| جميع الحقوق محفوظة © دار تقنية المعلومات IT Dar |

وجدت اسمي مسجل بالتأمينات

السلام عليكم

وجدت اسمي لدى مؤسسة التأمينات الإجتماعية

و إلي مسجلني مؤسسة للصيانة السيارت منذ 1432 هجري

و صاحبتها امراة

هل ممكن اشتكيهم و اطالب بنفس الوقت العويضات ؟؟؟؟

أفيدوني جزاكم الله خير

و إلي عنده مشكلة نفس مشكلتي يا ليت تذكرونها بالتعليقات !!!

كل الردود: 12
1.
22:03:36 2015.02.18 [مكة]
على طول ولاتوقف لو توصل للاماره
2.
22:30:36 2015.02.18 [مكة]
طيب بينو الاجرا السليم وين يشتكي ومخرج قانوني لا يخسر قضيته
3.
22:48:20 2015.02.18 [مكة]
الاجراء النظامي اذا ما كنت غلطان 1- التقدم بدعوى لمكتب العمل باسم المنشأة ورقم العامل السعودي ومضمون الدعوى 2-مكتب العمل يتأكد من الدعوى بطب حضور للوكيل وممكن تودية أنت ويمكن يحاول يحلها ودياً على حسب اللي مكتوب بالدعوى مثلاً دعوى تقول فيها ما عطاني رواتب لكن اذا كتبت انهم مستغلين اسمك بالسعودة تكون الدعوى بين المكتب والمنشأة وغالباً ايقاف خمس سنوات عن الاستقدام وانت مالك شيء. عموماً انت مالك اي تعويض ولاتقرب الحرام مهما كان من مغريات أو يكتب أحد ان هذا حقك واستغلو اسمك وهالكلام الي يبون فيه يحللون الحرام و تذكر الجنة والنار رأي المتواضع هم سجلوك في التأمينات اربع سنوات ويدفعون عنك اشتراكات اذا ما كنت متضرر خلك على وضعك لحد ماتلاقى شغل في القطاع الخاص أو العام وبتنفعك انك تقدر تطلع شهادة خدمة من التأمينات وتقدم فيها على المسابقات الوظيفية
4.
23:25:30 2015.02.18 [مكة]
رد رقم 3 صحيح ميه في الميه حصلت معي لو تطالب المؤسسة رواتب المده السابقه لا يحق لك ولا ترد عليك التأميات بل تغرم صاحب المنشأه 5000 الاف فقط ويسقطون عنك جميع الخدمه السابقه وتعاد مبالغ اشتركاتك الى صاحب المنشأه
5.
01:08:29 2015.02.19 [مكة]
بالنسبة للاخ بالرد رقم 3 .. جزاك الله خير ... على الكلام الطيب .. ولكن نقطة انت حرمت حقه في الرواتب واستغلالهم لإسمه ... وهذه جزاك الله خير طيب وش الوضع في استفادته من المدة اللي مسجلينه فيها وهو لا يستحقها ... ؟؟؟ هذا حلال ... يعني ... لا ندخل في فتوى لا نعرف دهاليزها .. نصيحتي لصاحب المشكلة اذا ماعندك مشكلة في تسجيلهم لك في التأمينات خلها الين تتوظف ان شاءالله وغير المهنة وحول على الشركة الجديدة تفيدك بعد التقاعد اما لو انها ضارت الان اقيم عليهم دعوى لانهم اضروك بتسجيلهم لك
6.
02:52:13 2015.02.19 [مكة]
إن كانت الدعوى مثل ما ذكرت : فانا من خلال قراءة للي في النت الإجراءات اللي ممكن تسويها كالتالي : 1- تشتكي عند مكتب العمل ووتطالب بمعاقبة الشركة استغلال اسمك في السعودة العقوبة المتوقعة هي حرمان الشركة من الاستقدام مدة خمس سنوات تقريبا وعقوبة مالية ما تزيد عن 5 آلاف ريال ولا تقل عن الفين . 2- إذا لحقك ضرر فيمكن أنك ترفع للمحكمة بدعوى فوات منفعة أو وقوع ضرر وتطالب بتعويضك عن المبالغ اللي تضررت فيها . 3- إن كان هناك تزوير عقود أو تواقيع أو ما أشبه ذلك فهي لوحدها قصة . الله يعينك ويوفقك .
7.
04:17:07 2015.02.19 [مكة]
كيف لي أتأكد من عدم أستغلال أسمي بالتأمينات هل هناك رابط
8.
11:21:23 2015.02.19 [مكة]
الأخ وسيط2007 كتابتك صحيحه حتى استفادته من تسجيله في التأمينات مهوب من حقة ولاهوب حلال. و انا اعتذر عن ماكتبتة سوى ما كتبه الأخ المحترف حتى تكون الأمور نظامية وتردع غيرهم.
9.
22:07:39 2015.02.19 [مكة]
3. بقلم: azaz454 ردك يدل على عمق نظرتك وتفكيرك ماشاءالله تبارك الله تفكيرك يدل على الوصول لنقطة ( فوز / فوز ) يعني كل الطرفين يخرجون بأقل خساره الطرف الأول صاحب الموضوع يخرج بربح سنوات معاشات تأمينات الطرف الثاني اللي هو الشركه تخرج بدون أن تتضرر من مكتب العمل هذي تسمى اخلاقيات العمل او اخلاقيات الأعمال... البزنس يعني... ولكن راح يظل الطرف الاول صاحب الموضوع المحترم بيلحقه ضرر بشكل او بآخر لأن السنوات ذول راح ينحسبون عليه كسنوات خبره فاذا جا يبغى يتوظف راح يسألونه عن خبرته وبكذا راح ينظر ،،، لأنه بكل بساطه ما عنده خبره في المجال المذكور... وراح يشكون في امره هل هو داخل في سعوده وهميه وبكذا راح تتزعع صورته وسمعته راح تختل... من جانب ثالث ممكن يتقدم لوظيفه يشرطون عدم تسجيله في التأمينات ( ما ادري هذا الشرط لايزال ممكن ام لا ولكن اغلب الظن ان هذا الشرط قديم ولكن وجب ذكره... عموماً اذا انا في مكان صاحب الموضوع ، اللي راح اسويه هو اني اذهب لمكتب العمل ( دااايركككت) وابلغهم عن اللي حصل ،،، طبعاً هذا المسار الـ(ـحلال) عاد وش بيسوي مكتب العمل لا اعلم. يا ليت تدخل على موقع التأمينات وتطبع ما يثبت كلامك قبل تروح لمهم ، واذا رحت فالله يبسر امري وامرك وجميع المسلمين
10.
01:06:39 2015.02.20 [مكة]
9. بقلم: العالم0بين0يديك الله يجزاك خير تفكيري ( فوز / فوز ) كان في ردي رقم ( 3 ) لكن بعد رد رقم 5. بقلم: وسيط2007 تأكدت اني غلطان واعتذرت بردي رقم ( 8 ) وايدت رد 6. بقلم: المحترف طبعاً في ردي كنت اقصد فية الوصول لنقطة ( سلامة / حسارة ) الطرف الأول صاحب الموضوع يخرج بسلامة من اي شيء فيه شبهة حرام. الطرف الثاني اللي هو الشركه تخرج بخسارة من مكتب العمل ( ايقاف خمس سنوات من الاستقدام بسبب السعودة الوهمية ) واحتمال عقوبة مالية طبعاً غير عقوبة التأمينات المذكورة فوق. وقد تتفاجأ بأن بعض اسباب السعودة الوهمية تكون بسبب من يعملون في الشركات والمؤسسات من اقارب و اصدقاء من يجد اسمه مسجل بالتأمينات صاحب المضوع يقدر يروح لمكتب التأمينات ويطبع بيان خدمه + يروح لمكتب العمل ويطبع بيانات العامل السعودي ثم يرفقها مع دعوى لمدير مكتب العمل يذكرفيها انه مسجل على سجلات المنشأة في مكتب العمل والتأمينات بدون علمه . سوف تحال المعاملة لقسم التفتيش بالمكتب وبيحقق معك يعني عنوانك وتأكيد لما كتب بالدعوى يستدعى وكيل المنشأة ويحقق معه و يواجه بالدعوى وأذا ثبت لديهم صحت ما ذكرت يكون مكتب العمل هو ( المدعي ) و المنشأة ( المدعى عليها) يعني انت انتهاء دورك بالتبليغ والتأكد من صحته من قبل المكتب.. تحال الدعوى الى الهيئة الابتدائية والمدعي والمدعى علية يقدمون افادتهم ودفوعهم ثم يصدر الحكم وقد يكون ابتدائي ( يعني قابل للطعن خلال 30 يوم ) واذا طعن أحد الاطراف تحال للهيئة العليا لتسوية الخلافات العمالية وحكمها نهائي أو يكون نهائي ( غير قابل للطعن وينفذ) ....هذا حسب علمي قبل 5 سنوات ويمتكن تغير ويمتكن ماتغير والله أعلم
11.
09:47:08 2015.02.20 [مكة]
أحتسبها صدقة لوجه الله وانسى الموضوع
12.
14:38:41 2015.03.01 [مكة]
حلوة ذي احتسبها الا خلهم يتربون اصحاب السعوده الوهمية