لأهل الرياض / ممكن تساعدوني في تحديد موقع المرافق الرسمية التالي !!

مكتبة الملك فهد الوطنية تجي قبل برج الفيصلية على طريق الملك فهد
ومعهد الملك فيصل للبحوث والدراسات الاسلامية بعد برج الفيصلية على اليمين طبعاً
يعني الإثنين جنب بعض .

الله يوفقك في ماجستيرك
كفو والله ونعم الرجال
مكتبة الملك فهد هي خلف حديقة الملك فهد ، ولها طريقين (الملك فهد السريع او العليا) وافظل العليا
امش في طريق العليا في مقطع ما بين شارع الثلاثين وطريق خريص، راح تلاقي في الجانب الغربي حديقة الملك فهد، ادخل بعدها يمين كأنك متوجه لطريق الملك فهد. اذا شفت طريق الملك فهد ابد وقف سيارتك وانزل ورح كمل ، مدري وين مدخلها والله بس اكيد المدخل الرئيس اللي يفتح على طويق الملك فهد ، وترا عندهم موقع الكتروني اذا حبيت تشوفه
مكتبة الملك فيصل (كاني ماني بواهم) تكمل مع طريق العليا وجهك جنوب ، واذا تعمقت بعد ما تتجاوز طريق خريص بتجيك المكتبه عاليمين مبناها عتيق شوي
وفيه مكتبة الامير سلمان داخل البهو الجامعي في جامعة الملك سعود هذيك قد سنترت فيها يوم اخلص بحث البكلريوس حقي ، فيها مخطوطات ومنشورات فالدور الثاني والادوار الباقيه مليانه كتب
وعندك مكتبة الملك عبدالعزيز جمب قصر الملك عبدالله، هذي تروح مع خريص متوجه شرق وتمسك الخدمه قبل مايجيك مخرج 13 وبالماريه عند مستشفى الحرس اللي عنده مطبات تلف يسار وبتشوف لوحه كبيره وقف خيري للملك عبدالله لوالديه ، ابتل سيده لين يجيك صبات اصفط يمين فيه مواقف خاصه بالمكتبه ثم كمل على رجولك للمكتبه ... الحقيقه طابق واحد وموظفينها خدومين وراح تستمتع فيها وتجد ما يسرك باذن الله
هذي المكتبات اللي تحظرني حالياً، وتقدر تشوف اذا جامعة الامام فيها مكتبه بعد
والله يوفقك شد حيلك

شكراً لكم اخواني بارك الله فيكم
الوصف دقيق جداً جداً

محبتي لكم ياحلوين