| جميع الحقوق محفوظة © دار تقنية المعلومات IT Dar |

مشكلتي مع البنك العربي اخس بنك في السعودية اريد الحل في ماوقع لي من ظرر

اخواني كما تعلمون البنوك الملاذ الوحيد للمواطن للاقتراض

ولكن معاملة بعض البنوك تحسسك انك عدو لهم ويجب عليهم

السيطرة عليك

اخواني البنك العربي ظلمني وصار يحجز رواتبي ولم استلم راتبي منذ 5 شهور وحسابي بالسالب المشكلة اني راتبي توقف فترة وعلي قرض في البنك المهم رجعت للعمل ونزلت رواتبي فترة توقفي عن العمل جمعيها حقت 6 شهور

وايظاء لما رجعت للعمل 5 شهور لم استلم راتبي


يعني 11 شهر اخذها علي البنك ظلما وعدوانا

المهم قدمت شكوى قالوا لي تعال البنك وقع على اوراق وسوى تحديث

للحساب وهو اظنة فخ المهم خلصت من البنك واسحبوا جميع رصيدي الي في البنك حتى راتبي الشهر هذا خصمو علي مبلغ كبير وبقو لي 900 ريال


انا اخذت تمويل من البنك

لم اسدد القسط لظروف صحية فترة توقفي عن العمل

الان اليس المفروض البنك ياخذ الاقساط المتاخرة فقط ويرجع لي فلوسي


او يحق لة سحب جميع رصيديي في البنك


حسبي الله على البنك العربي الله لايوفقهم والله مظيتها كلها سلف من الشباب ينزل راتبي وتجيني رسالة بالجوال ولااستطيع السحب



اليوم فكو الحجز على الحساب وسحبت المتبقي من راتبي 900 ريال

خفت ياخذونها

الي قهرني اخذو علي مبلغ فوق 80 الف واتصلوا لي قالوا خلاص

حتى الراتبين التي امر بها الملك سلمان وتم منع البنوك من اخذها اخذوها مني

مانبي شي عليك وتم سداد القرض


يعني على كيفهم طيب انا من يحميني من البنك ويرجع حقي



حسبنا الله ونعم الوكيل كل شي ظايع في بلدنا لاتاخذ حق

كل الردود: 9
1.
عضو قديم رقم 227114
06:29:14 2015.03.18 [مكة]
الله يعينك ....البنوك تتعامل بنظرية الصياد والفريسة مع العملاء اكيد في جهات حكومية تقدر تنصفك على الاقل الراتبين حقت الملك الله يحفظه ويول بعمره ان شاء الله ترجع لك. بالتوفيق
2.
06:53:26 2015.03.18 [مكة]
اشتكيهم على مؤسسة النقد واذا مافادوك. قدم شكوى بديوان المظالم وبتاخذ حقك كامل مكمل. لكن الله يعينك على المرمطة وطول الوقت
3.
07:32:07 2015.03.18 [مكة]
مؤسسة النقد ان شااءالله تسحبهم على وجههم..روح والله يوفقك وينصرك على هالحثاله..اكلونا اكل
4.
01:40:10 2015.03.19 [مكة]
بصراحة البنك العربي بنك خايس جدا ومالك اذا تبي تقدم شكوي لك موسسه النقد ولا الديوان والافضل لك الشكوي الي الله فالله ينصفك ولو بعد حين
5.
01:57:08 2015.03.19 [مكة]
مو بس البنك العربي جميع البنوك نفس الموال .. الله لا يحيجنا لهم ويرزق الجميع من فضله
6.
عضو قديم رقم 228273
02:01:09 2015.03.19 [مكة]
اخوي ارفع شكوى لمؤسسة النقد طبعا ماراح ينصفونك بس الخطوة هذي لازم تسويها وبعدها ارفع شكوى على لجنة الفصل في المنازعات المصرفية وحينصفونك باذن الله .....ديوان المظالم ماله شغل في الموضوع صارت لي مشكله مع بنك من البنوك والحين رافع الشكوى عليه
7.
15:45:03 2015.03.19 [مكة]
راجع العقد معاهم وهل فيه شي اذا تاخرت يلزمك دفع جميع الاقساط او المبلغ قبل الشكوى تاكد من عقدك معهم واذا اشتكيت لازم معك تقرير طبي
8.
19:40:18 2015.03.19 [مكة]
البنك الجربي اللاوطني دخل حسابي و سحب منه 10000 ريال الله لا يكسبهم
9.
عضو قديم رقم 407403
20:23:06 2015.03.21 [مكة]
بنك خايس وتكفي الفايده شوفوا كم خلاف البنوك الاخرى