| جميع الحقوق محفوظة © دار تقنية المعلومات IT Dar |

وقفة رجل شهم و انقاذه لعائلة

وقفة غلاب الحربي وأنقاذه للعائله‬

القصه كما وصلتني من صاحب العائله

قصه واقعيه حدثت لي !!!!
يوم الاثنين ليلة الثلاثاء مريت في وقت عصيب ومريب وخوف مرعب انا وعائلتي طالعين من قبه الساعه 1:30لليلآ والعائله تتكون من 4بنات وأمي وطفلان ونستقل سياره من نوع يوكن وقفنا عند محطه لنزود باالوقود وقف خلفي كابرس من نوع حديث ابيض اللون وبجانبي كامري 2006 اللون كشميري ونزلت للبقاله اخذ بعض الحاجات اناوأهلي ومرمن امامي صاحب هونداء كورد اللون اسود ونزل للبقاله ياخذ بعض حاجاته وهواكيد وتأكد من سيارتي يوجد بداخلها عائله وبعد تقريبآ عشر دقايق حركنا انا وعائلتي متجهين لحفرالباطن على طريق قبه ساموده وحرك الكابرس والكامري خلفي الآن ثلاث سيارت اناوهم والخط فاضي وبعد ماتعديت قبه حوالي40كيلوا قاموفي ملاحقتي والتكبيس باالأنوار دخلني الخوف والرعب وزت باالسرعه وزادوويحاولون توقيفي باالقوه الجبريه ولاحظة عدة دقايق إلافيه سياره رابعه إلاوهو صاحب الهونداء السوداء ولاحظ فيهم الاشتباه انهم يقومون باالحد ويحاولون صدمي واوقافي وطلع صاحب الهونداء الكورد بيض الله وجه وجه من رباه وجعل عظامه للجنه وقام باالتجاوز صحراء الآن السرعه على 180وواحد خلفي وواحد بجانبي واجبروصاحب الهونداء باالتجاوز صار الآن صاحب الهونداء امامي زاد خوفي وماتوقعت يطلع هذاءالشاب في فك اسري ورعبي وخوفي اناواهلي وبدواهلي في الصراخ والبكاء وانااستغفرربي واتعوذ من الشيطان لاكن طلع صاحب الهونداء الفارس الشجاع الرجل الشهم وقام في حدهم كلن من صاحب الكابرس والكامري باالقوه الجبريه وجاء فرجي بعدالله ثم بعد صاحب الهونداء كورد واوقفهم عند حدهم باالقوه الجبريه وفتحلي الخط من قبل ساموده لين دخلت محطة الورده الشاميه وصاحب الهونداء خلفي ونزلت ونزل وقالي عب بانزين وناوراك لحدالبيت الواقع في حي الخالديه واجبرته على معرفته لان معرفته تشرفني انا

ويدعى /غلاب خليف ابن مرغاء المخرشي الفريدي ونعم في الفرده وعاداتهم فعل الطيب والنوماس لولاالله ثم فزعت الفريدي رحت ضحيه لهؤلا قطاعين الطرق اناوعائلتي لأنه فعل بطولي وانتحاري يتجاوز صحراء على سرعه 200من أجل عائلتي وبيض الله وجه هذاالشجاع نفتخربه وانااقول صاحب العائله انصحه لايسافرفي الليل خاصتآطريق قبه ساموده لانه قطعه وطريق مرعب .

أخوكم صاحب العائله،


بعد هذا الموقف البطولي من غلاب الفريدي قال الشاعر سلطان

الوسيدي هذة القصيدة
سلام ياغلاب راع المواقيف
يلي على الفزعات حرزً مكيني
ماقولها مجامل ولاهو بتزييف
لعل مثلك بالعرب واجديني
والله لوانك من ورا شاطي السيف
لاجيك واتصافح يمينك يميني
سلام مثلك ياابيض الوجه تشريف
يلي اليا جاء كل ماقف تبيني
وارفع لك الاعلام فوق المشاريف
وافخر واسولف بالوفاء كل حيني
انقذت لك رجال في وقتً مخيف
في ساعتن فرحوا بها الذاهبيني
اهل الخنا والشر سود الاطاريف
واهل الفجور ولابهم مسلميني
حديتهم بالغصب حداً على الكيف
والكل منهم طار عنه اليقيني
حربي ومن ربع الوفا والمعاريف
العزوه اللي كلهم طيبيني
عيال راشد لاسطى السيف بالسيف
ابشر بنصرن يفرح الغانميني
من روس حرب وحرب من غير تعريف
تاريخهم معروف طول السنيني
اهل الثلاث اللي بروس المشاريف
اللي بها كل العرب عارفيني
الشاعر
/ سلطان عبدالله الوسيدي
14-11-1435

#وقفة_غلاب_الفريدي_وأنقاذه_للعائله

كل الردود: 6
1.
04:32:27 2014.09.13 [مكة]
رحم الله والديه وجزاه الجنة ولد الاجواد وهذا رجل به مروءه ونصيحة من اخوك اذا نويت السفر خذ معاك سلاح واحتزم فيه وهو بعد حفظ الله أمان ومصدر خوف لكل من تسول له نفسه الله يحفظك انت وأهلك من كل مكروه والشاعر قال ووفى وصح لسانه وغلاب يستاهل كل خير
2.
09:20:04 2014.09.13 [مكة]
الله يجزاه خير ورحم الله والديه وبيض الله وجهه والحمد لله على سلامة العائلة ويسلمكم كلكم انتم وأهاليكم شكري لصاحب الموضوع
3.
12:24:44 2014.09.13 [مكة]
هالنوعيات من اللي طاردوك لاتغرك ,, اجبن منهم مافيه على وجه الارض , قسم بالله لو اطلقت عليهم طراطيع اطفال وسمعو صوتها مايبقى في واحد منهم روح
4.
12:38:37 2014.09.13 [مكة]
الله يجزاه خير ويرحم من رباه على الصلاح وبعدين ياخوي معك عايله لنفرض انها تعطلت هالسياره بهاالمكان المقطوع لوماجاب الله هالاجودي بنشرمثلاوش يصيربحال العايله الدرب مثل ذا ماينمشي الابالنهار والامعك سلاحك الله يسترعلى اعراض المسلمين وبكل تاخيره خيره .وحده ونص باليل الله يسامحك
5.
عضو قديم رقم 95545
13:04:43 2014.09.13 [مكة]
لولا ان الي حصلت معه القصة هو الي يرويها كان ما صدقتها معقولة صارت بلدنا بهالشكل يخاف الواحد على نفسه وعلى عياله وهو يتنقل فيها من بلد لبلد
6.
11:44:30 2014.09.14 [مكة]
يا ماهر 32 انا برابع عيد الفطر طلعت انا وعيالي من الجنوب متجهين لمكه ناوين على العمره ويوم وصلنا ميقات السعديه ( يلملم ) حوالي الساعة 1 بالليل ونوينا العمره حركنا متجهين لمكه ،، طبعا من الميقات لمكة حوالي 130 كم والطريق خط واحد رايح جاي وهذا اللي مستغربه !! لاني من يوم طلعت من ابها الى الميقات طريق مزدوج وووسيع ،،، المهم مشيت بالطريق هذا وطبعا حتى محطات بنزين ما فيه طبعا عديت تقريبا 50 كم وفجأه طلع وراي سيارة مدري متى جت شكله كان يمشي والنور طافي المهم انا ماشي على سرعة 140 ومعي زوجتي وولدين صغار السيارة اللي وراي جاي بيطوف وطافني وكاني لمحته يناظر فيني المهم وهو طايفني الا ويدق اشارتين يمين ويسار اكثر من مره وثم بعد ذلك زاد بسرعته وجنب على جانب الخط ووقف وطفى انوار سيارته انا استغربت بصراحه عن حركته هذي ولكن بعدها على طول لقيت واحد جاي من وراه وكل ماله يقرب مني ويقرب مني ولا يتجاوز ولا يعمل اي بس يمشي وراي وهو قريب يعني حتى مو ملحم هنا بديت اشك واتصلت على امن الطرق وكان ردهم سيئ جدا الا وهو اني انا خواف وانه انتم كلكم تخافون ويقول بعد دق اشاره للي وراك خله يطوف او اشر له شوف وش يبغى !!! بالله عليكم هذا تعامل من رجل امن طبعا يوم قلي هذا الكلام انصدمت ولعنة ابو ابو اللي جابه وقلت له اسمي بالكامل وتفلت على وجهه المهم الان الخط فاضي ومافيه الا انا والرجل اللي يمشي وراي وصار ملحم الصدام بالصدام واخوكم في الله ما معه سلاح وزوجتي قربت تنهار ما هي مصدقة بهذي اللحظه قلت لو زدت سرعتي راح يكشف اني خايف وراح يزيد سرعته وراي والخط ما يسمح وانا مبطي من الخط هذا ،،، وإن خفضت سرعتي او اشرت له اكيد راح يطلب مني اتوقف ،،، بالاخير قلت يا ولد ما لك الا تبقى على نفس سرعتك حتى يشك بنفسه ويوسوس ويقول وش هذا اللي ما فكر فيني اكيد معه سلاح .. وبالفعل جلس يمشي وراي حتى وصلنا نقطة تفتيش اسمها الشعيبه قبل مكه بثلاثين كم ولكن قبل ما نوصلها تجاوزني بسرعه ووصل قبلي لنقطة التفتيش ومشى وراح وكانه فص ملح وذاب وصلت بعده التفتيش واصلا ما كان بالنقطة الا اثنين وكلهم رقود بالغرفه. هذي القصة صارت لي ووالله العظيم اني وقتها تمنيت يكون معي كلاشنكوف مو عشان خفت لا بس عشان معي عائلتي ولا لو انا لحالي كان صارت علوم ثانيه. اتمنى من الجميع اخذ الحذر والحيطة والسفر في وضح النهار من مبدأ الأمان . ولكم تحياتي،