بسم الله الرحمن الرحيم ياجماعة الخير يمكن موضوعي انطرح من قبل بصورة تقريبية او مشابهه لكن بجد بجد الوضع ماعاد يحتمل مع ارتفاع الاسعار هذا الملحوظ بشكل جنوني وخرافي في بعض القطاعات .. المواشي ارتفاع بالاسعار المواد الغذائية ارتفاع بالاسعار الايجارات ارتفاع بالاسعار العقارات ارتفاع بالاسعار بشكل خرافي الاراضي ارتفاع بالاسعار بشكل خرافي العمالة ارتفاع بالاسعار على الصعيد الحكومي والفردي الوكالات ارتفاع بالاسعار وغيره وغيره وغيره طيب السؤال اللي يطرح نفسه !! إلى متى !؟ يعني صارت الناس لا اله الا الله ودها تاكلك وانت حي والواحد اللي راتبة 10 الاف كن راتبه 10 ريال قدام هذا البركان والموج الجارف بالاسعار والغريب بالامر ان الحكومة ساكتة ولا كنها تشوف وتعبر وهي نفسها مو مقصرة ارفعت اسعار الاقامات والرخص والمخالفات وغير الربا اللي مو مقصرين فيه المرور ولا كنهم يسمعون الناس تصرخ ربا وحرام وخافوا الله (على ما قيل اذن من طين واذن من عجين) .. ياجماعة الخير ارحموا من في الارض يرحمكم من في السماء وين القديمين الطيبين اللي يقولون الناس للناس والكل بالله ولا هذي اصبحت مقولة اثرية تاهت مع هبوب الرياح ؟ واللي حالته صعبه ومتوجع من كل جنب يروح للبنوك اللي تقولك هلا ومرحبا من قبل تدخل الباب ولا دخلت مع الباب يطحنونك مثل ما يطحنون الحب يعني كأنهم يقولون لك وانت جاي الله لا يهينك مر على اقرب محل وجيب كفنك معاك من يدري لعل الموت قريب ؟ وفوق هذا انمحقت البركة من كل شي لا اله الا الله ماعاد بالفلوس بركة ولا بالاكل بركة ولا بالشرب بركة ولا بالبيت ولا السيارة وغيره ... ان شريت بيت اول ماتدخله وتشوفه تقول يارب لك الحمد وبعد ما تسكن ايام تبدى تطلع لك البلاوي ام اسلاك الكهرب من ابو ريالين اما المجاري عزك الله تسليك حي الله ام السيراميك درجة 3 وعد وغلط ........ والسيارة نفس الشي الوكالات ما قصرت بالغش وصارت الدنيا عندهم تقوله هذا صيني يا ولد يرد عليك وهو بقى شي ما صار صيني ؟ صار الصيني هو الاصلي صح النوم ؟ ... لكن من ورى هاللعبه كلها ؟ من اللي حط كل هالشعب بقدر وجالس يطبخ على نار هادية ويتلذذ فيه واللي يفجر مرارتي صدق ويجيب لي الصداع النصفي لا طلعوا لنا هالمسؤولين على هالبرامج التلفزيونيه ومن يسؤلونه عن الشعب واوضاعه بدالك بالسطر المعتاد .. (الحمدلله والفضل لله والشكر موصول لسيدي ومليكي خادم الحرمين الشريفين وولي عهده الامين والنائب الثاني والشعب كله بخير ولا ننكر وجود بعض البطالة لشبابنا وكذلك بعض المشاكل في بعض الاسر انما هذه الرؤية وسؤالها مطروح لدى المسؤولين وقائمين على بناء خطط خمسينية وستينية وتسعينية وسبعينية يعني كأنه يقولك انطر يا .......... لين يجيك الربيع ويكرم من فهم المثل ) طيب وبعدين والى متى ترى وربي خسنا وتعبنا وهلكنا وحنا نقول الصبر ياولد ما عقب العسر الا اليسر وكل تأخيرة وفيها خيرة وقد السبت وتلقى الاحد ومن صبر قدر وعط سداح فرصه ؟؟؟ الا يالليل الاغبر حبيت اشارككم ببعض الاشياء اللي بداخلي مقهور منها بجد وكل اللي اقوله يااااااالله عفوك ورضاك والجنة ولقياك