| جميع الحقوق محفوظة © دار تقنية المعلومات IT Dar |

نوينا ان شاء الله نعمر بيت العمر ولكن!!!

السلام عليكم
هل توجد نصائح او ارشادات من الأعضاء اللي سبق لهم تجربه البناء ؟
ارجوا توجيهي

مع الشكر

كل الردود: 10
1.
13:46:27 2014.10.03 [مكة]
وعليكم السلام ورحمة الله وبركاته على البركة ان شاءالله وماعندي نصيحة ولكن بدعي لك ان الله يعينك ويصبرك على بلاء البناء انا حايس لي اسبوع في حمام وغرفة بس .. مجهود وتعب واتصالات وبهذله وفرفرة .. شي ماهو طبيعي بصراحة .. اذا تبي اعمال ديكور وجبس وبلاط وباركية وورق حائط ( راسلني ) اعطيك واحد سعودي 100% في الرياض امانة وصدق واحترام وسعر طيب
2.
14:21:39 2014.10.03 [مكة]
اكبر مشكلة يطيح فيها اللي يبني بيت له هو ان العاطفة تتغلب على العقل ... يعني كل ماجا يشتري غرض يطيح بالغالي مع انه فيه غيره بنفس الجودة وارخص .... ليش؟ لانه "بيت العمر" اهم نصيحة انك تبتعد عن العاطفة وتبني البيت بطريقة عملية ... مااقول دائما تدور الرخيص ... بس سوي لك ميزانية واعرف كم قاعد تصرف ومن ناحية البناء اهم شي اهتم في العظم والباقي ممكن تشتري من الجيد المعتدل السعر طبعا انا اقول كذا على اساس ان عندك ميزانية محددة ... لكن اذا انت مليونير فهذا شي ثاني وبالتوفيق ان شاء الله
3.
10:32:12 2014.10.08 [مكة]
جزاكم الله خير هل توجد نصايح هندسيه مثلا
4.
06:05:18 2014.10.09 [مكة]
اولا الله يعينك ومنزل مبارك مقدما ثانيا عندي اقتراح استثماري اذا تسمح لي الفله اذا تقدر تخليها دور ونص درج بالصاله وشقه مسروقه وضمها مع شقه السطح بحيث تكون دورين وتستغل ملحق السطح صح ويجيب اجار مرضي وانا قلت درج صاله علشان المستاجر مايكشف مقدمة البيت وبالتوفيق
5.
عضو قديم رقم 365679
00:11:44 2014.10.17 [مكة]
اولا اقول لك بالتوفيق ومبروك مقدما لمنزل العمر نصائح مهمه تضع مخطط عملي وعلى حسب امكاناتك المادية تحاول يكون فيه شقة او شقتين ايجار وراح تستفيد منها لاحقا اذا عندك ابناء تختار المقاول ذو السمعة الطيبة حتى لو سعره اعلى قليلا تتعاقد مع مهندس صاحب خبرة وعلم ليشرف على عمل المقاول وتأخذه بالطلعة اتوقع 200 ريال يمكن تحتاجه لست او سبع طلعات بمجرد ما تبدأ اعتبر نفسك انتهيت وسوف تنسى كل التعب بمجرد الانتهاء لا تسمع لكلام الناس وتحبيطهم فلن تمتلك منزلا في التشطيبات لاتبالغ حتى لا تتكلف مبالغ باهضة لأشياء يمكن الاستغناء عنها في التشطيبات والاثاث الذوق يلعب دور كبير وبالتوفيق ان شاء الله
6.
09:10:02 2014.10.17 [مكة]
الف مبروك وبكره باذن الله تنزل وتسعد . اضافة الي ما تفضل به الاخوة الكرام ( التفصيل ) اي المخطط المثل يقول ( اشتر بريال وفصل بريالين ) احرص ثم احرص علي المخطط لاتستكثر مبلغه . التوفيق حليفك باذن الله ..
7.
عضو قديم رقم 131016
21:13:16 2014.12.12 [مكة]
ادخل على موقع ماجد المحيميد للبناء فنون بتستفيد كثيييييير صدقني دعواتك
8.
عضو قديم رقم 346131
03:20:03 2014.12.13 [مكة]
احفر الارض حتى تصل للعزا صب صبه نظافه قبل تخشيب القواعد وهذي ما يسوونها الا قله تأكد من كميات الحديد بنفسك بعد الصبه لف الاعمده بخيش رطب قبل الدفن اعزل القواعد بعد بناء الميده اجعل المقاول يربط قواعد السور مع قواعد المبنى علشان اذا حقر احد حولك ما يطيح سورك صبه نظافه داخليه خلها بعد بناء الجران وخلها 10 سم لاتنسى الحديد في صبات الارضيات والنصايح واجد
9.
11:17:55 2014.12.13 [مكة]
🏠 ابوفهد .. للبناء .. و المقاولات 🏠 👌لدينا مقاول سوري مميز 📌 مقاولات عامة بناء فلل استراحات هناجر ملاحق عظم على المفتاح وجميع مايخص البناء حسب المخطط👍 👌ذو خبرة في المجال ونقدم لكم افضل الأسعار ... و أجود أداء ✋ 0592864268 واتساب 📞
10.
16:07:32 2014.12.13 [مكة]
الافضل تسلمها شخص ثقه وله خبره بالبناء وتعطيه مبلغ (( اريح لك )) واذا ماحصلت المكتب الهندسي اللي تطلع منه المخطط تعطيه اشراف على البناء الطلعات (( انتبه تبداء بنفسك وانت ماتعرف شي ؟ يستغلونك العماله لانهم يعرفون ذلك (( واكتب عقد لكل عمل فيه خصم على التأخير والاخلال في العمل والله يوفقك