جميع الحقوق محفوظة ©
فايز المالكي يهدي سيارته البنتلي ل يوسف الأنصاري
الذي فقد أسرته كاملة في حادث سيارة وكان معهم لكنه نجا بفضل الله بيض الله وجهك يا فايز المالكي
بصراحة ما فيه مشهد يهزني مثل يتيم يعزي يتيم فايز المالكي ايضاً يتيم ودايم يتوجّد على أمه في تويتر
والحين يعزي يتيم فقد أسرته كاملة الله يعوضه خير ويصبره ويرحم أمهاتنا جميعاً
شاهدوا المقطع ع اليوتيوب
أسألكم بالله لاحد يتكلم عن السيارة ومن وين جات وكذا ..أنا سألتكم بالله ..خلوكم ايجابين وشوفوا
الجانب المشرق ف الموضوع ..
الله يجزاه خير
والله يثبت قلب يوسف اقسم بالله فقد الأهل مؤ بالشي السهل
فايز المالكي .. يوماً بعد يوم يثبت للكل أنه يهتم بالشأن الاجتماعي على حساب نفسة
وعلى حساب رفاهيته ك شخصية مشهورة
يا ليت يتبعه بقية المشاهير ...
مثل اللاعبين والفنانين و الشيوخ ( اللي طول العام في التلفزيون )
الله يجزاه خير
جزاك الله خير يافايز والله يرحم جميع موتى المسلمين
الله يجزاه كل خير ولكن السؤال هل البنتلي تنسيه لا والله ولا اموال الارض جميعها ولكن نحمدالله على نعمة انسيان
موقف رائع يحسب للأخ/ فايز المالكي فجعلها الله في ميزان حسناته يوم يلقاه ويصرفه عن مستنقع التمثيل.
والله يربط على قلب هذا الفتى الصغير ويعوضه خيراً ويجمعه مع أهله في مستقر رحمته ودار كرامته.
الله يجزاه الف خير ادخل السرور الى قلب طفل
الله يسعده مثل مااسعد هل يتيم والله اخنقتني العبره يوم شفت اطفل يقول بدعي له
والمقطع ماشفته الا الحين الله يرزقه ويسعده
الي يسوي خير
يسوية بالسر وبدون بهرجة اعلاميه
وماهو خسران شي بالسيارة جاته هدية بالطرارة وبيجيه غيرها بالحركه ذي
الي وده يزعل يزعل
ahmed_222 لا تأكل نفسك من الغيره والحسد .
من خلقت الدنيا والرجال تهدي بعضها بغض النظر عن نية المهدي والسبب.
فايز خلوق جدا ومتواضع والتقيت فيه بكذا مناسبه خصوصا مع الصديق الاعلامي نايف العلي بمقهي بجده كان يجلس فيه مع زملائه الاعلامين
انسان البسمه ما تفارق ومهو متكبر كان يسلم على الصغير والكبير
وان اشهد الله يجزاه الف خير وترا هو ما يبي الاعلام والبهرجه بس الى معاه نشبه يطامرون وراه بكل مكان يا رجال معاه واحد اذا كح فايز راح كتب بالجريده خبر فني اليوم الفنان فايز كح
عموما الله يجزاه الف خير وفايز مهو محتاج هدايا خذو العلم مني مجرد مجاملات صارت بينه وبين الوليد لان عرض مسلسل سكتم بمحطته وجابله الملاين فقال خلينا نعطيه ذا البنتلي مكافئه عشان السنه الجايه يقدم مسلسل ويعرضه بمحطتنا بروتانا يعني مصلحه
الله يجزاه خير
اتوقع انها عادة جنوبيه يهدون السيارات لاهل المتوفى من باب التعزيه
صاحب الرد رقم 10 . بقلم: الكاشف2010
اغار واحسده على وشو؟؟
على الضياع والدشرة الي الفنانين فيه؟؟
اغار واحسدة على الترزز وتعالوا صوروني وصوروا غيري لما اتبرع او اهدي واحد مفجوع او مصاب؟؟
يا حبيبي الي يسوي خير يسويه بالخفاء
ماهو تعالوا صوروني ورززوني علشان اصير عطوف قدام الناس
شفت انت من الي يزعلون ^_^
إنما الأعمال بالنيات وإنما لكل امرؤ ما نوى
الله يجعل أعمالنا خالصة لوجهه سبحانه
وفي بعض الحالات إظهار العمل فيه تشجيع للغير على البذل والاقتداء
اللهم زد وبارك اللهم لاحسد انا قابلت فايز اخلاق عاليه
الصدقة لها حالتان:
الأولى أن تكون جهرا وذلك بأن يقدمها المتصدق إلى المحتاج أمام الآخرين.
الثانية: أن تكون سرا وذلك بأن يقدمها خُفْية بحيث لايطلع على ذلك إلا المتصدق عليه والله تعالى عالم الغيب والشهادة.
وبينهما مفاضلة ففي إسرارها فائدة الإخلاص والنجاة من الرياء، وفي إظهارها فائدة الاقتداء وترغيب الناس في الخير، ولكن فيه آفة الرياء،
قال تعالى: {إن تبدوا الصدقات فنعما هي وإن تخفوها وتؤتوها الفقراء فهو خير لكم}[البقرة:271]
ومن هنا اختلف العلماء فيما هو الأفضل في صدقة التطوع فقال قوم: السر أفضل من العلانية وإن كان في العلانية قدوة، وقال قوم: السر أفضل من علانية لا قدوة فيها، أما العلانية للقدوة فأفضل من السر.
ف لنحسن الظن ب أخونا فايز المالكي .. والله لا يحرمه الأجر يارب
اللي اشوفه ان هذي السيارة ليست صدقه عشان يخفيها وانما هي عطية او هدية بالاصح لطفل مفجوع اسال الله ان يصبره
ولا باس بان يعلن في الهدية او العطية بعكس الصدقه.
الان بهذا الفعل اشار الى موضوع مهم لكل شخص معروف او مشهور او مقتدر بفعل الخير
الله يجزاه بالخير
