مشكله بيني وبين سلحفاتي

قبل 10 سنوات

السلام عليكم
يااخوان عندي مشكله مع سلحفاتي
لها عندي 6 شهور
اجيب لها اكل اشكال وانواع
اطلعها واحطها ع الطبلون واتمشى فيها بالحاره
اخذها معي عملي 8 ساعات
مظبط لها سرير واصحيها دايما اذا طولت بالنوم عشان ااكلها
فوق هذا كله احسها ماتقدر اللي قاعد اسويه لها
يعني لامسكتها تدخل نفسها داخل قوقعتها
كانها في خطر
لاجيت اهمز رجولها ولايدها تسحبهم علطول
واذا قعدت ماسكها دقيقتين او ثلاث تطلع راسها وتبدا تحرك اياديها ورجلها تبغى الفكاك مني
والله حتى جبت لها ضيوف سلحفاه اكبر منها بشوي حقت واحد اعرفه جلست معها يومين بغيتها تغير جو ولافاد فيها
عصبت منها قلت بنفسي اللي مايقدرني مااقدره
حاولت اقرا بالنت عن اطباعها عشان اتعرف عليها اكثر
لقيت ان السلحفاه الام لاترعى صغارها بس تجيبهم وتخليهم

رحمت سلحفاتي وتعلقت فيها اكثر


وش رايكم؟؟احد عنده خبره او معلومه يفيدني بها؟؟

مشكله بيني وبين سلحفاتي هذي هي
هذي هي
سلحفاتي اللي على اليمين والكبيره هي الضيف
عندك أي منتج؟
الكل: 34
21 34

أجعل نيتك الرحمة على هذا الحيوان

أسأل الله العلي القدير أن تكون سبب لبلوغك الجنة ، سبحان موزع الرحمات بين عباده .

ربما هذا النوع من السلاحف يصعب عليه التأقلم خارج بيئته ، قم بشراء بيت له تجده لدى

المحلات المتخصصة بتربية الحيوانات ، كالصندوق الصغير فيه حجارة صغيرة وبركة ماء .

موفق يالطيب.

عضو قديم رقم 191561
قبل 9 سنوات و11 شهر
22

الله يوفقك عسى الله يرحمك

كلش الا سلحوفه لا تزعلها .

طيب ياخى بطل تهمز رجولها
ههههههه

مرا مهتم فيها
يمكن هذا طبع السلاحف
إذا كنت تبحث عن الي يقدر اهتمامك ويتجاوب معك دور غيرها
من الحيوانات الأليفة
مثل القطط و الطيور والوبر وغيرها

محد فاهم صاحب الموضوع
الرجال ذايب في حب السلحفه الله يصبره

الله لا يبلانا .والمصيبه اللي حلت !!!!الا وايش رايك توديها الملااااااهي

أهنئك على التصوير الاحترافي

والله يرزقك بر ابناءك ويسخر لك من يخدمك ومن يرحمك اذا أصبحت شيخ هرم يمكن السلحفاة ترد لك المعروف وتجي تهمز رجيلاتك

افعل المعروف وأرميه بالبحر

روح سوق الحمام واشتر لك مجموعه من السلاحف ابو عشره وخلهم يعيشون جو جماعي يمكن بعدين تالف عليك وتعطيك وجه

وعليكم السلام ورحمة الله وبركاته يا خوي
مرحبا بك يا اخوي بين اخوانك وانا ابي اقول راي المفروض ترحم نفسك وترحم الدابه التي حبستها في البيت اطلقها في ارض الله الواسعه ولا تجعلها تدفع ثمن مشكلتك العاطفية اطلق القارشه ويرزقك الله
فيما يظهر لي يا أخوي الكريم انك شخص غير راضي بحياتك بالاخص عن موقعك في المجتمع وانك تحاول تاتي بالغريب والمناقض حتى ترضي شي في نفسك واني انصحك بزيارت معالج روحي وصدقني سوف تجد حل لك مشاكل والله يوفقك

اعطيك وصفه زي ماقال الاخ الخالدي انت تحتاج معالج روحي
تجيب فأر اعور يتيم رضع من بسه وتربيه مع السلحفات

هههههههههههههههه
ودها العياده يمكن يعطيها ابره احيان يصيبها اكتآب اذا تغير عليها المكان يعطيها الدكتور ابره ممكن

يمكن شافت أحد يفرح و يصفق لما تدخل رأسها

وبتسعدكم بس

هههههههه ياخي انا مدري وش تبون في السلحفاه حتى اخوي عنده وحده ومااشوف فيها جمال عشان تهتمون فيها

الحمد لله على نعمة العقل

أضف رداً جديداً..