| جميع الحقوق محفوظة © دار تقنية المعلومات IT Dar |

كم متوسط تكلفة الزواج ؟

السلام عليكم ورحمة الله وبركاته


انا شاب عمري 27 سنه وراتبي 12500 ريال
توني توظفت الحمدلله

قررت اتزوج

كم متوسط التكلفة للزواج ؟ طبعا من ضمنها استئجار شقه لمدة سنه

كل الردود: 10
1.
00:00:56 2015.03.02 [مكة]
من 80 الف إلى 120 الف
2.
02:58:11 2015.03.02 [مكة]
الله يرزقك وييسر امرك توكل على الله وتزوج الزواج ستر
3.
09:12:45 2015.03.02 [مكة]
ابو حمدان كيف حسبتك حزين الرياض شكرا لك
4.
09:43:56 2015.03.02 [مكة]
محد يقدر يحسبها لك . كل شخص وله طريقته . خذلك مجلة ايكيا + اكسترا واحسب الاثاث و الالكترونيات الضروريه + السكن 6 شهور ( حسب المنطقة ) + توقع المهر + وين تبي تقضي شهر العسل ( مكاتب السياحية تحسبها لك تكلفة اجمالية ) والباقي نثريات تحسب حسب الطلب . بالتوفيق اخوي ،،،
5.
14:03:18 2015.03.02 [مكة]
شوف انا سحبت قرض قبل اتزوج واكلت خابور مستوي الان مايصفى لي من راتبي اقل من 500 ريال وراتبك ماشاءالله يفتح بيتين بس نصيحه لا تقول راتبك لحرمتك ولا لاهلها لانهم راح يطمعون بتكاليف قد ترهقك جدا اذا عندك بيت ملك ممتاز اذا ماعندك استاجر شقه تناسبك لمدة سنتين وادفعها كاش ادفع حق سنه والسنه الثانيه احفظه بحساب ادخار التاثيث يكلف مايقارب 30 الف تاثيث فل كامل اثاث راقي وجميل مع غرفة النوم اذا بتستاجر شقه مجلس صاله غرفتين دورتين مياة و انتم بكرامة
6.
15:19:24 2015.03.02 [مكة]
على حسب عاداتكم وتقاليدكم في الزواج والمهر ، يجب أن تسأل من حولك من المقربين في تكاليف الزواج لأنها تختلف من ناس لأناس ، وفقك الله وكتب لك الخير .
7.
16:17:30 2015.03.26 [مكة]
والله على حسب اذا عائله شايفه نفسها بتوصلك الى 200الف و طالع اذا عائله متوسطه ما تتجاوز 100الف و نازل و اهم شيء بنت العائله الي شايفه نفسها شهرين و تطلقها لي انه خساره جيب و قله سنع ناهيك عن الي بيصير من اهلها و الطلابات التعجيزي 10 خدامات و 3 سواقين و غالباً ما يقلون لك ما نبي عيال الا بعد الزواج - يعني متزوجتك زينه تصرفه عليها تقريباً""" و المتوسطه تقريباً نفس الي شايفين نفسهم لاكن اخف شويء 50% تتوفق اذا تفكير البنت ممتاز 50%تتعثر اذا اثر فيها كلام الاقارب و فيه نوع افضل من ذولا كلهم حريم يدورون الستر ولا همهم لا عرس ولا سفر برا المملكه وتلقاها اخلاق دين و جمال و التكلفه ما تطلع 50الف و تلقاها اجمل من الي النوعيات الي قلتها فوق و دين و جمال و اخلاق و عائله محافضه مهب كل يوم طالعين لك نبي لبنتنا زي بنت فلان:::::::::::::::::::::::و القصه طويله...
8.
17:07:39 2015.03.26 [مكة]
^^^كلام في جميل وواقع مئة بالمئة
9.
17:18:55 2015.03.26 [مكة]
أسمعني يالغالي أولاً : أعرف قيمة المهر المتداول حسب عاداتكم وتقاليدكم . ثانياً: أجار الشقة سنويا والدفع ست شهور أو سنوي. لأن بعض المكاتب الي يدفع سنوي تعطيه خصم من قيمة الأجار. ثالثاُ: حاول أن زواجك يكون عائلي مصغر في استراحة أحسن لك من الخساير والقصور ومبالغ لها أول مالها أخر وفي النهاية ثلاث ساعات والكل رايح بيته. رابعاً: أنتبه أنك تذعن لكل ماتطلبه البنت من أثاث وعفش وغيره ، حاول أنك تشوف شيء يمشيك أول خمس سنوات بشكل جيد بدون ديون زايده . والسبب أنك اذا اخذت قرض بتضطر تسدده خمس سنوات وخلال هالمده بتكون عليك إلتزامات منزل على إلتزامات قروض على مصاريف الأبناء ومصاريفهم واحتياجاتهم . خامساً: الكثير يقول لك شهر العسل في يمين ويسار وتخسر يمين ويسار ، نصيحة شف لك دول شرق اسيا رخيصة وجميلة من ناحية المناخ ومن ناحية الطبيعة وشعب ودود مثل أندونيسيا. أما ماليزيا فصارت غاليه بعض الشيء. سادساً: ضع ميزانية شهرية لمتطلبات المنزل واحتياجاته ، مع وضع مبلغ بسيط للطوارئ لاقدر الله ، والمتبقي تحاول جمعه حتى لو بقي 400 ريال من راتبك أرفعه للشهر الثاني تحصلها صارت 800 ريال وتزيد كل شهر . لأن أول خمس سنوات إذا عملت جدوله للمصروفات والمتطلبات ماراح تتعب بالصرف وعلى فكره ترا مصروفات المنزل من خضره ومواد غذائية منوعة تغنيك لشهر ماتتجاوز 600 ريال. وخل عنك أكل المطاعم كل يوم تقدر تدلع الحرمه بالشهر مرتين ثلاثه من مطعم غيرها خل أكلك بالبيت. بالنسبة للملابس واللباس للحرمه خل عندك ميزانية واضحه للحرمه تعرف كم مصروفها شهرياً وكم مصروفها في العيد بحيث تكون أنت حاطها في بالك عشان ماتورط بين اجار منزل وبين مصاريف العيد ماتدري وش تلحق وش تخلي بالذات وانت في أزمة أول خمس سنوات في ديون القروض. ملاحظة مهمة : حط في بالك أول سنة ماراح يكون كلها عسل بسبب اختلاف التفكير وبداية تفاهم بعضكم البعض في التصرفات والتفكير . يعني إذا عصبت كبر راسك واطلع من البيت لين تروق وأرجع وناقشها وراح تفهمك لاتستعجل في اتخاذ القرار وانت معصب وصدقني راح ترتاح وتعيش بها حياتك براحه. والله يوفقك ويسر لك أمرك ويرزقك الزوجه الصالحه الي تعينك على حياتك
10.
17:27:03 2015.03.26 [مكة]
الله يوفقك ويوفق الجميع والذس نفسي بيده لو أتاك بك الله لعائلة مؤمنة حقاً ويعون ويدركون وفيهم نقاء وثقافة ورقيّ ومعرفة وخبرة ودراية ، وهم كثير بفضل الله ، فلن يكلفك الزواج سوى أقل من خمسين ألف ريال مع الآثاث ، لماذا وكيف؟؟ المهر عشرين ألف ولو كان رجل يحب الخير ويريد التنفيص عنك وعن بنته فلن يأخذ شيئا سوى رمزي .... وشقة نصف سنة بعشرة آلاف .... وآثاث في العشرين ونحوها...... حفل مختصر على العائلة فقط. هذا هي الوعي هذا هو الإيمان بالله واتباع هدي نبيه ..... إلخ