| جميع الحقوق محفوظة © دار تقنية المعلومات IT Dar |

مطعم بالرياض بإطلالة مميزة واجواء اسرية رائعة

السلام عليكم ورحمة الله وبركاته
الاخوة رواد مستعمل

إن شاءالله تعالى الاسبوع القادم سوف يزورني والدي ووالدتي في ( الرياض )
وودي اعزمهم في مطعم راقي وبإطلاله مميزة ويكون مفتوح ويشرح الصدر ..
لا يهم التكلفة للعشاء او الغداء في المطعم .. بقدر اني ابيه يكون مميز جداً وراقي ويشرح الصدر ويروق البال

لانه ماودي نروح المطاعم العادية ( طاولات ) وزباين وخلاص ... ولا ودي اجيب عشا للبيت روتين ..

فعلاً اللي في بالي يكون مطعم في صالات مفتوحه وفيها شلالات وإضاءة ..
او يكون على منظر طبيعي اشجار وخلافه :)


عارف اني تقريباً احلم ولكن بالتأكيد اهل الرياض ومرتادي المطاعم فيها ممكن يعرفوا مطاعم على نفس النهج ..

كل الردود: 7
1.
23:18:10 2015.04.28 [مكة]
فوال الافراح او كبده الحله ههههه عندك الكوره في برج الفيصلية
2.
عضو قديم رقم 114509
23:27:59 2015.04.28 [مكة]
الشيبان مايحبون اجواء المطاعم بالاخص الراقيه ماياخذون راحتهم فيها ولا يعجبهم جوها ضبطلك طلعه للبر وصدقني بتعجبهم واذا صامل عندك الهوليدي ان الازدهار فيه مطعم مفتوح جميل جدا وجلساته رايقه او فندق الي بعد مخرج8 باتجاه المطار على يسارك ...نسيت اسمه فيه جلسات خارجيه حول المسبح اجوائه مبدعه واكلهم ممتاز ومطاعم الفنادق بشكل عام تلبي طلبك
3.
02:23:59 2015.04.29 [مكة]
1. بقلم: الصداوي ههههه اما فوال :) الكورة هذا كيف وضعه .؟؟؟ 2. بقلم: mohgam صادق الشيبان ما يحبوا المحلات بشكل عام .. ولكن طلعت البر في هالوقت ماتنفع بصراحة حر والجو غبار و والدي ووالدتي مايتحملوا التراب والعج وغبار :( الله يرفع عنهم وعن مرضى المسلمين يارب .. فندق الهولدي ان الازدهار راح اشوف وضعه اذا ممتاز توكلنا على الله .. وبخصوص الفندق اللي على طريق المطار تقصد كراون بلازا الفهد او حاجة زي كذا ... عرفته .. وانا بعد لقيت كم مطعم عن طريق النت بس مادري عنهم : مثل : فخر الدين في الفيصلية . وحديقة الشاي وشاي العصر .. كلهم لقيتهم نفس طلبي تقريباً .. ومايضر يستاهلوا يرحوها كلها :)
4.
07:47:38 2015.04.29 [مكة]
وفقك الله أخي الكريم ووفق الله الجميع خذ العلم: هناك مطاعم راقية للغاية للغاية وللغاية ولكن أسعارها مبالغ فيها بشكل كبير ... فمثلاًبرج الفيصلية مطعم الجلوب إطلالته رائعة للغاية فهو في أعلى قمة البرج ..... إلخ ، ولكن أسعارهم مبالغ فيها مقارنة بالطعام ، الطعام رائع لكن القيمة مبالغ فيها بشكل كبير ... اي أن الشخص الواحد قد يكلف من 300 إلى 500 ريال في المعدل .... وقس على ذلك مطعم في المملكة الدور 77 ... والشخص يكلف تقريباً ما بين 300 الى 400 ريال في المعدل ، وتستطلع الرياض من على الجسر بالمجان أيضاً. ولكن في المقابل: هناك مطاعم جميلة أيضاً وجلسات ممتازة ، وأسعارهم بعض الشيء مقبولة وتتراوح ما بين 120 - 150 ريال للشخص الواحد بنظام البروفيه المفتوح: فندق الماريوت .... فندق الفيصلية في برج الفيصللة الدور الأول من الفندق ..... الكونتننتال ..... إلخ وبالتوفيق. ولا تعزمني فأنا لست في الرياض هذه الأيام ، وبالتوفيق.
5.
عضو قديم رقم 400806
10:23:56 2015.04.29 [مكة]
نصيحه خذ لك استراحه فيها ثيل وشرحه وحطهم فيها وجبلك طباخ يشوي لك الأكل افضل شي لأن المطاعم هدفها مادي فقط وليس ماذا تشتهي .. والله يطول في أعمارهم ويخليهم لك.
6.
13:33:56 2015.04.29 [مكة]
4. بقلم: TheAdvisor شكراً لك على النصيحة وياخسارة احسبك في الرياض هذه الايام :) تستاهل الطيب والله .. انت من اجمل اعضاء مستعمل واكثر وعي وثقافة ورُقي في التعامل والخطاب .. 5. بقلم: mashal2016 بصراحة فكرة ماهي بشينة :) ثيل و سعة صدر وطباخ مشاوي يسوي لك الاصناف اللي تبيها .. نفس قيمة عشا في مطعم راح احطها في القائمة ويختاروا هم اللي يبووووونه :) تسلم ماقصرت
7.
17:20:51 2015.04.29 [مكة]
ماعندي خلفية كبيرة عن المطاعم اللي تريدها ولكن عندي لك مقترح جميل يوجد شاليهات في الرياض فندقية يعني نظامها نظام فنادق من غرف ومسبح وجلسات وشلالات جدا رائعة وفخمة ولهم حسابات بالانستقرام ومنزلين صور وبالتوتر كذلك مثل شاليهات النخبة وغيرها خذلك شالية وجب لك شيف من احد المطاعم يضبط مشاوي او انت اشتر مشاوي بنفسك وأشوها بالشاليةبما أنكم قليلين ولا يأخذ وقت وجهز اغراضك وحجز المشاوي قبل بيوم او يومين وصدقني انها افضل من 1000 مطعم لان المطاعم اللي تبيها غالية جدا وتساوي تكلفة الشالية بأكمله وكلها ساعة او اقل وانت ماشي من المطعم بينما الشالية فيه تغيير جو وتجيب قهوة وشاهي ومالذ وطاب من انواع الحلا وكرم الضيافة وتجي من العصر