| جميع الحقوق محفوظة © دار تقنية المعلومات IT Dar |

عزمت واحد والواحد عزم واحد قصه غريبه صح تعال شوف

عزمت واحد والواحد عزم واحد قصه غريبه صح تعال شوف

انا كنت جالس اتقهوا وجاني واحد مااعرفه ماسلم بعد جلس ع طول وقالي عندك شاهي قلت ايه تفضل وهو يشرب ويتكلم كلام غير مفهوم يشطح شطحات وانا اقول في نفسي شكل المخدرات لعبه فيه ومسكين المهم شوي مر واحد مااعرفه انا بعد هذا الي جالس يناديه فلان فلان تعال تعال تقهوا انا استغربت من ذا اقول اقوم اطرده يعزم خلق الله ع حسابي ذا المهم جاء ذا خويه وجلس وقهويت بما انه عيب اني مااقهويه وهذي عادات العرب سابقا والكرم و جلس هو وخويه مع بعض يسولفون وانا طنشنوني حسيت وقتها اني قهوجي عند ابوهم .
انا كريم وارحب بالضيوف ولكن الطريقه لم تعجبني
المقصد بالقصه لو انت مكاني وش تسوي

كل الردود: 11
1.
02:01:12 2014.09.28 [مكة]
أقوم وأحاسب عن نفسي وامشي لانه مهوب كفو أني أكرمه الكرامه والحشمه والتقدير للرجال اللي تستحق فقط
2.
02:22:48 2014.09.28 [مكة]
كان عملت نفسك تكلم بالجوال او توصف لواحد مكان معين واسحب نفسك واتركه مع رفيقه براحتهم يسولفون مع بعض وانت عيش حياتك الطبيعيه وموقف وانتهى
3.
07:35:47 2014.09.28 [مكة]
أنت ما ذكرت المكان هل كنت في البيت - الخيمة - الديوانية - استراحة ....... حدد بالضبط
4.
08:58:53 2014.09.28 [مكة]
إذا عزمتهم وتطلب الشكر والمديح ,, غادر المكان واتركهم . أما إذا نويت في هذه الضيافة , الأجر والثواب من الله وحده ,, فلن تجد فيها مشكلة . والله الموفق
5.
09:01:15 2014.09.28 [مكة]
اتوقع كنت في كافي .. بس لو انا مكانك اقوم واحاسب عنهم وامشي .. اتركهم
6.
11:49:26 2014.09.28 [مكة]
هههههههههههه والله معليش كان سألته من انت بعد ما قمت معه بالواجب ،، المادة قد تكون بسيطة بس الموقف والاستغفال هو الغريب اما انه (يسوقها) عليك كذا وانت ساكت شي مضحك احتسب الاجر وانوي الصدقة بالمبلغ اللي دفعته
7.
12:03:52 2014.09.28 [مكة]
لا اسمح لي الكرم والظيافه من شيم العرب وعلوم الرجال بس ماهكذا تورد الابل شخص جايك من الباب للطاقه ويقعد معك لابد انه تبحرث في نفسه من طبايع الرجال وعادات العرب كذلك انك تشوف وش هو من لحيه وش هو من رجال حتى لو لقيت انه خرطي (وهو خرطي على فكره) لابد انك اما تبين له الشي ذا عشان تخنس نفسه الشينه او انك تشوف وشلون تصلحه وتوجهه مجالس العرب والرجال اوله كانت هذي اهدافها محاولة فهم حياة الشخص و وش توجهاته ومحاولة توجيه سير تفكيره ان لزم الامر اما العالات اشكال اللي جلس معك والرويبظات هذول ما يزيدونك الا خبالاً
8.
عضو قديم رقم 119994
15:42:56 2014.09.28 [مكة]
يوووووووووو تخيلت شكلك صاير براد
9.
عضو قديم رقم 113340
18:05:51 2014.09.28 [مكة]
المشكله .. انك اذا عزمت كم نفر وحددت لهم راس مثلا على اساس انك حاسبهم والعشاء او الغداء يكفيهم طيب ماذا لو جاء واحد ملقوف مثل رفيقك وعزم كم واحد معه او جابهم معه واخر كذلك يعني فارق العدد يلخبط حسبتك ويسود وجهك امام ضيوفك الحقيقيين اللي عشانهم عزمت العزيمه . واحيانا يجونك اخر شي يعني بعد احضارك للوليمه وبعد ما تقفل المطابخ يعني ما يمديك تجيب زياده . هؤلاء الملاقيف هم سبب التبذير اللي حاصل اليوم لدى الكثير من اصحاب العزايم .
10.
19:18:50 2014.09.28 [مكة]
حصلت قصة لمبتعثين في فرنسا يقول : عزمنا الفرنسي على العشاء ونحن ثلاثة لكن أتينا له أربعة بحكم أن لنا صديق بيخاوينا الفرنسي وضع لنا ثلاث صحون فقط حسب ما جهز نفسه صار الرابع محرج جدا يأكل مع خويه هههههههه انتبهوا لما تزورون الغربي
11.
19:33:46 2014.09.29 [مكة]
شكرا لكم جميع للمشاركه