سود الله وجه السفارة السعوديه

صبحكم الله بالخير والسرور جميعا
انا مع كلام فيصل 100000%
السفاره لخدمة مواطنيها في وقت وعلى مدار 24 ساعه
والا وش عملهم
والشي الي اهم من كذا ان العالم الي اتصلو بسفارتهم
مفروض يجي ويتخاطب مع مسؤولي المطار والبحث عن راحتهم لابارك الله فيهم
وانا باقول لكم بقصه صارت لاخوي راح للكويت وصار له حادث
المهم كان معه 5 اشخاص ونقلوهم للمستشفى
وطلبنا لهم اخلاء طبي نرجعهم بلدنا لان خسرو واجد في اجارات
ومن هالكلام تتوقعون ان سفارتنا هناك والا هنا تفضلو باخلاء طبي لهم
لا والله الا سويت لهم اخلاء بطائره من الكويت بمبلغ وقدره

اشكر كل من ايدوا الحق وتكلموا بالكلام المنطقي والعقلاني ..

واقول لابو هياف ايش بك شردت والا انت من موظفين السفاره .

يارجال اجر وعافيه وتخفيف ذنوب مشاهدة السينما والاماكن كلها مشتاقه لك تخفيف ذنب ومغفره

دبي لاتنفع وقت الاجازات كل السعودين هناك زحمه وفوضى ومناظر تخدش الحياء

بقيمه التذاكر توديك شرق اسيا نظيفه ومحترمه

عموما هذا درس لكم

فيصل الاف الركاب قاعدين مالقو حجز ولا ينتظرون الشركة اللي انصبت عليهم اذا على نصب وكل السفارة وارجع بكرامتك ولاتقعد تسدح وتبطح كنك من العمال اللي يجون بالمطار وتقول لسفارة وينها تطمن على تراك منسدح بكيفك مو مغصوب ولاانت مريض ولا انت فقير وجاي تعالج سياحة ومفخفخ عمرك من جيبك في مكان اقل غرفة فيه بـ 500 ريال لليوم اغلى من تذكرتك لاتذل نفسك بختصار لو في مكان خطر ولا فيه حجز ساعتها اعتب على السفارات .. بس اكثر شي عجبني بالموضوع ان اي احد يشوفك غلطان يطلع موظف سفارة على قولة المصارية من بؤك لباب السما

ابو هياف ..
قال ثور قال احلبوه صدقني انك قاعد تقول كلام ما تدري ايش معناه ع العموم شكرا على مرورك ونحترم وجهة نظرك

الا سود الله وجه اللي ما يحترم نفسه واهله وناسه وبلده
واعتقد رد 8--9 عطوك الزبده

سفاره ما عندها سالفه مفروض يشيل لحافه ويجيك ينام معاك في المطار عشان ترضى
السفير واعضاء السفاره عندها اهم من سياحتك والكلام الفاضي اللي جاي تقوله
اسال الله العفو والعافيه

جاك المطبل الثاني شكله نفس الشخص ب معرف ثاني .... ايش الاشغال اللي عندهم ممكن تتحفنا يا ابو العريف ؟؟؟؟ ثم احنا محترمين نفسنا واهلنا غصب من على خشمك وتكلم بادب

فيصل انت ياعبيط ياتستعبط جد يتطمنون السفاره على الاف السعوديين على قولتك بالمطار وكل رحلات فلاي 3 في اليوم اللي انهانت كرامتهم وتسدحو لسعودية وطيراتهم خابرينها نفس ناس ان كثرو 200 مسافر اذا فل يعني بتفهمني الازمة هذي بسبب عدم توفر حجوزات ولاطفرو الحبايب كالعادة
اذا نصبو عليك شركة ارفع شكوى لسفارة وبتاخذلك حقك ونروح ونجي ونشوف تعاملهم لاصارت على الواحد مشكلة امنية اولا طلبت مساعدتهم كان يمدي المتخلفين اللي هاينين كرامتهم عشان ست مية يشتكون ويرجعون على اي رحلة اما يتسدح وتبطح برا جد تشويه لصورة السعودي بعذر الناس مايحترمون السعودي لاشافوه برا عينات اللي تسدحو بالمطار جوهم
على فكرة فيصل فيك وسواس قهري شوي موظف بسفارة وشوي لي معرف ثاني يعني اذا احد اختلف معك تفكر بنظرية المؤامره ههه استغفر الله بس لايتطور الموضوع عندك احسن النيه والظن بناس عشان يحسنونها فيك
بنهاية لو كل من انصب عليه بتذكرة او تاخرت رحلته انسدح بالمطار وقال وين السفارة ماتطمن علينا مو مواطنين عزالله ان يوظفون في كل دولة فوق التسعة الاف موظف ويمكن مايلحقون .. اشتكهم بسفارة وارجع ديرتك في اقرب حجز وتابع شكواك بترجعلك فلوسك

ودي ارد عليك بنفس لفظك بس احترام لنفسي وللاعضاء اترفع عن الكلام الرخيص
واذا ودك تعرف المهمات والمصاعب اللي يواجهونها بالسفارات سياسيه وامنيه وتجاريه ومتابعتك اذا احتجتهم فاتمنى يوم تعمل بسفاره فقط يوم مو بشان شركه تنصب عليك وعلى غير تسود وجوههيهم الله يصلحك
وباستطاعتك ترفع شكوى على الشركه وتتابع شكواك
بس اذا فيك الجراءه والشجاعه جاوبني
انت سفير او قنصل او الرجل الثالث لن نقول موظف وحصل هالمشكله من شركة الطيران
في صومتك وصلاتك ماذا تعمل هل تروح لهم المطار وتنام معاهم فشخره اعلاميه
ياشيخ حنا الله اعطانا العقل وعارفين وش الاجراءت اللي بتحصل الله يهيدك بس ويسامحك وخل خشمي وخشم محشوم

ابو هياف ما قلت لك انك ما تدري عن السالفه .... ايش عدم توفر حجوزات ؟؟؟ انا حاجز وحجزي اوكي وكنسلو الحجز ولا اعطوني اي خبر متى بيعملون لي حجز ثاني وما لقينا احد من الشركه نتفاهم معه والسفاره ماحد رضي يجي يشوف لنا حل ... اتمنى تكون وصلت الفكره

ابو فيصل رجعت تغلط وتقول هاينين كرامتهم وانا اقدر ارد عليك واوقفك عند حدك بس ايضا احترام للاعضاء ما برد على هالكلمه .

اسال الله العليم القادر ان كل من دافع عن اخطاء هذه السفاره الفاشله ان يحصل له مثل ما حصل لنا وسوف يحس بما احسسنا به .

كل كلمه والثانيه يقول التذكره رخيصه ب 600 ريال طيب لو كانت التذكره ب 10000 وقتها بيكون من حقي يجيبون لي مسؤل يتفاهم مع شركة الطيران ويرجعني بلدي ؟؟

يبدو انك تقرى بالمقلوب
اسال الله العفو والعافيه
دقق في ما قلت وتاكد او استعين بمن يساعدك
وش توقفني عند حدي تكفى ياشيخ الله يخليك
سبحان يعني ما نختلف في وجة نظر الا خلاص انت عدوي وعدو ابوي وجدي
ارقو بتفكيركم وخلو ادب الحوار السائد بيننا
لا تجبرونا على ترك هالمنتدى الرائع
سبحان الله وبحمده سبحان الله العظيم

ياخي كيف ارقى بتفكيري وانت تسبني ؟؟؟

اخي الكريم ،

ما في شك ان السفاره قصّرت في الأهتمام برعاياها ، ولكنه يعتبر بسيط وغير مباشر ،

والموضوع ليس له علاقه مباشره بالسفاره بل في شركه الطيران التي لاتعرف كيف تدير طائراتها ،،

والواجب على كل مسافر أن يختار شركة طيران راقيه في تعاملها حتى لو كلّفنا هذا الكثير من

المال فقد قيل .....

أصون عرضي بمالي لا أدنسه ### لابارك الله بعد العرض في المالي

على كل حال هذه أخطاء تحصل وورده في كل بلد حتى في شركة الطيران السعوديه ،

وبما أنك خضت تجربه محزنه خارج الوطن ، فنتمنى ان تفرحنا في القادمه بالسياحه داخل الوطن ،،

فيصل واضح من ردودك وبدون زعل ماعمرك دخلت سفارة برا عشان كذا ترد السفارة مقصرين بختصار اذا بتعرف مشاكل السفارات برا ادخل قسم شرطة في اي حي واعرف انه يجي لسفارات مشاكل لها اول مالها تالي والعسكري اللي في مراكز شرط السعودية اهون من اللي متوظف بسفارة خارج السعودية ( في اغلب بلدان العالم مو في الكل ) .. وياليت تقرا الردود بدون تشنج السفاراة مقصرة لو احد قدم شكوى كتابيه لها وفيها صورة من التذكرة وبطاقته او جواز سفره ولا جابتله قيمة تذكرته وبنفس الوقت المسافرين ذولي متسدحين بالمطار يتصلون على السفارة يبونها تجي وهم ماوصلوها ولا حتى فكرو يحجزون على اي خطوط ثانيه منتظرين السفارة تسكنهم بفنادق وتتفاهم مع الشركة قيمة التذكره قلناها من باب ان فلاي دبي شركة فاشلة ولا لو حجزت بعشرة الاف ريال قيمة تذكره وصار معك نفس الموضوع بيكون الرد دبسها في صورة بطاقتك وودها لسفارة وحط رقم حسابك بيرجعون لك فلوسك وانت احجز على اقرب رحلة بدون كل التسدح بالمطار ..
يعلم الله اني مو موظف في الخارجية بس شهادة حق انهم مايقصرون اذا نصيتهم في مشكلة .. وقد تعاملت معهم في الهند ( مشكلة مكتب عمال رفض يسفر العمال اللي متفق معاه وخلوه يسفرهم غصب ) والمغرب ( فندق حاجز من عنده غرفه ومسدد ولقيت حجزي مكنسل وفلوسي مارجعت ) السودان ( مشكلة في سلاح وصيد اكثر من الترخيص ) هذا تعاملي معهم فقط وكانو بصفي مع اني غلطان في بعض الامور ولاتخلو عن حقي ورجعت وانا راضي.

يا خي متسدحين بالمطار في وقتت رجوع المسافرين من بعد الاجازه ولا فيه رحلات ... ليش الاجرائات الروتينيه وتقديم خطاب شكوى ضد الشركه ومشاوير للسفاره وحب خشوم وتذلل عشان يقومون بواجبهم ؟؟؟
لو جا واحد منهم وعرف المشكله اللي احنا فيها وتفاهم بصفته الرسميه مع الشركه واعطانا الزبده اما ان ما فيه رحلات وبيتم تسكينا على حساب الشركه او يحددون وقت معين للسفر او يقولون مالكم عندنا شي ونقول امرنا لله ونرجع بلدنا بالبر ..
اتمنى ان تفهم قصدي ... يمكن ما وصلت لك الفكره بان من واجب السفاره ان ترسل من يحل المشاكل او يساعد في حلها في مكان حصول الازمات وهذا النظام في كل دول العالم المتحضره والفاهمه لحقوق مواطنيها .. والحكايه ليست حكاية خطوط رخيصه او غاليه فالموواطن هو المواطن سواء ركب مرسيدس او ركب كامري كما قال احد الاخوان بالردود السابقه .

انا ما سبيتك اطلاقا
شوف كلامي وتاكد وش اقصد
هل انت ما تحترم نفسك واهلك وناسك وبلدك
هذه شتيمه
ولا بارك الله فينا اذا كنا بهذه الصفه يافيصل
فتاكد اخي الفاضل انا ماني متعود والله يطلع مني اي كلام سوقي لاي شخص
الله يوفقك اخر در بهذا الموضوع

ع العموم اشكرك على مرورك واذا كان الكلام اللي قلته ماهو سب اجل ايش تسميه ههه بس ع العموم الله يسامحك انت والجميع .
سبحانك اللهم وبحمدك اشهد ان لا اله الا انت استغفرك واتوب اليك .