| جميع الحقوق محفوظة © دار تقنية المعلومات IT Dar |

مدينة الخرخير جنوب المملكة

~ منقول ~
هذه قصة واقعية لإحدى المعلمات المنقولات حديثاً من منطقة الخرخير نقلته لكم حرفياً ..

بصراحة إذا أحد يبغى يتبرع أقوله في جنوب المملكة محافظة الخرخير يسكن فيها قرابة عشرة آلاف نسمة، أقسم بالله العظيم أن بيوت بعضهم عبارة عن شراشف وكرتون وخشب أي شيء يلاقونه مرمي يغطون به فتحات السقف لتقيهم من برودة الشتاء أيام الشتاء وحرارة الشمس أيام الصيف، أنا كنت معلمة في نفس القرية والله الطالبات يداومون بمراييل مشقوقة من فوق لتحت، يعني تمشي البنت ورجلها ساعة جوا المريول وساعة تطلع من الجهة المشقوقة، ناهيكم عن وقت الفسحة تخيلوا لقيت أربع أخوات ما عندهم إلا عصير واحد كل شوي وحده تشرب منه، طبعاً بدون فطور وعلى عصير واحد، والله بعضهم ابتدائي وبعضهم متوسط، أنا طبعاً في مجمع لجميع المراحل، برضوا شفت بنت في صف أول تداوم بشراب فقط بدون حذاء، لأن ما عندها أي حذاء في البيت، وأمهات كثير يجون عندنا في المدرسة يقولون عندكم أكل ما تبغونه أعطوه لبنتي بصف أول تحلف بالله أنها ما عندها ريال واحد علشان تعطيه لبنتها تفطر، عندنا بنات يداومون في الصيف لابسات بلايز صوف حق الشتاء
لأن ما عندهم ملابس خاصة بأيام الصيف.
إذا جاهم غبار الله يفرجها عليهم تخيلوا هم في صحراء وبيوتهم تجميع خشب وشراشف يجي الغبار ويخرب الدنيا عليهم .. يصبحون مشردين بدون مأوى، وفي أحد الأيام في الشتاء والله لقيت بنات صغار بسنة أولى أبتدائي نحاف يرتجفون من شدة البرد ما عليهم إلا المريول بعز الشتاء، وشتاء الخرخير برده شديد ما أحد يقدر يتحمله، والله مهما أتكلم ما أقدر أوصف لكم اللي شفته بعيني، يقبلون أي شيء ملابس حق صيف وشتاء وأكل وأغراض مدرسة وجزم وشنط وفرش أو أي شيء، لا تقولون ما راح يرضون فيه، والله لو جاهم أي شيء حتى لو كان مستعمل يشوفونه أجمل هدية في حياتهم بسبب فقرهم الشديد، لا تبخلون عليهم خاصةً الآن في الشتاء، والله كنت أنزل أيام الشتاء بالليل أروح أقضيلي أغراض وأنا ماشية في الشارع أطالع البيوت اللي بجنبي أحواشهم من سعف النخل، وألاقي الناس شابين نار ومتجمعين حولها يتدفون من البرد، وكل الفقراء في الخرخير بهذه الطريقة، كل بيت أهلها شابين نار علشان يتدفون، لأن ما عندهم دفايات كهربائية أو سكن يحميهم من شدة البرد،

أدخلوا موقع جمعية البر الخيرية بالخرخير وتلاقون أيقونة للتبرع،
أو أتصلوا على رقم هاتف
الجمعية بالخرخير وأطلبوا منهم أرقام الحسابات

أوقات الدوام والرد على المكالمات: من الساعة الثامنة صباحاً إلى
الساعة الثانية عشر ظهراً، ومن
الرابعة عصراً إلى الثامنة ليلاً.

أطلب من الموظف رقم الحساب
في الراجحي وإذا كان حسابك
في غير بنك الراجحي أطلب رقم
الآيبان لكي تحوِّل من أي بنك إلى
حساب الجمعية ببنك الراجحي.

===============
===============

واقع أهلنا في الخرخير المنسية،
المقطع الأول :
http://safeshare.tv/w/WxHciNRqjK

واقع أهلنا في الخرخير المنسية،
المقطع الثاني :
http://safeshare.tv/w/uNKWvvBVBG
الكل يشارك بارساله للمضافين عنده

(الدال على الخير كفاعله).

الردود
مواضيع مشابهة
الكل: 3
1.
18:34:33 2013.12.13 [مكة]
صحيح وهي مرجع لقبايل المهره و المناهيل ربعهم يطلعون من الخرخير يعينون خير ويتركون ربعهم هناك لكن مايمنع مد العون والمساعده فهم احوج من في البلاد
2.
21:30:05 2013.12.13 [مكة]
السلام عليكم جزاك الله خير على النقل ، وعسى الله يكتب لك الأجر والثواب أخذت رقم الحساب الموجود بالفيديو الثاني وتأكدت من صحته في مصرف الراجحي واللي حاب يساهم في تخفيف معاناتهم هذا رقم الحساب حساب الأيتام في جمعية البر بالخرير - مع الآيبان sa8180000241608010336328 وبدون الآيبان 241608010336328 حساب الزكاة في جمعية البر بالخرير - مع الآيبان sa0780000241608010336302 وبدون الايبان 241608010336302 والله يعين أخواننا في الخرير وغيرها من القرى الفقيرة والمهملة من حكومتنا الرشيدة !
3.
22:04:40 2013.12.13 [مكة]
لاحول ولاقوة الا بالله العلي القدير ... يا جماعة الخير مادري الجمعيات الخيرية .. وش تسوي .. انا دائماً اشاهد حساباتهم واعلاناتهم في كل مكان ... ولكن ما اشوف نتائج ... ؟؟؟؟ على العموم انا افضل انه احد يشتري كميات وينسق مع احد هناك يوصلها لهم بنفسه