . وتروح براسه .


لذلك يالشريطيه اتقوى الله في السر والعلن والله لن يتبارك رزقكم .

اقسم بالله انني اعرف شخص شريطي ان اولاده نصفهم معاقين ونصفهم مرضانين لان ابوهم شريطي كبير .

اتقوى الله واستغفروه لا حول ولا قوة إلا بالله.

17. بقلم: smgunited


"اقسم بالله انني اعرف شخص شريطي ان اولاده نصفهم معاقين ونصفهم مرضانين لان ابوهم شريطي كبير"



بالمناسبة اخوي
كثير منا يبتليه الله بشئ من مرض او دين او احد يلعب عليه او اي سبب او حتى حادث سيارة

ولا يخطر في باله انه ربما يكون هذا بسبب سلوكه من تلاعب او نصب او ظلم لاحد.

شاكر لك مرورك..

صفقات وهمية

http://al-marsd.com/main/Content/%D8%B5%D9%81%D9%82%D8%A7%D8%AA-%D9%88%D9%87%D9%85%D9%8A%D8%A9-%D9%81%D9%8A-%D9%83%D8%AA%D8%A7%D8%A8%D8%A7%D8%AA-%D8%A7%D9%84%D8%B9%D8%AF%D9%84-%D9%84%D9%88%D9%82%D9%81-%D9%87%D8%A8%D9%88%D8%B7-%D8%A3%D8%B3%D8%B9%D8%A7%D8%B1-%D8%A7%D9%84%D8%B9%D9%82%D8%A7%D8%B1%D8%A7%D8%AA#.Uq1RsNJdXTo

البرنس مستشهد بردي!
لاحول ولاقوة الا بالله ولازلت اردد ماتدري وين الدنيا رايحة
تفتي بغير علم وموضوع العربون والمكاتب اسمه عربون على الشور حتى بالايجار ينوخذ اذا المالك حد قيمة ايجار او بيع مثلا ايجار بـ 25 الف وقالوله المكتب لو جا واحد باقل من حدك بشوي يقول خذو عربونه ونفس الشي البيع على شور المالك لان السوم كلام وسوالف يكلم المالك ويقوله جاك سوم القيمة الفلانية لو قاله المالك بع بينحرج اغلب الفاضين اللي طموحه يشتري او يستاجر وطفران يلفلف المكاتب يتفرج ويجي يشخبط بالمواضيع !!
الغلا بكل شي بحياة المواطن لان الشعب مهايطي تلقاه مستاجر وسيارته رنج اخر موديل ولا لكزس ولامرسيدس ويلعن مالك العقار ويسبه وجشع !
شعب جندي ولاجندي اول وسيارته 2013 او 2014 اقساط وكل سنة يبدل سيارته والاثاث افخم شي في بيت ايجار ويصايح من الغلا يستاهل اللي يجيه
فيه مناطق اقيامها رخيصه بس ربعنا يبون الشمال والشرق ولا عجزو قامو يعذربون بالاسعار وصارت الاحيا كلها مدفونه !
بنسبة للموضوع الاخير والصفقات الوهمية كم تاريخ الموضوع ؟
معقولة الصفقات الوهمية للحين من ست شهور !!!!!
عموما الله يرزقك بيت بالجنة ابركلك من بيوت الدنيا الفانية ادع الله بس