السلام عليكم بدون ماأطيل عليكم حصل بيني وبين واحد حادث وصار اختلاف بالاقوال وعليه حطوا النسبة 50% على كل شخص اعترضنا كلنا ع النسبة بالاخير كتب على اوراقنا المقدم رئييس المرور تحويل للشرطة للتحقيق فجأه الطرف الثاني يوم رجعنا لرئيس شعبة الحوادث قال انا بتنازل وطالع فيني وقال عساها بذمتك ليوم القيامه وانا ماني فاضي مراجعات انا عندي عمل ومراجعات لاهلي وعيوا لايخلوني اكمل اعتراضي ع النسبة الزبدة يااخوان الذمة وماادراك ما الذمة والله ثم والله انه هو الغلطان وانه جايب سالفة غير عن اللي صار يوم شفته حطها بذمتي بالطريقة الدراميه اللي قالها انخرشت طلعت من المرور والله قعدت حوالي ثلث ساعه بسيارتي مغمض عيوني وخايف لايكون ظلمته ولو بنسبة 1% واعيد سيناريو الحادث اكثر من مرة لعل وعسى نسيت شي والله يااخوان ان الغلط راكبه 100% وحتى بالنسبة قلت للمقدم حتى بالنسبة ابغى اعترض يقول انا اعلى سلطه هنا واقول لك 50% عليك قال عندنا نظام من المرور عند اختلاف الاقوال 50% على كل شخص مارايكم باللي صار معي يااخوان هل فيه ناس زي كذا من ناحية الذمة؟؟ تصدقون يااخوان ان كلها حكات بالبوية وتكلفتها حوالي 300 الى 500 لكل سيارة؟؟؟ ))