| جميع الحقوق محفوظة © دار تقنية المعلومات IT Dar |

قصتي مع سواقي الحرامي الفائدة للنساء قبل الرجال

اسعد الله اوقاتكم وتقبل الله منكم

قصتي ببساطة زوجتي معلمة والسائق لها تم معي لة ستة اشهر
اول مرة جاب سيارتي مكسور الرديتر وكان كسر غريب في البلاستيكة يعني التهريب مو من اسياخ الرديتر من كسر وقال بابة فية كسر هو بنفسة

المهم بهذلة ومحط بين الورش لان السيارة بكل بساطة صار تهريب موية يخلط مع الراس زيت و تصليح ب 4000 الاف (عمالة وسخة مدربة على الملعنة وشكيت وضامني قلبي ما اقدر امسك علية

اليوم جاني يقول بابة تعال سيارة خربانة بعد الفطور وكل مازهمني اقول ياساتر استر واشوف الا ديكور الباب مكسور مخلوع والباب حق الراكب مايفتح والسماعة مكسورة

قعدت اتفحص الباب والسيارة مافية شيء يثبت ان الي كسر حرامي المسجل موجود والقزاز مو مكسور اجل هو الي عملها

صكيت الباب يقوة وجبت هندي ثاني يترجم لة قلت ياملعون الصلاصيل السيارة الاولة كسرت الرديتر والحين بتمشي علي هذا معاك الشرطة هي الي بتطلع الخمج الي براسك ويتأدب بعد الكفوف

ثم اعطيتة ثلاث حلول محتاجينة اما انك تصلح الكسر واما تدفع 600 نعويض واما الشرطة والحين اجازة ماني محتاجك

ثم اقر بالعملية واعترف وصورت الكسور كلها علشان اي خراب في المستقبل اوريهم كل شيء

فرجاء للاخوات اصحاب السائقين انتبهوا اذا بدأ يخرب تراة ماعاد يبغى يشتغل والافضل انة عند كل مشكلة جيبوا الشرطة تتسجل علية اثبات وبعدة معد يسمع للكلاب اصحابة الي يخربونة

احنا شعب كل ماصار شيء مشيناة ولعبوا علينا وكلونا والشرطة هي الحل والله يوم في السجن يطلع ام الركب بظهرة

حبيت اعطيكم قصتي لعل فيها فايدة للجميع من باب التناصح ولا تنسونا من دعاكم الله يتقبل

دمتم بخير

كل الردود: 7
1.
01:24:44 2015.07.11 [مكة]
الله المستعان بالذات حنا الحريم . مستغلينا استغلال . والسبب ماورانا شخص يردهم . الظروف تضطر الانسان لهم . ومع ذلك . هم شر لابد منه
2.
02:26:49 2015.07.11 [مكة]
بالعكس اختي اذا جبتي لة الشرطة وصارختي علية والله يمشي مظبوط لاكن المشكلة انهم استغلوا خوفكم ويعلمون بعض وقاموا يتطاولون واذا صدم نقول قدر كل شيء لازم يخصم منة لا تخافين لانة بعد مايشوف الشرطة يعرف انة الله حق ويخق ولا تخافي على عيالك الله الحامي سوا معة او غيرة
3.
03:08:51 2015.07.11 [مكة]
نفس القضية كان عندي واحد سرق البوري وباعه لصاحبه صاحب الليموزين بعدين الاستبنه وباعها ، بعدها كشفته عن طريق صاحبه اللي بلغني عن الناس اللي باعها لهم واعترف مع أصحابه وتم ترحيله .
4.
03:44:53 2015.07.11 [مكة]
بارك الله فيك .... وفقك الله ... وعوضك الله خيراً كن لم توضح لنا ، اعترف بماذا؟؟ كيف صارت هاتان الحادثتان؟ وفقك الله
5.
عضو قديم رقم 403097
05:48:03 2015.07.11 [مكة]
من رايي ان الشرطه سوف تعييد صياغته للفكره السواقيين ماخذين فكره عن الكفلا السعوديين انهم طيبين وينلعب عليهم لما ينسجن بسبب ارتكابه تخريب سياره الكفيل الحجز يوقفونه اسبوعين لين تتازل انت انت لاتتنازل اجلس 5 ايام على الاقل ولا تقوله عن وقت خروجه من الحجز خله يفكر اشغل تفكيره وهو طبعا بيدفعلك التعويض او بيقولك اخصمه من الراتب حتى لو يقولك اخصم من الراتب خله ينحجز اكثر وقت ممكن خله يعيد حساباته ويعرف انه على الاراضي السعوديه خله اول ما يطلع يحس بالنعمه الي هو فيها
6.
12:15:51 2015.07.11 [مكة]
قال الشرطه شرطة مين يبن الحلال انت بلكويت عشان تقول شرطه بلكويت اي اجنبي يحصل بين وبين مواطن مشكله يرحل على طول ويمنع من دخول البلد الشرطه هي الي خلتهم يتمادون وهي الي خلة العماله تستهين بلمواطن وتعرف ان مافيه احد بيحاسبها لو رحة لشرطه انت وياه قالولك انقل كفالته وخله يترزق الله ولا سفره لانك انت الي مسويله وضالمه وركبوك الخطاء الان عندنا سائق لس جاي وماشتغل الى شهر وهرب ورحنا لشرطه والشرطه تقول عمم عنه عشان ينزل من حسابك وماعليك منه قلة لهم طيب وخسايري عليه قال وش تبي نسويلك هاذا الحل عندهم توي مسويله اقامه وتامين وقيمة تاشيره ورخصه ونتضار الخراب مو من العماله العماله اكيد ماهم راحمينك لاكن مافيه نضام يردعهم شف الان اليمنين يدخلون الحدود مفتوح وهنا يقولون تصحيح وتلفونات شغاله اليمنين يتصلون على ربعهم بليمن هلمو ومابقي بليمن احد حتا الحريم والاطفال والشحاذين مابقي احد بليمن بتصير هيصه وبتكثر السرقه والمشاكل في البلد لو تروح للجوزات تشوف الزحمه كلوه ابو يمن ويدخل داخل الجوزات حتا مكتب المدير جالسين على كراسيه ويسولفون تقول بلعزبه وشلون ادخلو هاذولا وبهالكميه المفروض يحاسبون كيف دخلة شف المواطنه السعوديه الي هربه اليماني كانة تحاكم بليمن ليش دخلة البلاد بدون تصريح واليماني الي مدخلها وبو يمن السارق يتفرج على المحاكمه امام القاضي وكائن ماله اي ذنب
7.
عضو قديم رقم 403097
19:54:26 2015.07.11 [مكة]
اتذكر يا العويند قبل كم سنه رحت ابلغ عن رقم كان مزعجني يتصل ويفصل الخط يعني يتصل على 60 مره في ا ليوم فقط يتصل ولما ارد يفصل الخط بدون ما يتكلم رح اسوي بلاغ عليه في قسط الشرطه 7 عساكر كلهم قالو اطلع للاماره قدرا لقيت مكتب عنده مراجعيين ويتبين انهم يعرفونه او قريب لهم وجيته وقالي تعال بعد الصلاه وجيت بعد الصلاه وجلست معه وقالي انها من الاماره بس لو تعرف احد هنا يخلصها لك من عندنا بدون ما تروح فماكان ودي اكلم احد عشان موضوع رقم مزعجني فسالني هل تعرف احد قلت لا قال ابفزعلك وبعد يومين بالضبط لم اتلقا اي اتصال من ذلك المزعج سوف تجد من يصرفك وسوف تجد من يخدمك في النهايه الدوام الي يداومه الموظف في اي مكان بيتحاسب عليه انه في يوم ما خدم انسان محتاج خدمه اذا هذا رد الشرطه يالعويند اجل ما للكفيل الا انه يلشط السواق لين يخيل ثناه ويعض الارض بس صاحب الموضوع يقول انهم استقبلو بلاغه ومستعدين يحجزون السوااق على كلامه يعني زي ما قلتلك فيه موظفين يخدمون وموظفين لا