| جميع الحقوق محفوظة © دار تقنية المعلومات IT Dar |

شخص نصب علي واخذ فلوسي

السلام عليكم


طلبت من شخص اعلان في قناة وطلب مني 15 ألف ريال وحولتها له
كنت اجمعها من الضمان شهور طويلة والاعلان بستفيد منه كثير
لكن ماسوى الاعلان وبعده صار يعطيني حلول للاعلان وتغيير طريقته
من القناة الى عرضه بطرق افضل ووافقت وطال الوقت وهو مانفذ المهمة
كل مرة يقول بعد كم يوم بسوي وهكذا والان مر تقريبا ثلاث اشهر
طالبته بفلوسي يرجعها وجلس يماطل بأعذار وبالاخير تأكدت انه
موب ناوي يرجع لي فلوسي هددته بالشرطة ما اهتم
وانا قسم بالله محتاج الفلوس ما املك الا ألف ريال وابي اشتري سيارة
مشاويري على الليموزينات

انا طلبكم يا اخوان انكم تساعدوني
اما تدلوني على شخص يقدر يطلعها منه وله ألفين ريال
او تعلموني وش اسوي

الادلة اللي معي ضده فقط محادثات كاملة عبر رسائل بحساباتنا في تويتر
والتحويل كان عن طريق تسليمي المبلغ باليد لموظف الراجحي
وايداعه في حساب النصاب مباشرة يعني موب من حسابي لحسابه
لاني سحبت الفلوس من صرافة الضمان .. دلوني داخلين على رمضان
احتاج سيارة حرقتني الشمس وانا واقف انتظر الليموزينات

مشكورين الله يعافيكم

كل الردود: 17
1.
12:13:37 2015.06.11 [مكة]
مدري لكن المسالة فيها انا تقول ماعندك الا 1000 ريال وماخذ من الضمان ورايح تعلن في قناه ب 15 الف ريال انت غلطت ومارح ترجع فلوسك لان مافية اي مستند المحادثات في التويتر ماهي مستند ولا يوخذ فيها ولكن انصحك تروح لاحد المحامين تستشيرة ولا قل له بفضحك في التويتر وبنشر رسائلك هذا اللي اقدر اساعدك فية
2.
12:41:03 2015.06.11 [مكة]
احد المحامين بيطلب مبلغ كبير وانا ما اقدر الا على 2000 من نفس المبلغ اذا رجعه لي المبلغ كسبته من المقطوعة السنوية حق الضمان وعليها اوفر من كل شهر شوي وانا كان غباء مني اني ما اكتب بيني وبينه عقد لانه من قناة دينية معروفة توقعت ان كلامهم كله صحيح قال الرسول وقال الله والظاهر لو وثقت بمطرب او ممثل كان افضل لي عالاقل الصدمة اخف
3.
عضو قديم رقم 95545
12:53:26 2015.06.11 [مكة]
عند ايداع المبلغ في البنك يعطونك ايصال فيه اسم المودع ورقم حساب المودع له وهذه حجة تكفي لاقامة الدعوى مع الرسائل التي تقول انها متبادلة بينكم
4.
13:15:34 2015.06.11 [مكة]
حسبي الله ونعم الوكيل على كل من يستغل حاجه انسان لجأ اليه .
5.
عضو قديم رقم 332898
13:50:59 2015.06.11 [مكة]
السلام عليكم ورحمة الله وبركاته 1-الله يخلف عليك إن لم تحصل عليها واحمد الله ناس راحت لهم ملايين ومئات الوف وتعزى بهم 2-خذ كشف حساب من البنك ومعلومات للمحول اليه لو عن طريق واسطة لأن برقم الحساب تعرف الرجال وموقعه وجميع بياناته 3- قدم على الامارة دعوى على الرجال وفيها بياناته 4- اذا تحولت للمحكمة يعطيك يمين ( تمحقه ) أو يعطيك حقك هذا الي عندي والله اعلم
6.
16:01:51 2015.06.11 [مكة]
الله يجزاكم خير .. كنت اتوقع ان الايداع مافيه شي يثبته طيب بسوي اللي نصحتوني فيه ويارب اتوفق لو منب محتاجها ماكنت طاردته بس الله يجيب خير حسن النية بهالوقت تسمى دلاخة ولها ثمن يندفع
7.
17:19:51 2015.06.11 [مكة]
بسم الله اخوكم ابوعبدالله انا اتكفل بالمهمة ولاابي شي ابي بس الدعاء منك يااخت ارسلت لكي الطلبات بالخاص دعواتك بس لنا
8.
20:16:11 2015.06.11 [مكة]
(خفجاوي) ... الله يوفقك ويتمم مساعيك بالخير نعم رقم الحسا المحول عليه يكي بزيادة حتى لو لم يكن له يأتي به قطعاً ، ي أقل من شهر يكون حقك عندك بإذن الله رقم الحساب في ورقة مستقلة. شرح بالمهمة التي من أجلها تم الاتفاق صورة واضحة من وصل الإيداع البنكي ولا مانع من صوة من المحادثات على ورق. ففي الإمارة التي تتبع لها قسم يختص بهذه الأمور
9.
23:32:43 2015.06.11 [مكة]
ما يضيع حق وراه مطالب ... الخطوات معروفة إذا معك ايصال الايداع في البنك .. كذا معاك رقم الحساب وإثبات الايداع وحساب تويتر اذا بإسمه الصريح ان شاءالله مثبت عليه .. تصور المحادثات كاملة وترفقها في القضية ...
10.
14:36:49 2015.06.14 [مكة]
zmzm2 ماهر32 Om3mory وليداحمد0 خفجاوي TheAdvisor الله يعطكيم العافية جميع على تعاونكم ومساعدتي بتقديم النصح عطيتوني الامل الله يعطيكم العافية الاخ خفجاوي : ان شاءالله راح انفذ اللي نصحتني به
11.
04:58:55 2015.07.05 [مكة]
تم التواصل بين احد اقربائي و اخ الرجل والحمدلله وعدني اخوه بتسديد المبلغ لكن بالتقسيط ووافقت مرغم اخاك لا بطل .. برايفت اخ خفجاوي : ياخوي ليش وعدني بالمساعدة وانقطعت فجأة مع اني وافقت على الاتعاب وهي ألفين ريال .. عسى المانع خير .. انا اقول يمكن انشغلت والغايب حجته معاه عالعموم مشكور بكل الاحوال
12.
09:05:21 2015.07.05 [مكة]
معليش اخوي انا بجي عكس الردود كلها اللي هم معاك وانا بكون ضدك خير ان شاء الله ؟ كيف تثق الثقه العمياء هاذي بشخص ماتعرفه وتقوم تحوله كذا بكل سهوله ؟ ياخي انا اروح اشتري مكيف وادفع الفلوس بالمحلص واخذ ايصال وفاتوره ومختومه ومبصمه وكل شي ومع ذلك اكون حذر واحس انه ممكن يجحدني .. وانت بكل سهوله كذا تحوله الفلوس ومافي بينكم ولا اوراق ولا حتى قابلته !! الخطا عليك انت (فيس معصب) معليش انا عارف ان هذاك نصاب وكل شي بس برضو الانسان لازم يكون حذر .. ياشيخ انا ادخل مستعمل ويكون نفسي بنظاره ولا شغله ثانيه واول مايقول لي حول وبعدين ارسلك البضاعه ابطل واقول مو لازم
13.
07:17:58 2015.07.08 [مكة]
معك حق الكل قال كذا لكن صدقته لانه جاي من قناة دينية معروفة وبرنامج مشهور يشرف عليه مشايخ وكان حسابه مليان بالاذكارات والحث على الخير وصدقته لانه عقد الصفقة واقسم باني ماراح اندم وحقي محفوظ مشكلتي اصدق باللامنه حلف بالله حاليا توقف قريبه عن الدفع حسبي الله على الشخص مو على قريبه انا استاهل
14.
16:07:00 2015.07.08 [مكة]
الله يعينك ويعوضك خير طيب ليه ماتشهر فيه في هنا وبكذا موقع لان اللي مثله مايستاهل اللي يداريه ويستر عليه وعلشان يتوب بعد مو يستغل طيبة الناس والظهور بمظهر حسن وهو من جنبها لاذمة ولاضمير حسبي الله على من اخذ مال حرام
15.
17:19:13 2015.07.08 [مكة]
خذ اوراق التحويل من البنك وسوي شكوى فيه وبيجيبونه لو انه خارج دولتك .
16.
16:05:21 2015.07.09 [مكة]
شهر فيه وش اسم القناه خلنا ننتبه و نفضحه بحساباته و قناته خل الناس تعرف حقيقته و تطيح شهرته
17.
عضو قديم رقم 423528
17:58:45 2015.07.09 [مكة]
شهر فيه وافضحه