| جميع الحقوق محفوظة © دار تقنية المعلومات IT Dar |

سوو خير دلوني على مطبعة

السلام عليكم

يااخوان ابحث عن مطبعة بالرياض لطباعة ملصقات على منتجات مؤسستي

جربت مطابع كثيرة ولكن للأسف طباعة رديئة والوان باهته غير كذا يقومون بالطباعة على A4 وبعدين يقطعونها حسب المقاس والطريقة هذي اعتبرها بدائية والمشكلة الثانية ان اللي يعملون بالمطابع مستحيل يدلك على مطبعة احسن منه

او تجد من يستغلك بأسعار فوق المعقول مع ان الشغله ليست مكلفه ما ادري هل هو استغلال لعدم معرفتنا او ان الشغله فعلاً مكلفه جداً


تكفون ابي مطبعة ممتازة بالرياض بشرط تطبع الملصقات على شكل رول اريح واحسن

نفس الصورة المرفقة .. وجزاكم الله خير الجزاء

الردود
مواضيع مشابهة
الكل: 9
1.
06:46:30 2016.05.02 [مكة]
وعليكم السلام ورحمة الله وبركاته انا ماعرف بصراحة .. ولكن حبيت اضيف على موضوعك إقتراح بسيط .. اذا تعرف احد خارج المملكة في احدى الدول العربية مثلاً مصر او السودان او الأردن أو لبنان ممكن تكون تكلفة الطباعة جودة عالية وسعر اقل من هنا ويرسلها لك بريد ..
2.
14:17:25 2016.05.02 [مكة]
تفضل اخي الكريم ارسلي طلبك ونحن نتعامل مع افضل مطابع بالرياض
3.
23:54:43 2016.05.11 [مكة]
خطوات الابتكار التعامل معك معقد شكرا لك لازال البحث جاري معقوله مافيه مطبعه كويسه بالرياض
4.
09:53:09 2016.05.12 [مكة]
يقومون بالطباعة على A4 وبعدين يقطعونها حسب المقاس والطريقة هذي اعتبرها بدائية كيف بدائية؟؟؟؟؟؟؟؟؟؟؟ الورق الي يجي المطابع حجمه A3 وفيه اكبر حسب الطلب كل المطبوعات تنطبع على شيت كامل وتتقطع بجهاز ليزر طباعه الاوفست تلاقيها عند وكالات الدعاية والاعلان
5.
14:06:50 2016.05.12 [مكة]
اخوي ..ليش انت ماتطبع بنفسك ... المسألة بسيطه ....طابعة نوع زيبرا مخصصة لنفس مقاس طلبك ... وكمبيوتر .... واطبع زي ما تبغى من العدد .
6.
21:33:58 2016.05.12 [مكة]
رد رقم 4 هاذا الي حاصل حاليا يطبعها في ورقه و يقطعها ب المقص و تصير مثل لزقات حقين الصطحات رد رقم 5 اذا كذا يبيله سنه و الرجال يحتاج طابعه الكترونيه كبيررره من الي تضبط لوحات المحلات و يضبطون له مجموعه
7.
13:23:22 2016.05.13 [مكة]
اخوي... انا عندي طابعه زيبرا... في العمل... واطبع آآلاف الملصقات... في دقايق.... وبشكل الي يعجبني... المسأله بسيطه... بس مو كل واحد يعرف عن امكانات طابع زيبرا..... اسأل عن طابعات زيبرا... وعملها واداءها.... وبتعجبك..
8.
02:00:53 2016.05.19 [مكة]
رد رقم 4 باحبيبي طباعة الاستكرات الخاصة بالبضاعة تكون على شكل رولات يسهل التعامل معها وليس كما ذكرت A4 وتقطع هذا شغل مطابع بدائية وليست حديثه رد رقم 7 طابعة زيبرا اللي اعرفه انها خاصة بالبركود وتكون احجام صغيرة جدا الاستكرات اللي ابيها تكون بحجم متوسط كتابة اسم المؤسسة واسم المنتج وعبارة توضح المحتويات في العبوة المقاس المطلوب او قريب منه يكون 6 سم في 8سم تقريباً ايضاً تكون ملونه اشكر لكم جميعاً مشاركتكم
9.
10:12:32 2016.05.19 [مكة]
اذا تبي المقاس المطلوب وتكون اطرافها مو حاده يعني مدببة وتبي كميه لا تقل عن عشرة الاف انا اوفرها لك الحبة 25 هلله مهمتك بس تلصق