| جميع الحقوق محفوظة © دار تقنية المعلومات IT Dar |

مظلوم بالوظيفة

بسم الله الرحمن الرحيم

انا موظف حكومي صار لي بالوظيفة 3 ثلاث سنوات ماخذت دورة خارجية او داخلية مع اني الحمد لله موظف رسمي

وخريج كلية تقنية غيري ياخذون دورات وخارجية بعد وانا ماخذت شئ بسبب عنصرية اللي يعطي دورات مدري كيف اخذ

حقي كيف اشتكي من حقي كموظف حكومي اخذ دورات وانتداب ليه غيري ياخذ وانا لا من مر بمثلي مظلوم بوظيفتي

حسبي الله ونعم الوكيل

كل الردود: 6
1.
20:48:58 2015.03.02 [مكة]
الله يرزقك من واسع فضله اجل كيف لوصار معك مثل قضية المعلمين والمعلمات اللي كثير من الناس يعلق عليهم ومايدرون ان بعضهم تم حذف 5سنوات من الخدمة وثمان علاوات مثل معلمات 1416 المفروض الان لهم اكثرمن 20سنه محسوب لهم خدمة 15 وراتبهم اقل من المستحق 25% يعني مخصوم منهن 4080 ريال وصاروجدات ولاييسمح لهم بالتقاعد وبعض المعلمين رايح منه سنه ونصف من الخدمة لم تحسب وراتبه ينقص عن المستحق1530 ريال ولالهم خارج دوام واقل شهر 150ريال تصوير اوراق خاصة المعلمات وقطات لتظبيط المدرسة ولازم تشتري وسائل تشرح عليها وتشتري هدايا للطلاب واصعب مهنة تسمح باكمال الدراسة بل شبه مستحيل يفرغونك واخرتها يضربونك لكن الحمدلله الحمدلله الحمدلله الذي اعانني على نفسي بطلب التقاعد المبكر
2.
عضو قديم رقم 214261
21:59:30 2015.03.02 [مكة]
ذكرتني بعصابة كانت عندنا خارج الدوام لهم والانتداب لهم والسرقات لهم مؤسسين جمعية قسمة ونصيب... لكن الايام سريعه منهم من احيل على مزبلة التقاعد ومنهم من ينتظر
3.
07:17:53 2015.03.03 [مكة]
عندنا وعندكم خير .. في البداية اشير اليك بقول : حسبي الله ونعم الوكيل فهو عز وجل حسبنا وهو نصيرنا وإليه نوكل امورنا ... ثانياً : للأسف اخي النظام متهالك خاصة نظام الخدمة المدنية فلا اساس قوي يُسند عليه فالدولة تمنح المؤسسات بالملايين ولكن للاسف .. انعدم الضمير عن الكثير .. والظلم تفشى بين الادارات .. ولكن ما باليد حيلة الآن .. الا ان نحاول ان نطهر عقول هذه الادارات المريضة فللأسف .. هُم جُبلوا على ذلك وعلى هذه الطريقة ف ورثوا كسلهم و ظلمهم وافترائهم للاجيال التي بعدهم .. ولكن تذكر .. انه ( حالياً ) يوجد اصطدام مابين حضارتين او مثلما يقولوا جيلين .. ف جيل اليوم لا يسكت عن حقة ابداً .. ومتوفر لهم كل الوسائل اللازمة لفضح هذا الفساد والدولة اليوم تدعم الشباب وتساندهم وتنصرهم في قضاياهم .. ولو ركزنا قليلاً لوجدنا كم من مفسد فٌضح وتم معاقبته من الدولة مباشرة .. لذلك جيل اليوم من الصعب جداً تركيعه وهذا اانت تضع مشلكتك علناً .. وبل تطالب بحقك مثل غيرك .. وتأكد انه سوف تأخذه منهم فلا يضيع حق وراه مطالب ابداً .. ولكن اجعل الحكمة دليلك ولا تتهور واحسب حساب لكل كبيرة وصغيرة وتعامل مع الموضوع بالصبر وان شاءالله تأخذ حقك ..
4.
11:07:41 2015.03.03 [مكة]
اخي الفاضل .. وطن نفسك .. ولا تتوقع أنك الوحيد في هذا الوضع من لا يخاف الله كثير .. وتمسك بالصبر والسعي في طلب حقك ولكن لا يؤثر ذلك على نفسيتك حيث أنه ( لا أحد يستاهل منك ذلك )
5.
عضو قديم رقم 389057
12:48:08 2015.03.03 [مكة]
وش هالردود الكئيبة يا اخوان اللي بيكتب يكتب شي ايجابي مو يزيد الرجال حلطمة ! ياصاحب الموضوع ابسالك سؤال ! انت فكرت تتكلم مع مديرك بهالمسألة ؟ رح واتكلم معاه شخصيا وقل له الموضوع من طقطق لسلام عليكم واساله ليش مانتدبت وماخذت دورات, هل فيني سلبيات او نقاط ضعف , خله يقولك عليها, اما اذا جاوبك جواب غير مقنع قله انك ماقتنعت بجوابه وخذ حقك. صدقني انا مدير ويحرجني الموظف اللي يعرف حقه ويطالب فيه ومااقدر اقول له لا !! بس تكلم ياخي لاتجي تتحلطم وتحط صورة مظلوم وحركات مبزرة !!
6.
00:05:23 2015.03.05 [مكة]
5. بقلم: bsowayan الردود ليست سلبية وحلطمة كما تفضلت .. بل واقع نثره الاعضاء لصاحب المشكلة ... ولاتنسى ان المدراء اصناف .. منهم من يخاف الله ويتقيه ويحاول قدر الامكان ان ينصف الموظف وبعضهم للاسف ان طالبت بحقك منه .. تسلط عليك ..