| جميع الحقوق محفوظة © دار تقنية المعلومات IT Dar |

ماهي خطوات تقديم شكوى على مستأجر ؟ واخراجه

السلام عليكم ورحمة الله وبركاته

فيه شخص مستأجر شقة عندي ولقد دفع الست الشهور الاولى والان انتهت الستا لشهور الاولى ودخلنا بالست شهور الثانيهولقد بلغته بان الايجار حال عليه واني لدي ظروف صعبه خصوصا ان البيت والسياره طيون عن طريق البنك
لكن الان لم يسدد علما اول ثلاث ايام كان يوعودني انه بيروح للمكتب وللاسف يسحب
الان كمل 17 يوم ولازلت انتظر
ابي اعرف وش الاجرات لاجل الشكوى احتياط وشكرا
علما اني من حي طويق الرياض

كيف اطلعه من الشقة بدون مايخربها او يسوي اضرار لها لانه مستلمها جديده؟

كل الردود: 17
1.
21:14:41 2016.06.14 [مكة]
تبغى الجد .. ماكو قانون يحميك .. خذه بالطيب والكلمة الطيبة وعطه فرصه وبيطلع .. أقسم بالله اني اتكلم لك من خبره عقاريه وخبره مستاجرين وسوالف مثل سالفتك واخرتها بحبة الخشم طلع وبعد ما عطيته شهر ونص ببلاش وفوقها استاجرت له شهر على حسابي في موقع آخر ولا أقول غير حسبي الله ونعم الوكيل في هالليلة المباركة
2.
عضو قديم رقم 257508
23:12:15 2016.06.14 [مكة]
احسنت يابو همس فعلا مافي قانون يخرج المستاجر او يرجعلك حقوقك ماغير مرممطه بالمحاكم والشرطه ومواعيد بالشهور وانت كل مره تحضر للمحكمه والاخ مرتاح في بيتك وانا حصل لي نفس الشيء
3.
04:00:26 2016.06.15 [مكة]
سهلة جدا اخبرة انك راح تودي العقد لمحكمة التنفيذ ويوقفون بطاقات الصراف وراح يدفع صارت معاي نفس مشكلتك ناس ما تستحي بس تخاف
4.
07:57:01 2016.06.15 [مكة]
مالك الا تجيبه بالسياسه حتى تطلعه اما بالقانون راح يطول موصوعك
5.
13:21:28 2016.06.15 [مكة]
كان هناك ما يسمى باللجنة العقارية في الأمارات .. وحلت كثير من الإشكاليات العقارية وكانت سريعة التنفيذ ، ولكن لا أعلم من له مصلحة في عدم إستمراراها !! أما الأن .. فلا أزيد على الرد رقم ( 1 ) ، وعليك ( بحسبي الله ونعم الوكيل ) وربنا يصلح الحااااااال
6.
22:24:00 2016.06.15 [مكة]
اقطع لكهرباء والماء عليه
7.
00:05:54 2016.06.16 [مكة]
يقولون : شي يجي بالحشوم و شي يجي بحب الخشوم و شي يجي من فوق الخشوم والأخيره هذي ما تنفع مع المستأجر
8.
05:37:10 2016.06.16 [مكة]
وإن كان ذو عسرة فنظرة إلى ميسرة وسترى بإذن الله ما يسرك ...
9.
06:48:37 2016.06.16 [مكة]
انتبه لا تقطع الكهرباء او الماء بعدين يشتكي عليك و تضطر تعوضه انت لاكن في حركه ذكيه و يبيلها ذكاء و دهاء راقبه و اعرف عدد افراد عائلته كامله و بلغه انك تبي الشقه بعد اسبوع مفرغه و انك غير مسؤل عن اي شيء يحدث لممتلكاته و خل معك كم شاهد و كذالك صاحب مكتب العقار و اذا امداك تصور فيديو ب الخفاء يكون ممتاز جدا و لما يجي ذاك اليوم الي يطلع هو عائلته كامله افصل الكهرب و خله شويء و رجعه على شان لو فيه احد في البيت يطلع و تعرف قبل لا تجيب العيد و دق الباب اذا محد رد عليك ادخل للشقه و اذا ما معك مفتاح ثاني فك الكيلون و حط له كيلون جديد و مفتاح جديد و اتصل على شركه نقل العفش و خلهم يجون يحملون العفش و زودهم شويء على شان ينتضرون حضرته يجي و قفل الشقه و ادخل بيتك بعدها بيدق عليك لا ترد بيروح للشرطه يشتكي تعال لهم اليوم الثاني و معك الشهود كلهم و قدمهم قدام الظابط و يقلون الشهاده و كذا قصتك أنحلت و اذا ما عجبتك قصه نقل العفش غير فقط كيلون الباب و خل الاغراض عندك داخل شقته محتجزه ولا ترجع له الا بعد دفع مستحقات ال17يوم و اذا ما عجبك موضوع تغير الكيلون قفل الباب الي يفصل بين الدرج المؤدي للشقه و باب الشارع و خل اغراضه عندك محجوزه حتى يدفع المستحقات او يوقع عقد جديد و المرات الجاية خل مكتوب في العقد تحجز ممتلكات الشقه اذا لم يتم دفع رسوم العقد الجديد خلال مده اقصاها 15 يوم من يوم الخروج او اي شيء مسموح يخليه يدفع غصب او يطلع
10.
15:28:51 2016.06.16 [مكة]
يارجال لا تصير مطفوق الرجال متأخر عليك 17 يوم ماتاخر عليك شهرين ثلاثه اصبر ماصارت كل من تأخير طردوه وعياله من السكن اصبر عليه وبيسدد كذا ولا كذا دافع هو انت ترفق ولا تصير صعفقه علطول تريث ولا رح بع العماره وسو لك شي ثاني مدام تبي الناس مثل فتحته زر اللمبه يفتح ويتسكر
11.
03:17:00 2016.06.17 [مكة]
اشكر الجميع على ردودهم الطيبه وابشركم عطاني ثلاث ارباع الايجار والباقي مع الراتب الجاي طبعا بعد رساله من التهديد لجواله عندي نقد بسيط لاخر رد مو كل الناس يقدرون ينتظرون شهر او شهرين مثل ماهو عنده ديون والخ انا مثله وعلى فكرة مبلغه قبل الايجار بشهر عشان ياخذ باله وليه حطو عقد بيني وبينه الا عشان يثثبت حقي وحقه ولا يتضرار احد علما نبهت المكتب اذ انتهى العقد مافي تجديد الا للاجانب فقط اذ اولتها كذا فمع السلامه
12.
05:01:23 2016.06.19 [مكة]
مالك الى تكتب معروض بأسم قاضي المحكمه المستعجله في منطقتك يعطوك موعد ويبعثو شعار الى مكان عمله اذا كان يعمل واذا وقع على المحضر بنفسه الجلسه الثانيه اذا ماجا للمحكمه توقف خدماته عن طريق محكمة التنفيذ انا صار معاي نفس حكايتك مع مستأجر الله يعينك بس لاتفصل الكهرباء انتبه لان يدعي عليك ادعائات انت بغنا عنها وبالتوفيق
13.
05:23:21 2016.06.19 [مكة]
المفروض يكون فيه نضام صارم من الحكومه بين المستأجر و المؤجر اذا مر 30 يوم و لم يدفع المستأجر يسجن او يعطا فرصه اخرا من المؤجر و للمؤجر كامل الحقوق لطرد و كذا السعودين يحصلون شقق و بيوت اجار بسرعه و اخونا صاحب الموضوع فيه رد رقم 11 فعل مثل كل شخص وقع في مشكلته ما عاد يسكن سعوديين بسب هاذا الشخص الي شوه الصوره
14.
13:45:40 2016.06.25 [مكة]
السلام عليكم .. صاحب الشقه المستاجره شكلك أول مره تجر . والرجال ماتخر كثير كلها 17 يوم التمس العذر منه يمكن يجمع لك الاجار . أما الذي يقول اقطع الكهرباء والماء اقول لك سلامات الحبيب وفيه نظام اذا قطعت الكهرباء أو الماء عن الموطن لاتنساه. أما الذي يقول نقل العفش وغير القفل طيب افراد اسرة المستاجر وين وبعد وقسم بالله ماتجي بالعقل صاحب شقه ينتظر المستاجر يطلع وينقل الاثاث . فيه محاكمه وقنون صارم مراح يطلع منه على هون سيره ..
15.
13:52:39 2016.06.25 [مكة]
أمير الروح ما قلنا خذوه فغلوه لا قلنا يعطيه انذار أخير و يكون فيه شهود و بعد الانذار الاخير و الشهود المحكمه ما تسوي شيء و الرجال يماطل و يتهرب لا طلق ولا علق لو كان يجمع و طفران كان جلس مع الرجال و تفاهموا و الناس للناس و كلنا بالله
16.
17:03:57 2016.06.26 [مكة]
حسب ماقرأته بأن العقد باقي على انتهاءه اكثر من خمس شهور فلا يحق ان يتصرف المستأجر بأي شي سوى الشكوى رسمياً و احتياطاً وزاره التجاره عندها انظمه جديده حول هذا الموضوع و منها يبلغ المستأجر بعدم تجديد العقد او تغيير سعر الايجار بمده لاتقل عن 90 يوم ف ان تأخر عن ذلك !!! لايحق للمؤجر اخراجه بعد انتهاء العقد او تغيير السعر وانما يعود للمستأجر ان اراد تجديد العقد فله الحق بالتجديد دون الرجوع للمؤجر اكرر (نظام وزاره التجاره) اذا بقى 89 يوم على انتهاء العقد لا يحق للمؤجر ابلاغه بعدم التجديد او تغيير السعر
17.
03:53:20 2016.07.01 [مكة]
اشكر الجميع على المرور لكن عنددي تعليق على امير الروح انا صحيح اول مرة اجر لكن الرجال كان يرد علي او اسبوع وبعدين سحب ما صار يرد علي والتمست العذر له وعطيته فرصه لكن لا صار يرد لا علي ولا علي المكتب كيف تبي اتعامل معه والرجال اشوف سيارته موقف عند باب الشقه كاني انا الي مستاجر عنده بالنسبه لقطع الكهرباء او المويه او الخ ما راح استخدمه راح يكون تعاملي مع المكتب او الجهات الرسمية للامانه يا سلطان مافهمت المقصد العقد باقي فيه خمس شهور من شهر هذا 9 لكن اتمنى يكونه هناك نظام يحمينا