| جميع الحقوق محفوظة © دار تقنية المعلومات IT Dar |

مديون باقساط تقصرالظهر فزعتكم

السلام عليكم ورحمة الله وبركاتة اخواني انا اليوم كتبت لكم معاناتي مع الديون لطلب المساعدة منكم بعدالله سبحانة وتعالى الموضوع كله اني شريت بيت بالرياض عن طريق البنك بمبلغ مليون وثمان مية الف ريال بقسط شهري 8500ريال واليوم لي اربع شهور من بداية الاقساط وكنت مرتب اموري على شغلات للاسف ماضبطت معي
المطلوب يااخواني احد منكم يدلني كيف اقدم على الديوان او اللي يكون بحيث يسدد عني هالقرض مع العلم علي قرض ثاني للبنك العقاري بخمس مية الف والله ثم والله ثم والله اني صادق باللي ذكرته اللي مايقدر يساعدني ابيه يدعي لي بخلاص الدين لعل الله يستجيب دعواتكم والله اني راتبي مايبقى منه الا 2200 ريال ومستورة ولله الحمد بس شايل هم هالقروض ويعلم الله انه عشان ولدي المريض انتقلت من الديرة للرياض عشانه يحتاج مراجعات ومدارس يكون فيها صعوبات تعلم وتعليم فكري لانه عنده تخلف عقلي
لاتنسون اخوكم بالله بالفزعه وترى ياخواني منب اشحذ او المح لشي لاوربي هدفي اسدد الدين بطريقة مايكون فيها ذل ومهانه اللي يقدر لايبخل علي ودمتم بود

كل الردود: 10
1.
06:04:59 2014.09.06 [مكة]
الله يفرج همك اخوي وعليك بالدعاء.... بس عندي نصيحة اخوي لو تروح للبنك وترجع البيت لهم وتستاجر شقه او دور افضل لك بكثير لان البيت بيكسر الظهر بالقسط غير انه يحتاج مصاريف أكثر وربي يفرج هم كل مسلم
2.
06:55:12 2014.09.06 [مكة]
الله يفرج همك لاتشكي لي ابكي لك المواطن غرقان في الديون ويعيش في دوامه ومستقبل مخيف انا ديوني فوق 300 الف ومستاجر ومضطر اتسلف كل فتره لان المصاريف اكثر من الدخل علما انها مصاريف اساسية وعائلة واطفال مالهم شغل في مشاكلك لازم يبون حقهم من المعيشة ومستلزمات المدارس وملابس وغيرها عموما اذا لقيت مخرج او طريقة لاتنساني والله يفرجها علينا وعليك وعلى كل مسلم
3.
08:10:51 2014.09.06 [مكة]
مالك الا تاجر البيت وتاخذ لك شقة صغيرة رخيصة
4.
09:04:04 2014.09.06 [مكة]
اهلا ادا كان البيت دورين اعمله 4 شقق اسكن في وحده و اجر 3 شقق وادا كان البيت صغير اعمله شقتين اجر شقه و منها تساعدك في الاقساط
5.
09:37:52 2014.09.06 [مكة]
ليش تاخذ بيت بمليون و800 الف ريال!!!!!!!!!!
6.
10:22:16 2014.09.06 [مكة]
خذ مديونيه من البنك الخاص بالمنزل ولا تذكر انها فله لأن ربعنا شماتين بيقولون ليه تاخذ فله وعدد افراد اسرتك قليل ودخلك قليل ومن ذا الكلام ومن ثم اضف قرض الصندوق العقاري كمساند لطلبك وليس كتسديده لك لأن الصندوق خيري مال مسلمين مدعون من الدوله ومن ثم أكتب معروض مختصر جداً مفاده بحالة طفلك والمتبقي لك بعد الاقساط وليس قيمة القسط ثم قدمها الى ديوان مجلس الوزراء كخطوه اولى والنتيجه بعد تساهيل ربنا مساعده ما بين 20 الى 30% من قيمة المنزل ومعروض آخر خاص للملك كبرقيه والله يسهل عليك
7.
17:02:39 2014.09.06 [مكة]
جزاكم الله خير
8.
18:51:48 2014.09.06 [مكة]
اخوي نواف البيت قيمته مليون وميتين الف وطلع مع الفوائد مليون وثمان ميةوخمسين الف
9.
01:32:46 2014.09.07 [مكة]
عسى ربي يفرج همك ويسد دينك عليك بكثرة الاستغفار الله يشرح صدرك ويزيل همك
10.
11:17:56 2014.09.07 [مكة]
جزاك الله خير ابوهوزان