| جميع الحقوق محفوظة © دار تقنية المعلومات IT Dar |

مفتاح خزنة ( تجوري ) الوالد ضاع كيف الطريقة ساااعدوني ارجوكم

السلام عليكم ورحمة الله وبركاته

ضاع مفتاح الخزنة حقة الوالد وقبلها ضاع المفتاح الاول

كيف الطريقة ساعدوني

المشكلة في اشياء مهمه وتوقفت امورنا
مع العلم اننا في محافظة تبعد عن الرياض 150 كيلو

ارجوكم ساعدوني

كل الردود: 17
1.
عضو قديم رقم 355371
13:43:48 2014.08.07 [مكة]
روح بلغ الشرطه يجيك عسكري يعاين الموقع ويعطيك ورقه على ان الخزنه لك بمواصفاتها واسمها وحجمها بعدين الله يعينك تشيلها في سياره وتروح لمخارط الحديد واغلبهم بيقول لك ما نقدر... بس بتلاقي باذن الله لف الصناعيات كلها سواء القديمه او الروضه او اي صناعيه والله ييسر لك امرك وبعدين اشتري ام فرار احسن لك
2.
عضو قديم رقم 113340
16:30:16 2014.08.07 [مكة]
هذا ما يجعلني متردد في شراء خزنه لكن هذه حجمها كبير على ما يبدو اي الخزنات افضل واسهل في حال فقدان المفتاح هناك خزنات برقم سري بالاضافه الى المفتاح بحيث اذا فقدت الرقم السري او المفتاح تستطيع استبدال اي منهما لفتحها . لكن ايهما افضل و اخف من حيث الحجم للمستندات فقط . وين في الرياض غير محلات ساكو و اكسترا حيث لديهم انواع غير مناسبه ومحدوده .
3.
16:54:47 2014.08.07 [مكة]
خذها للدفاع المدني يفكونها لك
4.
16:55:16 2014.08.07 [مكة]
عليك بالوكالة اللي اشتريت منها ممكن يصدر مفتاح جديد من المصنع
5.
عضو قديم رقم 113340
17:06:57 2014.08.07 [مكة]
هل كسر القفل سهر اذا كذلك اكسره وريح نفسك او ابحث عن زميل او من خلال المعارف بالتأكيد يعرفون احد لديه محل مفاتيح يحضر ويفتح الخزنه
6.
17:38:15 2014.08.07 [مكة]
عزيزي ماجد خذ العلم مني قبل فترة قريبة ضاع مفتاح الخزنة اللي عندنا بالعمل رحنا لمحل المفاتيح وأنصحك بالشايقي وأعطيناك نوع وكل المعلومات المكتوبة على الخزنة وكتبوا خطاب للشرطة فيه كل المعلومات وسلمت له طبعا هو جاء ومعاه مفتاح يدخل في فتحة المفتاح لكن غير مقصوص ومعاه مبرد ومقام يحرك المفتاح ويسمع الأصوات ويطلعه ويبرده حسب الصوت طبعا هنا تجي الخبرة وبعد ربع ساعة فتح لنا الخزنة وبالتوفيق
7.
عضو قديم رقم 332641
17:38:18 2014.08.07 [مكة]
يا خوي روح لمحلات تاجير معدات البناء وخذ لك صاروخ واقطع ابو مفاصل الخزنه واشتر بدالها وحدة جديدة ترى الخزناة اسعارها رخيصة قيمة تصليح مفتاح جديد بقيمة خزنه جديده
8.
19:16:54 2014.08.07 [مكة]
^^^^ المفاصل الخارجية للحركة فقط عند الفتح أما القفل الرئيسي في الداخل عبارة عن مجموعة من الاعمدة تعشق في الجدار الداخلي والوصول لها بالصاروخ مستحيل
9.
21:42:34 2014.08.07 [مكة]
حياكم الله .... كل من أصحاب الردود أعلاه مصيبون فيما قالوا .... ولي رأي آخر. إذهب لصاحب تصليح مفاتيح وقل له لدي خزنة ، وأثبت له ما بداخلها من أثباتات تثبت أنها لك ، وسيذهب معك فوراً ... قد يأخذ 300 أو 400 ريال ، وإذا بعيد عن المديمة ربما 500 ريال ... الإشكالية فقط أن تثبت أنها لك وأعتقد ما دامت في منزلك فإن هذا المسألة ليست بالعسيرة .... وفقك الله
10.
عضو قديم رقم 332390
22:16:30 2014.08.07 [مكة]
الخزنة هذه يأتي معاها اربع مفاتيح ابحث عنها قد تجدها عند الوالد فقد يكون احتفظ بها في مكان
11.
14:38:02 2014.08.08 [مكة]
الله يجزاكم خير ويرحم والديكم ماقصرتو اما بخصوص فتح الخزنه بصاروخ او مخرطه فهذه مستحيله واما الاسبير مافية الى 2 وضاعت من الشايب الله يطول بعمره شكل مافية الى الشايقي
12.
14:50:09 2014.08.08 [مكة]
الله يعينك اللين تلاقي حرامي خزن .. :) يفكها لك ويريحك مالك الا الشايقي .. بس اعمل الاجراءات الحكومية اول مثل خطاب الشرطة عشان يعرف انها لك رسمي
13.
عضو قديم رقم 346131
15:02:29 2014.08.08 [مكة]
وش درانا انك صادق ؟؟ يمكن تبي تفتح تجوري ابوك بدون علمه ؟؟ معليش بس شاب الراس من قصص مثل هذي الي ذبح ابوه والي ذبح امه الله يكفينا الشر الجسل الحالي لا ثقه فيه بصراحه ؟؟ راح جيل 1300
14.
17:47:42 2014.08.08 [مكة]
طالما ان كل الحلول اللى ذكرها الاعضاء عن طريق الشرطه ..مافيه مشكله اخوي نجدي هم يتثبتون من أكيد
15.
22:55:18 2014.08.08 [مكة]
اقرب محل اثاث منزلي يقدر يساعدك بوجود والدك طبعا
16.
23:30:38 2014.08.08 [مكة]
حصل لي نفس الموقف منذ سنة , ارسلت لشركة المصنعة الرقم النسلسلي للخزنة وطلبت مفاتيح جديدة وخلال اسبوع وصلت المفاتيح عن ظريق DHL يجب ارفاق فاتورة الشراء من الوكيل مع الظلب
17.
15:57:10 2014.08.09 [مكة]
الله يجزاكم خير بخصوص الي يقول اني بسرق لا يوجد اي اجراء باخذه الى بورقه من الشرطة وبامر والدي الله يطول بعمره الله يجزاكم خير