| جميع الحقوق محفوظة © دار تقنية المعلومات IT Dar |

شريت فله وطلع فيها عيوب وش الحل

شريت فله في حي الرمال
وطلع فيها عيوب بلاط الحوش تهشم

والخزان يبي له عزل وصبه الله يصب الأذى فوق رأس كل حرامي ونصاب


وش الحل
اللي عنده حل يرد هنا أو يتواصل معي على 0506707450

كل الردود: 31

عرض:
1.
14:35:22 2014.06.04 [مكة]
الله يعوض عليك هنا المشكله شغل تجاري ومش حالك اذا عندك تأمين للبيت تقدر تشتكيهم ويصلحونها مجانأ واذا ماعندك اطلب من الله العوض
2.
16:59:45 2014.06.04 [مكة]
هذه مشكلة الفلل الجاهزة للبيع والشقق
3.
عضو قديم رقم 346131
18:35:51 2014.06.04 [مكة]
صلح عاادي
4.
08:27:40 2014.06.05 [مكة]
جزاكم الله خير كيف أخذ حقي وكيف اامن ع الفله
5.
عضو قديم رقم 346131
09:44:14 2014.06.05 [مكة]
انا مريت بالي مريت انت فيه قيمه تكسير بلاط الاحواش مع التغيير حوالي عشره الاف قيمه عزل الخزان الارضي حوالي خمسه الاف صلح وانسا تشتكي ما راح تطول لا حق ولا باطل عاادي وسع صدرك يا رجال وصل الغش فيهم انهم الباقي من طرطشه اللياسه يعني الي طايح على الارض يسااونه ويبلطون فوقه 00 وصلو لمرحله يكبون الاسمنت ونثرونه على الارض ويرشونه من بعيد كانهم يسقون زراعه ناس ما يخافون الله انا في بيتي تصدق قلوب الابواب ماخذ صاحب البيت اردى الانواع 20 ريال بينما النوع الزين يل 25 يعني فرق خمسه ريال الله لا يوفقه كراسي الحمامات اكرمكم الله شاريها 120 ريال صيني اي كلام غيرتها الخزف ب400 ريال خسرت الين قلت بس لا ويا ويلك من عزل السطح والحمامات اذا هو اي كلام ابشر بالمطر فوق راسك توي ساكن وجا مطر وخرت الاسقف اضطريت اجيب شركه تدهن السطح بماده عازله كلفني 5000 ريال عزل اي كلام طبعا بس يمشي الحال جاري نفس المالكي لانه بنى 6 فلل عموما جاري انفصل الرصيف عن جدار السور بفارق 10 سم تقريبا قلت له صلحه قال لا والله منيب مصلحه ابكتب اسم مالك البيت في ورقه كبيره والزقها على الجدار واقول هذا بنائه التجاري والله يا قعدت اصلح سنه قبل لا اسكن وبعد السكن كل يوم اصلح شي ازيدك من الشعر بيت اول ما سكنت لاحظت صفيات الحمامات مسكره تتعبا مويه اكرمكم الله يوم جبت سباك اكتشف انها فيها اسمنت وحجر مسكرها واستخراجها صعب للغايه لانه بعمق متر والماسوره صغيره قعت اعالج فيها شهر يالله قدرت اطلع شوي من الحجر بخلاف التشققات الي في الجدران حدث ولا حرج خاصه في السور الخارجي مهيب تشققات الا تدخل يدك فيها من كبرها لكن اقول الله لا يوفقه لا دنيا ولا اخره والله لا يحلله ولا يبيحه
6.
عضو قديم رقم 346131
09:49:14 2014.06.05 [مكة]
الكهربا ومشاكل الكهرباء احيانا اذا ولعت انوار المطبخ كلها طفا انوار الدرج والعكس اذا ولعت 6 مكيفات في وقت واحد طفا الطبلون بخلاف مشكله تمديد الهاتف وضعف المياه وتشقق الابواب وانقشاع البويات الخارجيه ووووووو هذي معاناه الجميع كل الي ساكنين في الحي وشارين تجاري كلهم مركبين دينو ضغط لان المويه ضعيفه لان السباك الله لا يوفقه مختصر في المواصير
7.
12:38:31 2014.06.05 [مكة]
ياما نصحت وياما صحت شغلي مقاول واعرف الغش فيها نصحت كثير ولا حياة لمن تنادي لو اقول لكم اخر قصه ممكن ما تصدقون ونصحته كثير يبعد عنها ما سمع يفكرني طمعان ابني له الزبده بعد شهرين ناداني قال الفله فيها شطب يدخل منه الفار توقعت الفار طولي يوم جيت وجدت الشطب عررررررررررررررض عرفت وش السالفه اخينا في الله طلع برزه متر والمتر عايدي وليت فيه حديد مثلا 14 ما نبي اكثر قمت شلت بلكتبن 40سم من الدور الثاني بالواجهه وحاولت اصل للحديد ما تتخيلون وش وجدنا الحديد 10ملم والبلاط 12سم تخيلو كيف تحمل جدار وسقف علوي والله ياناس انصدمت الزبده انني عالجتها بتعب لكن المنظر بالحوش انعدم مالها حل الا ازاله او اتصرف مثلما تصرفت عملت قواعد وميده ارضي بالسور مخفيه وطلعت منها عمدان جماليه تحمل السقف بعدفتره ريح السقف على العمدان الحامله والان دعواااهم في المحكمه لها سنتين جيرانه نفس المشكله كل الفلل حصل فيها كذا فانصحكم ابعدووووووووو واذا لا بد تابع اي فله تبيها من البدايه
8.
11:12:47 2014.06.06 [مكة]
ارفع شكوي على المقاول بديوان المظالم اذا تعرفة
9.
عضو قديم رقم 265536
11:20:49 2014.06.06 [مكة]
المحاكم ملاينه مثل هذي القضايا وراح يعطونك حقك على داير مليم
10.
19:34:42 2014.06.06 [مكة]
بقلم: نجدي2001 في أي حي شريت الله يعوضك خير بقلم: أبوفصيل2 نبي الحياة يا ابو فيصل 2 بقلم: الزيدانى و. بقلم: ناصرالفيصل الله لايهينكم ع الرد والله لايضيع حق كل مسلم
11.
19:41:12 2014.06.06 [مكة]
صاحبي جيب لك تقرير من مكتب هندسي بالعيوب الموجودة وجيب لك كم واحد وشهدهم على الخلل الي صاير وبعدها قدم شكوى في المحكمة ولاتنتظر شي ابدأ بالشغل مع مقاول محترم وان كتب الله لك شي بالقضية الاوراق والشهود موجودين
12.
20:46:29 2014.06.06 [مكة]
ياصديقي المكتب الهندسي بيأخذ حوالي 13 الف هذا مبلغ تقريبي والمصيبه اذا طلع فيها عيوب أعتقد يسحبون مني العقار ويعتبرون مدة شراءي ايجار أنا أخذتها عن طريق البنك
13.
00:24:29 2014.06.07 [مكة]
شغل تجاري حسبي الله عليهم , اذا هي شركة ارفع دعوة عليهم لوزارة التجارة يعتبر غش تجاري واذا هي من تاجر عقار قدم شكوأ الى المحكمة واشرح كل العيوب الموجودة فيها في المعروض على انها جديدة وضهرت عيوبها , يعتبر عند الشيخ بيع غبن او غش , ويستردها لك او يقوم بي اصلاحها المالك الاول بشرط ماتكون قد مضا على بيعها سنة , والله المستعان
14.
04:13:28 2014.06.07 [مكة]
البنك يصلح لك هالاضرار صورلهم الاضرار وارفع لهم خطاب وراح يصلحون لك ايها عن طريق شركة التأمين اللي البنك يتعامل معها جميع بيوت البنوك مؤمنه وحاول ترفع شكوى بالموضوع في نفس البنك او مؤسسة النقد ويحلون هالاشكاليه بشكل سريع
15.
05:08:55 2014.06.07 [مكة]
اخي الكريم الف مبروك ع البيت وجعله بالعافيه .. ولا تهتم ولا يجي بخاطرك انت انسان محظوظ ان عندك بيت يضفك انت وعيالك .. وبالنسبه للخرابات ترا عااااادي جدا كل ما طلع لك عيب صلحة وانت تضحك .. ترا انا عمرت بيتي من الالف للياء ومع كذا كل فترة الاقي عيوب ظهرت مثل بويات تتقشر مثل جبس يطيح مثل بلاط يتكسر الخ .. ومن غير ما اتعب اعصابي اروح اجيب عامل واخليه يصلح الاضرار واليوم الثاني وانا ناسي كل المشاكل .
16.
عضو قديم رقم 25799
05:24:11 2014.06.07 [مكة]
عندي نفس موضوعك ورافع دعوى في المحكمة من سنتين وسوف أختصر المعاناة بالنقاط التالية1- رفع الدعوى سهل 2- المواعيد طوييلة 3- من خلال ردود محامي البنك بعد مرور سنتين من الجلسات إدعى بعدم اختصاص المحكمة وان المختص هو لجنة المنازعات البنكية 4- حكم الشيخ لصالحي بتعويضي مبلغ 200 ألأف ريال المتفق عليه والمقرر من لجنة الخبراء التي زارت البيت وتأكدت من وجود الأضرار , أو إصلاح البنك للأضرار 5- رفض البنك الحكم وسوف يطلب استئناف حسب كلام محامي البنك نصيحتي توجه في البداية للجنة المنازعات المصرفية وان مافاد اذهب لمؤسسة النقد وان مافاد للمحكمة, وهذا الكلام سوف يختصر لك المشكلة باختصار وان أردت التواصل فياهلا بك وبأي أحد من الإخوة
17.
15:11:59 2014.06.07 [مكة]
حسبنا الله عليهم ونعم الوكيل الله يعوضك خير
18.
عضو قديم رقم 119994
16:13:22 2014.06.11 [مكة]
قدم فيه شكوى والله لتأخذ حقك وكثير صار لهم نفس الشي واخذوا حقهم روح عند اقرب محامي ودفع 1000 الف ريال وخذ استشارة منه وتابع انت حقك وراح تمشي امورك وانا زيك الان شاري فله في نفس الحي والله يستر منها .
19.
عضو قديم رقم 173144
08:13:44 2014.08.18 [مكة]
حسبي الله ونعم الوكيل التجاري سيطر على السوق بكثره أفضل طريقه لشراء فله لآصار المبلغ جاهز شف لك حي معين وركز على عدد معين من الفلل من بدايتها حتى المفتاح تشتري وانت مرتاح سته أشهر انتظر أو سنه بالكثير واذا برأسك بناء اشتر أرض وتوكل على الله وتوجد مكاتب إشراف هندسي يكون معك من بداية الحفر إلى نهاية العظم والله يوفقك ويعوضك
20.
08:37:43 2014.08.19 [مكة]
الله يعوضك يارب .. اخوي قبل لا تسكن في البيت نصيحة .. ابدأ شغل فيه واعتبر المبلغ ايجار السنة الاولى .. وبالمرة تأكد من الكهرباء والسباكه ... وصلح
21.
11:57:02 2014.08.19 [مكة]
عادي يالغالي اي واحد يسكن بيت ولوهو بيته اللي بناه تظهر بعض العيوب لا تشيل هم ولا توجع راسك خذ الامور بهدوء وصلح شوي شوي ووفقك الله ورعاك
22.
22:22:33 2014.08.19 [مكة]
العيب مردود ، إما يرجع البيت أو يدفع لك فرق القيمة عن العمل ، بس خلك متابع وارفع قضية ، واطلب لجنة النظر وتقييم ثلاثة عقاريين عن العيب اللي صار . هذا إذا ما كان صاحبك سمح وهين ، وإلا فاجلس معه ووره العيوب واصلحوا ، واحمد ربك أنها ببيت ماهي بأوادم
23.
عضو قديم رقم 364999
00:55:44 2014.08.21 [مكة]
انتبهوا يااخوان من البيوت الجاهز يهتمون بالديكور ولاساسات ومواد البناء من اردى نوع عمر بيت على عينك لو تدفع كثير
24.
عضو قديم رقم 119994
10:40:55 2014.08.24 [مكة]
الله لا يوفقه وان شاء الله الفلوس اللى اخذها منك انها تكون في علاجاته ولا يلاقي العلاج هو وغيره من النصابين حقين العقار والسيارات
25.
عضو قديم رقم 407061
09:17:39 2015.06.14 [مكة]
نصيحة لكل من يريد ان يشتري فلة الذهاب لمكتب هندسي واخذ رايه في الفلة او العمارة او البيت (شهادة ان البيت والبناء ممتازة واخذ ورقة من المكتب الهندسي بذلك ليكون المشتري مطمئن) ودفع مبلغ بسيط للمكتب الهندسي قبل الشراء افضل من دفع مصاريف كثيرة في الترميم وعدم الطمأنينة بعد شراء البيت. تحياتي
26.
09:33:17 2015.06.14 [مكة]
لاتكبر الموضوع ياخي بلاط الحوش مافيه شي جيب بلاحط وكم متر وزبطه الخزان الي فوق سو له عازل مايكلف شي وهذا عادي لحد الان الي تقوله لاتكبر الموضوع وتسوي زحمه والطريق فاضي احمد ربك طلعت من هالدنيا ببيت غيرك للحين مستاجر احمد الله واشكره بس
27.
13:50:25 2015.06.14 [مكة]
مشاكل بسيطه صلحها
28.
04:25:10 2015.06.16 [مكة]
ياخوي ارفع قضيه ولا تشاور وبأذن الله تاخذ حقك زبط اوراقك وتابع القضيه .. على مهلك الين تأخذ حقك لو بعد حين واذا انت مشغول .. سوى وكالة لأحد الشباب العاطلين ياكثرهم برسوم بسيطه وخله يركض وراء القضيه .. وانت مرتاح .. انت من جدك تخليه الحديث الشريف الذي يقول فيه المصطفى عليه الصلاة والسلام : ( من قتل دون ماله فهو شهيد، ومن قتل دون أهله فهو شهيد، ومن قتل دون دينه فهو شهيد، ومن قتل دون دمه فهو شهيد
29.
عضو قديم رقم 332593
22:12:12 2015.06.19 [مكة]
مؤسسة مهندس التصميم ت :0508425480 نقوم بأعمال التصميم والإشراف والإستشارات الهندسية والرفع المساحى
30.
عضو قديم رقم 332593
21:58:53 2015.06.29 [مكة]
مؤسسة مهندس التصميم للمقاولات للإستشارات الهندسية 0508425480
31.
عضو قديم رقم 422380
08:19:00 2015.07.02 [مكة]
انت شريتها كاش او عن طريق البن