سود الله وجه السفارة السعوديه

الله يكون بعونك

لو انك مسئول كان اهتمو فيك لكن الى الله المشتكى

والنعم فيك يا فيصل واحنا مصدقينك وكلامك كله صح

عموما يا الغالي نصيحتي لك يا ريت كنت حجزت بطيران افضل حتى لو كان غالي

لان معروف طيران فلاي دبي ارخص طيران بس ازبل خدمات اسئلني انا

انا سافرت لوحدي وتبهدلت فيها ما بالك لو معاي عائله

هذي الشركه فقط ما تجذبك الا بالاسعار الخرافيه اما الخدمات سيئه

بعد كذا تجربه لقيت اني الافضل احجز بطيران افضل واغلى وهذي لراحتي اولا وعدم التاخير

افضل طيران الاماراتيه والقطريه مافيها مشاكل الباقي لك عليها شوي

عموما يا الغالي هذي تجربه واتمنى تستفيد منها المرة الجايه على طول احجز افضل طيران وريح نفسك واهلك

اما السفاره بالامارات ولا بغيره والله ما عندهم ما عند جدتي والله لا يحوجني لهم في يوم
واقسم بجلال الله سافرت مرة وكنت مرافق لاحد الامراء الدرجه الثانيه

على طول تم ارسال مندوب من السفاره وجلس يتميلح عند الامير لمن اعطاه شرهه

فعرفت ان المندوبين واغلب الى بالسفاره ما يروحو الا لاصحاب المناصب والامراء كله عشان الشرهات وكم قرش اما باقي الشعب لهم رب كريم ما ينساهم

الدنيا بالوجيه والاخره بالاعمال

فيصل رايح لدبي ودافع قيمة السكن والتسوق اللي هو اغلا من التذاكر واخرتها فلاي دبي اللي تبيع موية الصحة بطياره ركبت فيها مره مالقيت حجز وكرهت اليوم اللي سافرت فيها يازين طيران ناس بجنبها عموما الفشل من الشركة ومستحيل السفير يسويلك شي وش تبيه ييسوي يقول غيرولهم على طيران الاتحاد ولا وش بزبط لو المشكلة امنية كان معك عذر

لو كان في امريكي معكم هههه كان علوم وفلاي دبي منظمة ارهابية ويمكن تقصف مقرات الشركة بطايارت بدون طيار وتجميد (سرقة) اصول اموال الشركة بالخارج الين يخرج امير الامارات ويعتذر لكم ويسدح لكم اعضاء مجلس ادارة فلاي دبي ويخليهم يبوسون الايادي طبعا يد الامريكي بس وتعويضات بالملايين لين يرضى

الاخوان الي يقولون وش سفرك هل السفر للسياحه فيه شي ؟ هل تبغني اجلس على طول في هالديره ما نصدق تجي اجازه عشان الواحد ياخذ له نفس لو تروح لاي مكان في المملكه صرفت اكثر من برى المملكه وخدمات سيئه وبالنسبه للسفارة للاسف كل الدوائر الحكوميه نايمة بما فيها السفارات .. واي واحد راغب في السفر خذلك طيران عليه الكلام ملتزم في وقته و مواعيده حتى لو فيه زياده .

هذا ردي على موضوع مشابه في الموقع :

الامر جدا عادي وسلامة الارواح فوق كل إعتبار ..
للعلم أن مطاري دبي و الشارقة من المطارات الحيوية التي تشهد كثافة في الطيران رغم أن المسافة بينهما 20 كيلو متر وتقريبا بمعدل 5 دقائق تهبط وتقلع طائرة ، إذا كانت الرؤية شبه معدومة وسمح لعشرات الطائرات ان تحوم فوق المطارات فماذا سيحدث ؟؟؟ الرحلات جميعها مجدولة فإذا حدث اي ظرف فمن المؤكد أن جميع الرحلات سوف تتأثر ..
الغريب في الأمر أن طيران السعودية الفاشل على مستوى شركات الطيران بشهادة العرب والعجم وكذالك حسب تصنيفات الطيران لم يجد من يتجرأ ويقاضيه لعلمهم من يمتلك الخطوط السعودية وأيضا لعلمهم أنه لاتجرؤ أي جهة حتى وزارة العدل نفسها أن تقاضي شخصية منهم فلماذ لانرى إلا إظهار التذمر من الخطوط السعودية بينما الخطوط الاخرى نضع اللائمة عليها وكأنها سكك حديد لاتتأثر بأي ظرف ؟؟؟؟؟ ناهيك عن الوجبات المقدمة مع الصراصير والشعر والمياه الآسنة وإلغاء الحجوزات المتعمد بعد التأكيد كي يستنى لهم نقل أحد الشخصيات الهامة كما يزعمون على الخطوط السعودي !!

إذا حدث مثل هذا الامر في المستقبل فنصيحة للكل .. تقدم بشكوى لإدارة المطار مع المطالبة بإلغاء الحجز وإسترجاع المبلغ كاملا ثم التوجه الى مطار أبوظبي ويبعد 100 كيلو عن دبي وهناك ستجد عدد من الخيارات سواء المباشرة او (ترانزيت) طيران الاتحاد يغطي جميع المطارات الدولية بالمملكة وايضا طيران السعودية والذي لاتجد على الطائرة الا عدد ضئيل من الركاب ..

تمنياتي للجميع سعادة الدارين ..

افضل رد الى الان رد الاخ نواف رد رقم 24
اللي يقول اتمشى بالسعوديه اقول له جرب رح دبي قسم بالله انها بلد تخلي مخ الواحد يدور من جمالها وتنظيمها واسعارها نوعا ما معقوله مقابل خدمات 5 نجوم لاكن تعال رح على طريق الساحل وجنب بهالاستراحات -- قسم ان دوراة المياه اللي على الطرق السريعه بالامارات انها انظف من غرفة الطعام اللي بها الاستراحات -- ايش اقول وايش اخلي بلد بكل ناحية مشروع يشدك ومنظر ياسرك بجماله شوارع نظيفه ووسيعه محطات منظمه انيقه مترو ينقلك كانك في طائره لاي مكان اكبر سوق بالعالم اكبر حوض سمك بالعالم اكبر جزر صناعيه بالعالم -0- هنيئا لكم يالاماراتيين بدولتكم اللي اسميها 5 نجوم وهنيئا لنا بالسعوديه بمكه والمدينه واما الباقي فهي ما بين اراضي مشبكه ومشاريع متعطله وواسطات .

كان الله في عونك

نصيحة لكل ما يسافر سواءً كنت تسافر مره واحده في السنة
او من المعتادين للسفر بشكل مستمر

هنالك تأمين السفر الدولي

نوعين

النوع الاول محدود المدة

والنوع الثاني سنوي

يغطى حالات تأخر في رحلات السفر او الغائها او ضياع الامتعه او الحالات الطارئة التي تحصل بالسفر
وأيضا يغطى مصاريف العلاج الطبية الطارئه والحرجه لمدة لا تتجاوز 60 يوم خارج المملكة

ولمزيد من التفاصيل تواصل معي

لاحول ولا قوة الا بالله
الم تعتقد بأن الله كاتبلك هالشي عشان انك رحت تتمشى وتغير جو من الترف والمسلمين في الهند وسوريا وغيرها يقتلون وتنتهك اعراضهم وهذا تذكير بسيط من الله بالجوع والخوف والبلاء الذي يصيب غيرنا ونحن في غفلة نائمون
الكلام لا يخصك يا اخ فيصل لحالك يخصك ويخصني ارجو العذر قرئت تئلمك مما اصابك وتذكرت ما يصيب المسلمين من غير ترف

دامك تدور السيمنا تحمل ما يجيك كان قضبت ارضك وجلست في ديرتك معزز مكرم

دامك تدور السيمنا تحمل ما يجيك كان قضبت ارضك وجلست في ديرتك معزز مكرم واخرتها تحط الوم على السفاره

مع الاسف الموضوع خرج عن نطاقه
ويوجد عدد كبير من المنافقين يسلكون لبعض

وشكرا

اشكرك اخي الفالح وضعت يدك على الجرح . واذا كانت السنما حرام لماذا لا تمنع محلات الفديو اللي فيها فضائح مع العلم كل افلام السنما مراقبه ولا يوجد فيها اي لقطات فاضحه الا ما ندر للامانه . والموضوع فعلا خرج عن سياقه ماعلينا من السنما قصدي ليش ما يفعل دور السفاره في خدمة المواطنين .. واكرر شكري وتقديري العمييييق للامارات اهل الشهامه والكرم والطيبه اللي تحملونا وتحملوا غلطنا ورفع صوتنا عليهم بكل ادب وتعامل راقي لاكن عتبنا على ربعنا اللي ما حسسونا بقيمتنا ولا بانسانيتنا .. واقول للي داخلين الموضوع يطبلون ويزمرون ترا حتا كبار المسؤلين بالدوله يتمشون برا وبعدين حنا وين رحنا حذفة حصاة عند جيرانا واخوانا واللي يبي الفساد بيلقه بالمدينه اللي هو فيها فارجوا منهم يكبرون عقولهم ويعرفون ان من اقل حقوقي كمواطن ان اجد مسؤل من السفاره يقف بجانبي ... اقسم بالله ان رائد اماراتي واقف يهدينا ويحاول ينهي مشاكلنا حتى دخل معانا الطياره وتطمن علينا وخلوا الشركه تعطينا الوجبات بالطياره مجانا وبالمطار مجانا ومشاهدة كل الافلام الموجوده مجانا . ومسؤلين السفاره اللي عرف ارقامنا صار ما يرد والسفاره مقفلين ,, انا اقترح يقفلونها ويوفرون رواتب موظفينها اصرف من الترزز ع الفاضي .

فيصل ردك عجيب غريب ذكرتني بسالفة المصارية اللي كسرو مطار جدة
يعني هذا همكم وجبات وافلام بطيارة لو بحلف لاقين حجوزات على طيارات غير فلاي النصابه بس اغلبهم يبون التسدح والتبطح وعلى قولتهم دافعين قيمة التذاكر ولو اني مكان السفير والله ثم والله لقول حقهم وماجاهم شعب مهايطي يدفع فوق الثلاثين الف قيمة مصاريف وتذاكر من ابوست مية ذهاب واياب اللي راح لسفارات وشاف مشاكل السكارى ولا الطفارى اللي يسافرون وتاليتها ينصون السفارة تدفعلهم قيمة الرجعه ولا سواد وجه بعض شبابنا ومشاكلهم مع الشرط وش بتلحق السفارة المسكينة عليه وردي ماهوب تطبيل بس شي ينشاف للي يسافرون برا ويعرفون مشاكل شعبنا الفاضل

شعبنا شعب راقي ومتحضر وفاهم اللي له واللي عليه والسكارا لو يبون يسكرون بيسكرون بالسعوديه كل شي متوفر للي يبيه بعدين اي انسان بيسافر بيدور ارخص خطوط دام كلها كرسي ويوصله للمكان اللي يبيه بعدين مهايطين بفلوسنا ما اخذنا من جيبك انت وسفارتك شي .. واي نعم بننبسط وبنسافر ... ثم انت تدين السفاره بكلامك الملخبط يعني يوقفون مع السكارا ولا يوقفون مع مسافرين محترمين ؟ ؟؟
اتوقع انك من موظفين السفاره اللي يحاولون يدفعون التهمه عنهم لاكن اقول لك رح نام والله لو تتسدحون لين الصباح ماحد حولكم ولا بيحاسبكم الا رب العالمين . واسال الله سبحانه ان يورطك برحله تطلع فيها ريحتك من التاخير وتعرف بعدها بشعورنا وتتمنى فراش السفاره يجيك ولا يعطيك وجه ولا يجيك .

فيصل السفارة موجودين لخدمتك ولخدمة غيرك بس سالفة اني اتقيعط واهايط واقول لازم يوفرون لنا مقاعد ولايحجزون لنا فنادق ترا حنا سعوديين ولا سود الله وجيهم ومدري وشو واخرتها تقول كلها مقاعد طيب ياخوي تمدح دبي قبل شوي وتقول فرق عن مدنا ترا كلها مدن عسى وصلتك الفكرة الحين وعرفت الفرق بين اللي يحجز على فلاي واللي يحجز على خطوط سنعه لاتطالب الناس بشي وانت البلا وعلى قولته المسافر المحترم ماراح يشرشح نفسه ويتسدح ويتبطح بالمطار عشان ست مية ريال قيمة تذكره الله لايردها اهم ماعلى الواحد كرامته بدور اقرب رحلة وارجع اما السكران فوالله بيتسدح ويتبطح بالمطارات ويسوي اللي محد سواه لان مامعه عقل كرامته ممسوحه بالبلاط الله لايحدني لمثل ذا المواقف اللي بقعد اطر العالم والموظفين

هانت خلاص يجيكم قطار الربط .

رد رقم 36
انت لا تريد ان تفهم ان المطلوب هو حضور شخص من السفارة يتطمن على مئات الركاب وتحاول تلف وتدور ياخي اترك عنك التطبيل وقل كلمة حق او اسكت ..
ولو جاريتك واخذت تذكره في ارقى الطائرات وعملوا معنا نفس الحركه هل من حقي ان يجيني مسؤلين من السفاره ويتطمنون على وضعي ويطلبون من شركة الطيران توفر لي مكان ارتاح فيه الين يجدولون لي رحله ترجعني بلدي ؟؟؟ جاوبني انتظر ردك ...

صراحه والله مالوم ابو فيصل على عتبه على السفاره الي كان من المفترض انها تهتم بمواطنيها وترسل مندوبيها من اجل الاطمانن على مواطنيها وتعمل خطه من اجل احتواء هالمسافرين بحجز الفنادق لهم حتى يجدون حل لمشكلة الحجوزات وبالنسبة للي يتكلمون ويقولون سياحه داخلية ومادري ايش هل سبق ان طلعتيوا سياحه داخلية وشفتيوا كيف البلاواي فيها حتى بعد الامكان يكفيك ولاتنسى ان الاسعار عندنا اغلى من الامارات ويستغلون الشخص وقت العطل برفع الاسعار لدرجة تصل الغرفة ب 500 ريال وتصلح فرشها مخزنه والغرفه واسخه والجدران ملطخه كتابات والحمامات مليانه قذورات تبغ والا نقلع في الف بهيمة غيرك بتدفع بعكس لورحت دبي فندق نجمتين ولاجاء ربع النضافة الي عندنا حتى هذولاء الي يتكلمون يكفيكم رحله لدبي او الشارقة وتغيرون نضرتكم تجاه السياحه الداخلية .
تحياتي

اعتقد ان ابو فيصل يقصد انههم تعرضوا لعملية نصب واحتيال والمبالغ ليست مهمة سواء كانت كبيرة او صغيرة فالنصب نصب واللي يجب ان يتدخل لتسريع الاجراءات (السفارة) لم يساعدهم
وبعدين مو لازم ادفع سعر غالي لاحصل على تعامل امين
انت كمن يقولك اركب مرسيدس لان الامان اعلا واذا ركبت كامري لست مسؤول عنك (مو معقول)
كل شركة مسؤلة عن الشروط والاتفاقيات التي تعهدت بها وشكرا