| جميع الحقوق محفوظة © دار تقنية المعلومات IT Dar |

مشكلة رجال المرور و عدم مخافة الله ..!!!

السلام عليكم ورحم الله و بركاته

اخواني عندي مشكلة مع رجل المرور وابغى رأيكم ونصيحتكم

صراحة اول مره بحياتي انغبن و انقهر لدرجة بغيت افقد السيطرة و يصير شيء ما يحمد عقباه لي وله,,
دائماً منضبط في قيادتي ولله الحمد ولا احب اخطي على احد لا في موقف غلط ولا حتى اقفل على التفاف اليمين عند الاشارات ,,

اقول له كيف تعطيني مخالفه وقوف خاطئ وانا توني نازل لمحل صيانة تبريد وتكييف ابغى احاسب المحل واشيل مكيفي

بسرعة البرق قاعد يلفلف بالشوارع الرئيسية والفرعية يطق العالم مخالفات وده يخلص الدفاتر اللي معه ظلم ولا صدق ,,

المشكلة واقف قدام المحل ولا قفلت الطريق ولا سببت زحمه ولا عرقله سير ولا شيء

وفوق هذا على شارع داخلي فرعي يعني مو رئيسي

والله صدمه قلت يا ابن الاجواد وين تبغاني اوقف انا حاجتي ماتاخذ 5 دقايق وواقف عند السيارة

مطنش وبعد قفل الشباك وفتح شوي بس يادوب الظاهر خايف اني امد يدي

ولا كأنه يشوفني تطلبته ولا فيه فائده قلت انت ماتخاف ربك

لو اني موقف عند اشارة يمين ومقفل على العالم اللي بتلف معك حق لو اني معترض بالطريق معك حق اما كذا غبنه الواحد يالله يسد جوع اهله وانت على اللي ما تسوى تعطي مخالفه ...!!

تبغى تخلص الدفتر باللي هو صح او غلط

حسبي الله عليه ونعم الوكيل الله لا يريحه ولا يبارك فيه وعساه من نكد في نكد

كلمت المرور وقلت لهم السالفة كيف يتجرأ يعطيني مخالفه وانا ما سببت أي عرقله ولا قفلت على احد

قال إذا عندك مشكلة راجع مدير السير بالناصرية وان شاء الله يفيدونك ..

وش رأيكم يا اخواني انا على خطاء ولا صواب...؟؟

كل الردود: 15
1.
00:52:28 2014.05.26 [مكة]
يااخي الان نظام المرور مايعرف هل كلام كله يعرف كيف يخليك تدفع انا قاطع اشاره مره على شان خلفي اسعاف وصورني ساهر اعترض ولا ماتعترض دفعتها ابشرك هههههههههههههه
2.
عضو قديم رقم 316165
02:34:25 2014.05.26 [مكة]
يارجال اسمع من مجرب لاتاخذ وتعطي مع العسكري ولا توجع راسك خذ مخالفتك وقول حسبي الله على الظالم
3.
عضو قديم رقم 194440
02:54:31 2014.05.26 [مكة]
رجال المرور مثل موظفي البنوك وموظفي الاتصالات لازم يحقق ( الهدف ) , المرور مثل الشركه الربحيه وعلى حسب ما سمعت ان رواتب جميع القطاعات العسكريه تسدد من مخالفات المرور فقط ولا تستغرب , احسب كمية المخالفات اليوميه من ساهر فقط على عسكريين ومدنيين ومقيمين ووووالخ , وشوف المبالغ المهوله ( ميزانيات دول ) وانا مثلك ظلمني عسكري بمخالفه وتهاوشت معاه ووقفوني يوم وطلعوني اهم شي وصلت كلمتي وما اسكت عن الظلم
4.
07:55:18 2014.05.26 [مكة]
انت كنت مخالف ولا لا كنت مخالف حسب النظام رجل المرور ماله دخل إنت الغلطان
5.
عضو قديم رقم 193459
11:43:06 2014.05.26 [مكة]
* 4. بقلم: mohammedn22 كلام صحيح فعلا رجل المرور اذا ناوي يخلص الدفتر يطبق النظام .. لكن فيه الرقم 991 مخصص للابلاغ عن تجاوزات رجال الامن كافة بما فيهم المرور .. بس لحد يفهم ان رجل المرور اذا طبق النظام فهو بالمزاج ومخالف .. لا الاستنثناءات تاتي بظروفها وسيطول المقام لذكرها .. لكن فائدة الخط الساخن الذي وجه به اسد السنة المرحوم سمو سيدي الامير نايف بن عبدالعزيز .. مثلا واحد قافل عليك وانت واقف نظامي وكلمت المرور وانتظرت فترة وماجاك احد يخالف .. هنا تجاوز امني وهو اخلال بالوظيفة في خدمة المتضرر .. وقيس على ذلك الكثير . مثال اخير رصيف كامل سيارات مخالفة ممنوع الوقوف واللي قبلك قام يسلم عليه وطلع معرفة وخالفك ولم يخالفه عطلول رقم السيارة وصورة بجوالك للسيارة المخالفة معك وكلم الخط الساخن اعلاه . إإإإإلــــــــــــــــخ . *
6.
11:46:47 2014.05.26 [مكة]
تدرون اسوا مكان عندنا هو المرور والله يااخوان حنا ضيايعين بهالمرور كل الدوائر تنظمت تقريبا واللي بالطريق للاصلاح مثل عمل بعض الوزارات نقول الاكثرية تعدلو من الوزارت الا المرور ههههههههههه هل المشكلة فينا ولا في هاللي مايخافون الله من رجال المرور
7.
14:18:42 2014.05.26 [مكة]
انت مافهمت السالفه تلقاه اهو مجازى وعليه لاز م يخلص الدفتر ولا ينطق بالتوقيف فهمت وان زيك
8.
14:29:44 2014.05.26 [مكة]
mohammedn22 انت كنت مخالف ولا لا كنت مخالف حسب النظام رجل المرور ماله دخل إنت الغلطان ..........^^^^^^^^^^^^^^^^^.............. اخوي محمد الله عطانا عقل نميز بين الصح والخطاء وانا بغظ النظر مخالف او لا معظم ويمكن كل رجال المرور ماعندهم الاحترام و الاسلوب الطيب وثاني شي اقسم بالله بشارع فرعي لا عليه زحمه ولا هو رئيسي وبعيد كل البعد عن كوني بضايق احد او شي وللمعلومية لو هو يخاف الله وفعلاً بيطبق النظام كان قيم وضعي ومخالفتي هل هي تستحق انه يخالفني او لا ينظر انا سببت ارباك سير او مضايقة السيارات او قفلت على احد معه حق اما بالطريقة هذي واضح انه يسعى لمصالحه ولا همه الشعب اما واقف عند سيارتي ويخالفني هذي الغبينه
9.
14:52:04 2014.05.26 [مكة]
السلام عليكم ورحمة الله وبركاته تحية طيبه اخوي امير الدهاء انت في البداية سردت نبذه مختصره عن انضباطك المروري في الشارع وايضاً مع الجمهور وهذا شي طيب ولله الحمد والله يثبتك على هالسمعه الطيبة لكن من خلال كلامك وضح لي ان رجل المرور وجد عليك مدخل وفعلاً وجد انك مخالف بغض النظر عن المكان وظروفه حتى لو كنت في مكان ما فيه اي مخلوق بشري ولقاك مخالف معه الحق انه يعطيك مخالفه ومالك عليه اي درب نهائياً اذا هو عذر وقدر انه ما فيه ضرر على الآخرين وتركك تمشي بدون تسجيل مخالفه فهذا يرجع لكرمه وشهامته واذا ما عداها لك فهذا لا يعني انه ظالم وما يخاف الله فيك ولا تنسى الأسلوب في مثل هالمواقف يلعب دور كبير مثلاً اذا انت فعلاً أخطأت بغض النظر عن تسببك لضرر الآخرين او كنت في صحراء انا اتكلم عن جزئية انك أخطأت وانتهت المسئلة فيجب عليك ملاطفة رجل المرور ومعاملته برفق والتخاطب معه بكل رقي واحترام لأنه يقف في الشارع لمدة تزيد احياناً عن 8 ساعات وتطلب منه السماح وتعده بعدم تكرار هذا الخطأ فإن قدر فهو خير وبركه وإن لم يقدر فأنت من يجب تقدير الموقف لأنك اخطأت وكلامي هذا لا يعني بأن رجال المرور منزهين عن الخطأ ( لا ) ولست هنا في موقف المدافع عنهم ( لا ) ولكن كلمة الحق يجب ان تقال وانت طلبت الرأي بالصواب والخطأ تحياتي لك
10.
15:23:27 2014.05.26 [مكة]
المشكله ان الاداره تعرف ان العسكري غلطان وتوقف معه كمن يعين الظالم على المظلوم ويفقد المواطن الثقه في رجل الامن اذا حصل لي كذا اكتفي بالدعوه عليه وعلى من اعانه عبى وان يريه مكروه في ابناءه ومن يحب وهو يسمع حتى لا اعينه على الظلم وحتى يرتدع ولو كل واحد فعل كذا بيتحسن الوضوع
11.
15:33:58 2014.05.26 [مكة]
مستغرب من تعزيز الاخوان لصاحب الموضوع خصوصا انه يبي رأي سديد ومحايد كرأي الاخ الافيسر فقد أجاد وأصاب حسب نظري. طيب النيه ليس مبرر دائماً للخطأ.
12.
عضو قديم رقم 339253
16:42:00 2014.05.26 [مكة]
يا حبيبي انا اول بالسواقة تقول فلبيني .. بس شفت السالفة كذا قسايم زي المطر وانا مو مسوي شي قلت فله امها يا ولد .. والله الحين سرعة .. قطع اشارات .. فك اللوحاات .. جربعة دوريات .. تفحيط .. تظليل كاتم صار علي الحين 56 الف ريال مخالفات وما ني دافع ريال لما يشلون كل الجزانية الى بالمرور
13.
21:05:21 2014.05.26 [مكة]
راي تنسى وتتعامل مع الوضع بسلاسه يعني وقفت على شرطه المرور بس روح وزارة الصحه ثلث الموظفين شغالين عالتكسي والباقي ماتكلمه الا وهو غايلك تعال الاثنين الخميس الجمعه وماعندك احد ادخل البنك خمس كاشيرات واحد بس جالس يلعب باجوال ويمشي الطلبات من الداخل بدون سرا
14.
16:27:14 2014.05.28 [مكة]
اشكر كل الاخوان اللي ردو ولله الحمد تعاملي مع رجل المرور كان احسن منه بكثير طلبته وترجيته ولكن مانفع الرجال ناويها من قبل ما يشوف وجهي قلت له اتق الله روح شف العالم اللي تقطع اشارات ولا وقوف ممنوع عند الإشارات او يعترض قدام خلق الله في الإشارات ولكن ما تلاحظون انه اكبر غلط سواه مدير المرور او من هو المسئول اللي سمح لرجال المرور بمزايا مثل كل ما خلص دفتر مخالفات يعطى 100 ريال ولا اجازة يومين ولا شي ثاني وعاد شوف كم دفتر بيخلصه بشهر بيطلع معه 3000 ويمكن اكثر بالله ما تشوفونها غبنه صارو ما يعملون بإخلاص وامانة لأنه بيكون همه ورى مصلحته وبطقاق بالعالم ,, المرور توعية وإرشاد وتنبيه وإذا المخالف مكابر ومخالفته قويه صح كالتفحيط او التخييط بين السيارات وغيرها الكثير
15.
عضو قديم رقم 267023
19:44:26 2014.05.28 [مكة]
لخصوص سردك للقصه يتضح لي مايلي اولا وقوفك كان خاطي بحجة تحميل مكيف يعني الشارع تجاري وانت وقفت في مكان غير مخصص للوقوف وظنيت اخي الكريم انه بامكانك خمس دقايق فقط تحمل المكيف وتمشي ولكن جاك الرد سريع ومفاجي من رجل المرور وطبق عليك النظام بحذافيره غير مبالي بتوسلاتك وبكائك وايضا قام بضبط نفسه عندما تجاوزت حدودك وابلغته بان عليه مخالفة قاطعي الاشارات غير آبه بما بدر منك بدل الاعتراف بذنبك تعلمه شغله ثانيا يبدو لي من خلال كتابتك انك حساس جدن فهل شربت من حليب الابل قبل بلوغك ثلاث سنوات؟