| جميع الحقوق محفوظة © دار تقنية المعلومات IT Dar |

ماهو افضل مطعم عوائل في مدينه الرياض من وجه نظرك ؟؟؟

السلام عليكم
مساء الحب
ماهو افضل مطعم عوائل في الرياض من وجه نظرك؟؟

وبالنسبه لهذه المطاعم ماهو رايك افضلها لاني اخذتها من النت ولااعرف هل تستحق الزياره كلها ولا بعضها

مكاني
افاد
جزيره الهند
وشال
وقت النخبه
مراكش
برج الحمام
روما
سزلر هاوس

انتظركم يااجمل واحلى وافضل منتدى بالعالم

كل الردود: 30

عرض:
1.
عضو قديم رقم 361096
02:04:45 2014.10.10 [مكة]
من وجهة نظري ولا واحد خذلك دجاجه شوايه مع رز بخاري وسلطه وسم بالله وبدا قسم بالله اطعم وارخص وبتدعيلي
2.
02:12:14 2014.10.10 [مكة]
ههههههههههه ملينا من الكبسات نبي نجد
3.
02:12:21 2014.10.10 [مكة]
نجدد
4.
عضو قديم رقم 361096
02:18:14 2014.10.10 [مكة]
امزح :) مطعم مكاني الهندي جرب التيكا مسالا مع الخبز الي هم يصلحونه بس حرصهم يقللون فلفل اذا ماتحب كثرته ولا قسم بالله يعطوك اياه ناااااااااار ذاك اليوم رحت لهم آكل. وعيوني تدمع من الحراره
5.
02:24:19 2014.10.10 [مكة]
ابشر بكرا بمره الظهر بس مافيه الا حار ابي عادي
6.
02:32:19 2014.10.10 [مكة]
اخوي انا جربت مطعم ماريز ياخي مشهورو وجلات تجنننننننن و اكلات بسم الله ماشاء الله . ..والمطعم اعتقد . شارع الملك عبدالله بالقرب من صحارى مول ........... ممتاز ........ _____________________________________________ والمطعم الثاني / فايروز جاردن خلف تمور الصالحيه على شارع الملك فهد ((((((( جنب برج العنود او اوتيل العنود ... ________________________________________ اللي ذكرته لك بالنسبه للعوائل ممتاااااااااااااااااز .. وخلي جيبك مليان شوي لان اذكر لشخصين دفعت 150 تقريبا .. او 200 . حسب الطلب ________ تحياتي ..
7.
عضو قديم رقم 361096
04:14:24 2014.10.10 [مكة]
انتبه وانا اخوك من مطعم ماريز ادخل اليوتيوب واكتب فضيحه مطعم ماريز وشف القرف الي بمطبخهم
8.
05:08:39 2014.10.10 [مكة]
كد رحت له ماريز ابغى غيره
9.
11:49:32 2014.10.10 [مكة]
ارجو التفاعل
10.
21:00:56 2014.10.10 [مكة]
؟؟؟؟؟؟؟؟
11.
09:37:03 2014.10.11 [مكة]
فيه مطعم هندي اسمه عالم البهارات اعجبني الحقيقه جربت مكاني وكوبر شندني لكن فرع الحسا (: انا افضله عليهم الحقيقه لكن يعيبه ضيق جلساته لكنها جميله(الجلسات) مكانه خلف سامبا اللي على طريق العليا العام بعد التحليه وانت متجه جنوب ادخل بعد سامبا وتلقاه بعماره فندق المهيدب
12.
12:36:03 2014.10.11 [مكة]
تبي العلم الصح :) روح مطعم ( لونج هورن ) على مخرج خالد بن الوليد مع طريق الدمام طبعاً الوجبات عنده استيكات وشريم ولوبتسرز .. :) الوجبتين المفضلة عندي لما اروح هالمطعم استيك فلو مع ذيل اللوبستر ( ممتازة ) جمبري مع ورز - ناسي اسم الوجبه - بس ماظن في غيرها بس جدا جدا جدا جدا جدا جدا مميز الطعم في هذه الوجبه ... طبعاً الببسي تعبأ مجانية + سلطة مجاناً مع كل طبق رئيسي تطلبه ( عندهم ثلاث انواع سلطات عاديه ( هذه انا اطلبها ممتازة - وسيزر - وايطاليه ) هذا بصراحة من اكثر المطاعم اللي احرص اني اروحها نظيف جداً - هادئ - تعامل اكثر من ممتاز ( ماعجبك الطلب او في تعليق منك على الطلب يغيروه على طول ) دائماً تلاقي مكان ماتضطر تجلس تنتظر وقربعة صحون وتسمع وحوش برية جنبك ههههه اذا انت من محبي الاستيكات واللوبستر .. روح له وانت مطمن راح يعجبك .. افضل من استيك هاوس و رد لوبستر وهالمطاعم .. المطعم الثاني اللي لازم اعدي عليه برضوا .. الفيشاوي ( وكل سنة وانت طيب ياباشا ) ومصر ام الدنيا :) عاد اذا ادور الدسم والاكل المصرية اللذيذة اروح لهم .. وهناك انصحك ب ( الطرب - الكفته - الموزة - فتة كوارع - رز بالخلطة مع الكبدة - الملوخية جميله عندهم ) وسعره طيب جداً بصراحة
13.
عضو قديم رقم 228096
22:54:58 2014.10.11 [مكة]
جزيرة الهند. طريق خريص بعد مستشفى. الحبيب
14.
23:37:43 2014.10.11 [مكة]
الله يسعدكم
15.
11:00:43 2014.10.12 [مكة]
يمدحون وشال طريق الدائري الشرقي وانا مابعد جيته
16.
01:28:03 2014.10.13 [مكة]
مطعم الزعفران بالسليمانيه مطعم التاج الهندي على طريق الامير مشاري بن عبدالعزيز مطعم يامال الشام طريق العليا مطعم النافوره بالملز مطعم ماريز طريق الملك عبدالله مع الملك عبدالعزيز مطعم برج الحمام بالتخصصي
17.
11:26:21 2014.10.13 [مكة]
يامال الشام اقل من عندي
18.
11:27:14 2014.10.13 [مكة]
ماريز تحسفت اني رحت له معطينه اكبر من حجمه عادي جدا
19.
11:28:48 2014.10.13 [مكة]
برج الحمام خرافي مره رهيب لايفوتك ورق العنب والحمص والتبوله ومحشي خروف واوصال الدجاج واوصال اللحم
20.
11:53:28 2014.10.13 [مكة]
مطعم أوشال على الطريق الدائري الشرقي أنصح فيه وعنده أطباق جيدة وجلسات عائلية. المميز من مواقع تجربتي معهم هو ورق العنب والشيش طاووق الدجاج والرز البرياني والحمص. أما غيرها فلم أجربها ماعدا مشوي ومقلي السمك وسمبوسة الدجاج فجربتها وليس فيها تميز.
21.
14:04:34 2014.10.13 [مكة]
ابشر بمره هو بمخرج 10صح
22.
14:44:47 2014.10.13 [مكة]
هو قبل مخرج 10 بـ 200 أو 300 متر على اليمين وانت متجه إلى الشمال . وجعله عليكم بالصحة والعافية.
23.
17:21:38 2014.10.13 [مكة]
تمام عليك ربي يسعدك
24.
20:58:30 2014.10.18 [مكة]
؟؟؟؟؟؟؟
25.
10:18:56 2014.10.20 [مكة]
مطاعم هنديه ياليت تعطوني اسمائهم
26.
19:13:32 2014.10.20 [مكة]
قصر الهند بين مخرج 11-10 بعد محطة الدريس تخش يمين وتمشي كيلو يجيك على اليسار أمة لا اله الا الله عنده ، أكله جيد جداً وأسعاره فوق المتوسطة فيه قسم عوائل لكن زحمة جداً وليس بسهولة تحصل موقف انتبه تروح له وقت الرواتب او الويكند اغلب زواره شباب زاحفين اللي جايك بثياب النوم وحتى طلبة الكليات العسكرية اللي طالعين ويكد تحصلهم
27.
19:15:46 2014.10.20 [مكة]
ارشح لك انتر كوت كافيه دي باريس برج الفيصلية الدور 21 لازم حجز بالتلفون أكله مميز وكذلك الحلويات تجربة لا تنسى وأسعاره عالية نوعا ما فيه ميزه انك توقف سيارتك عند باب البرج هم يوقفونها وبال هناء والعافية
28.
عضو قديم رقم 378177
15:19:39 2014.10.21 [مكة]
افضل مطعم انك تطبخ تأكل في بيتك مو في مطعم
29.
09:05:07 2014.10.22 [مكة]
ابشر
30.
13:44:21 2014.11.23 [مكة]
مطاعم جديدة