| جميع الحقوق محفوظة © دار تقنية المعلومات IT Dar |

نزلت الصباح لقيت سيارتي محكوكة ... واعرف الي حكها ...

اسعد الله اوقاتكم

ورمضان كريم

صار معاي موقف ومعرف ايش اسوي .

طبعا شهر رمضان الواحد يرجع البيت متاخر فانا رجعت على الساعه3 ونص الصباح

وطبيعي اغلب الناس في بيوتها .

للاسف مالقبت موقف زين عند العمارة لكن لقيت موقف بين سيارتين جنب العمارة .. موقف عادي يميني كانت سيارة

ساكن بالعمارة الي انا فيها مصري كبير بالسن ودايم مكشر . ماعرفة بسلامته ولا بيني وبينه كلام وساكن مع اولادة في

الدور الرابع .

المهم لما وقفت امس طويت المرايات و تاكدت ان السيارة في السليم

اليوم نزلت الساعه 9 الصباح وجيت بركب السيارة .. لقيتها محكوكة من الناحية الي كان المصري واقف فيها

وطبعا الاخ سيارته ونيت حقت الشركة الي بيشتغل فيها

والوقت 9 الصباح وشمس ومتاخر على موعدي ...

جبت بخاخ ونظفت اثار الحكة لكن في طعجة في الرفرف صعب اصلا تتعدل ..

المهم ايش اسوي انا في هالحال

السيارة جديدة ... والوقت كان ما يسمح ... والمصرين تعرفون ذمتهم وسيعة ...

جا ببالي لو اكلمة بيقول مو هوه ..

ولو حبيت ارد له الظرر في سيارته رمضان كريم واخاف اكون ضالمة .

فياريت اعرف ايش تنصحوني فيه

كل الردود: 8
1.
12:04:07 2016.06.22 [مكة]
هلا وَغلا فيك أخوي مساء الخير أفضل الخيارات إنَّك تقول: ( حسبي الله وَنعم الوكيل ) في المتسبَّب 99% من كلامك إنت شاك في المصري .. لكن 1% يمكن مايكون هو المتسبَّب .. هذي ماتشفع لك .. رمضان كريم .. وَالله يعوَّضك خير .. وإنت إنسان إن شاء الله قلبك طيَّب .. وَالعفو عند المقدرة .. وَياليت ماتعمَّم على سعة الذمم .. لإنَّك كيذا تكون بهَّت كم مليون نسمة من إخواننا في مصر .. فيه مصريين قمَّة في الأخلاق وَالخوف من الله تعالى .. وَأصابع يديك مو متساويَّة .. وَحاول دائماً يكون لك موقف خاص بعيد عن السيارَّات وَزحمتها شكراً جزيلاً لكَ
2.
12:23:53 2016.06.22 [مكة]
مافي حل واضح و صريح مالك الا توكل امرك الى الله او تبحث في سيارات ساكنين العماره عن خدش في المكان المتوقع وجود الخدش فيه و اذا لقيت بلغ الشرطه و قول لهم السالفه هاذا ممكن يجحد لاكن راكبته راكبته اذا ما معه تقرير حادث على المخش الصغير هاذا و سولك موقف خاص حط صبات او عامود صبه و اربطه بسلاسل على شان تلقا موقف يومي و واسع ولا يمخشون سيارتك ممكن كم واحد في العماره يحتج لاكن قله وش دخلك خصوصا اذا كانو اجانب ما يتكلمون اما السعودي بيناطحك و خله يناطح نفسه و بيسكت
3.
12:28:14 2016.06.22 [مكة]
السلام عليكم ورحمة الله وبركاته أولا : ليتك ما عممت أخوي وقلت (المصريين تعرفون ذمتهم وسيعة) إنت تخشى إنك تظلمه في هالشهر الكريم ولكن بالجمله هذي قد تكون ظلمت ملايين . تراجع عنها الله يسعدك واستغفر ربك ثانيا : بخصوص موضوع الحكة , اذا موقفك غلط أو غير صحيح فإنت تتحمل نتيجة الوقفه "وانا مقدر وضعك من ناحية مافي مواقف والله كلنا نعاني هالمشكلة والحمد لله" ثالثا : خلينا نحسن الظن ونقول حكّها بدون مايدري أو حكّها بالغلط أو نفترض إنه مو هو حكّها ممكن يكون طلع من الموقف وجاء واحد بعده ولو دقيقه وقف مكانه وطلع فلا نظلمه ونحتسب الأجر عند الله رابعا : إذا حبيت تريّح داخلك تقدر تفاتحه بالموضوع بكل هدوء للاستفسار فقط , تقول له أنا كنت موقف جنب سيارتك أمس وصحيت لقيت سيارتي محكوكه فهل الحكة منك والا من غيرك لأن عندي اكثر من احتمال فمو حاب أظلم أحد في هذا الشهر الكريم وشوف وش يقول وشوف وين توصل معاه لكن أهم شي بالهدوء والسهاله وكل خير موفق
4.
13:52:48 2016.06.22 [مكة]
شكرا على كل من مر .. وانا فعلا عند كلمتي .. المصرين ذمتهم وسيعة .. لكن نسيت وجل من لا يسهو اقول لكم . الا من رحم ربي .. في منهم من ينحط على الجرح يبرى . لكن انا اتكلم من واقع مع الجار دايم مكشر ويوقف وقفات تقفيل على ناس في السكن ووققات غلط وكم مرة اكلم الحارس يقول لي هذا مصري كبير بالسن و اخلاقة دايم قافلة . وماعرفة بسلامته لانه ساكن جديد . الي صار اني اتصلت على نجم وجا عمل تقرير ضد مجهول ويقول اصلح على حسابي بالتامين الشامل .. والي دق السيارة سواء كان هو او مو هو .. حسبي الله ونعم الوكيل . وعساها خيرة ... وتعرفون الواحد يصحى من النوم متاخر عن العمل ويطلع يلقى شي ينفرز في انتظارة و شمس .. الله المستعان . انا ما قاهرني الا ان السيارة موديل السنه و كافيها الي فيها و ناوي ارجعها للشركة . كل شوي يطلع لي شي
5.
02:58:03 2016.06.23 [مكة]
قول حسبي الله ونعم الوكيل لي فقط مداخله عن ذمم المصريين شوف ياعمده لي مع المصرييين سنين والله فيهم ناس تحطه ع الجرح يبرى نعم الاخوه نعم الوفا شانهم شان البشر فيهم الصالح والطالح احتسب وتوكل لان لو نويت الضرر بسيارته هو او غيره هل سترجع سيارتك مثل اول لا والله بالعكس ازداد قلبك الم لانك سيجي يوم تتمنى لا عملت هالشي احتسب وتوكل ويعوضك الله خيرا
6.
15:08:47 2016.06.23 [مكة]
الله يعوضك خير ان شاء الله على قولتك صلح على حساب التأمين ضد مجهول وربك بيعوضك راح ياخذو منك قيمة استقطاع (حسب الوثيقة ) ويسمونه بعضهم "فتح ملف" شركات تاخذ 300 ريال وشركات 500 ريال وشركات أكثر , شوف كم نسبتهم قبل ماتصلح عليهم وشوف كم قيمة التصليح برا احيانا يكون أقل برا خصوصا لما يكون مبلغ الاستقطاع عالي 1500 والا 1200 ريال , الا اذا تبي تصلح وكالة على التأمين مو خسارة موفق
7.
15:23:06 2016.06.23 [مكة]
يعنى جاء جنى فى اليل وشال صيره المصرى ووقف سيارته جنب سيارتك وحكها ياخى واضحه وانا انصحك خل اخر اليل وددش قزاز الخرده اللى راكبها الله اماانى صايم......خلك زلمه بطل قبضاى يعنى مع تحيات فاعل خير
8.
13:24:13 2016.06.26 [مكة]
اسمح لي اخوي انت ذكرت انك طويت المرايات معناه انك كنت حاشر الادمي وماقدر يركب سيارته إلا بصعوبة اكيد ان كان هو فهو مخطي لكن لاتنسى انك تسبب بمضايقته