جميع الحقوق محفوظة ©
طلعت انا وصديق لي من استراحة ورايح اوصل خويي لبيتة وحنا بالطريق اذن صلاة العشاء
وقفت للمسجد خويي قال وصلني البيت والله ماتنزل قلت يارجل اذكر الله نصلي ونمشي قال لا ودني للبيت
وصار شد باالموظوع قلت لة خلك بالسيارة وبصلي انا قال يا اخي عيب عليك تخلي خويك وانا رايح معاك وصلني البيت قلت بصلي
انزل صل والعن ابليس زعل وقال والله ما اطلع معك ثاني مرة راح الظاهر دق علي احد ومرة
وش رايكم مين الغلطان انا او صديقي
ولو صار لك نفس الموقف ايش تسوي او تصرفك
وشكرا
الله يهديه ويصلح مابينكم
امكن فيه سبب لا تعلم عنه انت
ونصيحه اتركه ايام وكلمه واتس فسوف يندم وسوف يكلمك
ويارب العالمين تهدي الشباب وبنات المسلمين
ان كانه يبغاك توصله بيته قبل الصلاة لان فيه فرصة ووقت انه يصلي في المسجد الي عند بيتهم فالظاهر انك غلطان كان طاوعته ما دام انك تبرعت توصله والمهم ادراك الصلاة
وان كانه يبغاك توصله قبل ما تصلي لانه ما يبغى يصلي قلعته وزعل مثل هذا اخير من رضاه
والله ياحبيبي انت مو غلطان ابد ولكن ممكن صاحبك ماهو على طهاره
والله اعلم بنيات لكن انت مافيه غلط عليك ابد
ياماهر وش الفرق بين مسجد الي عند بيتهم او الي وقفت عندة صراحة استغربت من تصرفة وهو عزيز علي
واذا ما اتصل علي او راسلني واتس انا بكلمة
بس يالربع نستغرب من التصرفات الفجائية وبينك وبينة عيش وملح الله يهدي الجميع
لا طاعة لمخلوق في معصية الخالق
انت صح وما عليك منه وتاكد انه ربك احسن من مليون صديق
طيب يالخلاص فرظنا مو على طهارة او مايبي يصلي ليش ماينطق بالسيارة نصلي ونمشي تحس مرات ناس تسوي مشكلة من لاشي صراحة بعد الموقف قلت بخاطري ما راح اركب معي احد ابدا مني فاظي قروشة
مع كل الاحترام لك ياخفجاوي
احنا سمعنا منك ماسمعنا الطرف الثاني وبالتالي لايمكن ان أعطيك تحليل بدون ما اسمع الطرفين يمكن يكون فيه سبب آخر ما ذكرته انت لنا .
المفروض توصله لبيتهم اول
ما تدري يمكن عنده ظرف طارئ ,
ثاني شي وقت الصلاه طويل يعني ما بينتهي وقتها لو تاخرت ربع او نص ساعه
بس انك تركبه معاك وتجبره على انه يصلي ( لا إكراه في الدين )
لست مفتي بس لا نخلي الدين مشرع للاكراه على اي شيء سواء دنيويا او اخرويا
تصرفك سليم والله اذا الصلاة لا تهمه يؤديها في المسجد فليس لي الشرف التعرف على هذه النوعيات
ويفترض يكون صريح اذا عنده عذر لازم يذكره حتى تتاح الفرصة لمساعدته اذا كان محتاج لذلك
واذا كان مزاجي ومتكبر لازم كل شيء يمشيه بكيفه فلا تندم عليه واحذر منه لأنه على مايبدوء احمق ومزاجي وزعول
وكثر خيرك انك مريت عليه
وخذها نصيحة ابعد عن طلعات الاستراحات والاجتماع مع من تعتقد انهم اصدقاء
الحمد لله بيتك اكرم لك وأعز تلفزيون وانترنت وكل ما تريد
دام خويه جاه واخذه معناته انك وقفت عند المسجد وتوه أذن
وكان بامكانك تصلي عند بيته ولحقت ع الصلاه هناك اذا المسافه قريبه
يمكن احد من اهله كلمه واتس اب او ارسل له رساله بان يحتاجونه ضروري جدا
كلها احتمالات كان يجب عليك الاخذ بها بدون ماتضر نفسك وتفوت عليك صلاة المسجد
لكن والله اعلم احس انك كابرت
ودي اعرف كم اعماركم اذا باقي مراهقين فهذي حركات مبزرة وان كنتو كبار سن معناته الرجال مااستعجلك الا من حاجه ضرورية كان الاولى بك سماع كلامه وتوصيله لبيته وكلامي كله نظريات تسقط في حالة اذا ماكان بامكانك تلحق الصلاه عند بيته
بالتوفيق انت وخويك
هذا جته العنز . يعني قفلت مايبي يصلي ووبس
لاطاعة لمخلوق في معصية الخالق
اشوف انك غلطان
شوف التحاليل كثيره للموقف الي صادفك ولكن اكيد فيه ي خلاه يرفض الصلاه
ويطلب الذهاب الى بيته
بس حبيت توضح لي هل نزل معك وصلى او جلس بسياره وضح لي هذي النقطه اذا ماعليك امر
لا طاعة لمخلوق في معصية الخالق
ما يلحقك أي ملام
وإذا الرجل يعز عليك كلمه وأنصحه لوجه الله
وخبره بأهمية الصلاة وأنا أنت شخصياً ما تفطر بالصلاة مهما كان الشغل
وهذا نظامك وإذا أقتنع كان بها وإذا ما أقنتع حاول معه بالتي هي أحسن
وجزاك الله خير وأبد خلك على هذا المنوال وربك كريم
يا خي قدر يمكن الرجال تعبان يمكن عنده مشكلة صحية يمكن مستعجل يبي يجيب اغراض للبيت ولا شي
بينه وبين ربه
كنت تقدر تعطيه فلوس تكسي وتقوله الله يستر عليك مو تنشب له
احرررررررررررررررررررررررجت صاحبك بالحااحك علية بالصلاة يمكن علية جنابة يمكن زوجتة مصرة علية الا يجي فية مشكلة ببيتة
مشكلة مع بنتة مع ولدة
وخويك دلخ مع الاسف وضعيف شخصية كان قالك السبب يمكن لما يقولك السبب بتراعي وضعة ......هلايام النفسيات نعال معليش
المعرف axax صاحب الرد رقم 8 يقول في اخر سطر من تعليقة
(((((لست مفتي بس لا نخلي الدين مشرع للاكراه على اي شيء سواء دنيويا او اخرويا))))
ركز كثير وكرر التركيز في كلمة لا تخلي الدين مشرع للاكراه علي اي شي سواء دنيويا او اخرويا
وين تعلمت هذا الكلام ومن وين جايب هذا الكلام هل يعقل انه يوجد بيننا من يقول بهذا الكلام
اذا لم يكن الدين هو منهاجي والطريق الذي يسير حياتي فلا خير فيه ولا في حياتي وما الفرق بين حياتي وحياة البهايم الدين هو نوري وهو قائد تعاملاتي في الحياة ومنهجي ونوري الذي امشي فية في هذي الحياة......اين الحب في الله وين البغض في الله ؟؟؟؟
واضرب لك مثل بسيط يا صاحب المعرف axax لو اتى لك رجل خاطباً لبنتك او اختك هل ترضى ان تزوجه ؟؟؟ وانت تعلم بانه لا يصلي او انه قليل دين .....
وقس على المثل الكثير في تعاملاتنا في الحياة .....
اما بخصوص موضوع اخونا الخفجاوي بارك الله فيه ان لم يكن خويك او زميلك او اي انسان حتى لو كانت زوجتك ...اقول ان لم يكون خويك عون لك علي طاعة الله فبعدك عنه افضل وابحث عن من يعينك ويساعدك علي طاعة الله .....
اما من قال وتلمس العذر لخوي الخفجاوي وحمل الحق علي الخفجاوي فاقول له ليس هناك اهم من الصلاة فان كان هناك في نظرنا شي يهمنا ويلهينا عن صلاتنا فيجب علينا مراجعة انفسان وعلاقتنا مع الله ....
منادي الصلاة يقول حيا علي الصلاة حيا علي الفلاح هل الافضل ان احرص على الاتصال بالله ام الاتصال بزميل او خوي ؟؟؟؟؟
ان كان هناك عذر يمنعه مثل علية جنابه فهذا شئنه هو وهو يتحمل وزر نفسه وكيف يرضى علي نفسه ان يخرج من بيته وهو لم يتطهر ...واستغرب من بعض الناس كيف يرضى علي نفسه ان يجلس لفترة وهو جنب كيف يقبل نفسه....
والامر الاخر هو معي في سيارتي اي انه في تصرفي اما لو كان الامر بالعكس اي اني انا معه في سيارته وقد دخل وقت الصلاة وطلبت منه ان يتوقف لصلاة ورفض فهو يتحمل وزري لرفضه مع مناصحتي له باهمية الصلاة ويجب علي التوقف لاداء الصلاة....
والبعض يقول يمكن ان فيه مشكلة في البيت او يمكن زوجتة طلبت حاجات او اغراض .....
اصبحت الاغراض اللي طلبتها الزوجة او اي شي من امور الدنيا اهم من الصلاة في نظر البعض..
الله اكبر كيف تبدل حالنا مع علاقتنا واتصالنا بالله هل الصلاة اصبحت شئ ثانوي مثلها مثل اي شي في حياتنا ؟؟؟؟؟
البعض يقول يمكن يكون مريض وهل يعذر من كان مريض ان لا يصلي وهل يعذر المسافر من الصلاة هل يعذر من كان علي جبهات القتال من الصلاة ؟؟؟؟؟
الله اكبر كيف تبدل حالنا مع الصلاة وعلقتنا بالله .....
ان لم تكن الصلاة هي اهم شي في حياتنا فليس فينا خير .....
ارجع انظر لحال الرسول صلى الله عليه وسلم والسلف كيف كانت علاقتهم بالصلاة
كانوا يستعينون بالصلاة في مواجهة البلاء والضراء يقول ربنا جل جلاله ﴿ يا أيها الذين امنوا استعينوا بالصبر والصلاة ﴾. والبعض يقول يمكن يكن عنده مشكلة في البيت ...
وانا اقول يمكن تكون عنده مشكلة في البيت ولكن بسبب اقبالة وتوجهه الي الله بالصلاة انحلت
المشكلة ....
وقد كان أنبياء الله كثيرا ما يفزعون إلى الصلاة عند نزول البلاء والائواء روى الإمام أحمد عن صهيب رضي الله عنه قال "كان رسول الله صلى الله عليه وسلم إذا صلى همس شيئا لا نفهمه ثم قال: وكانوا "يعني الأنبياء" يفزعون إذا فزعوا إلى الصلاة).
ولقد كان لرسولنا صلى الله عليه وسلم مفزع عظيم إلى الصلاة في مواجهة أعداء الدعوة في السلم والحرب في معركة بدر لما التحمت الصفوف وبدأت بالضرب السيوف قام رسول الله صلى الله عليه وسلم يصلي يقول ابن مسعود رضي الله عنه : فما رأيت ناشدا ينشد حقا له أشد من مناشدة محمد صلى الله عليه وسلم ربه فهو يقول: اللهم اني أنشدك وعدك.
كان صلى الله عليه وسلم إذا حزبه أمر بادر إلى الصلاة ويؤيد هذا ما رواه الإمام أحمد وأبو داود والنسائي من حديث نعيم بن همار رضي الله عنه –أنه سمع رسول الله صلى الله عليه وسلم يقول قال الله تعالى: يا ابن ادم لا تعجز عن أربع ركعات من أول النهار أكفك آخره).
فالله المستعان!! شتان بين حالنا وحال الجيل الأول من صحابه رسول الله فزع إلى المسجد وصلاة وخوف عند التغيرات الجوية، أما حالنا فغفلة وقسوة في القلوب إلا من رحم الله فرحماك ربنا رحماك.
يا كل مهموم ويا كل مصاب ويا كل ضائق صدره دونك الصلاة فهي مستراحك وراحتك، وجلاء همك يقول ربنا ﴿ واستعينوا بالصبر والصلاة وإنها لكبيرة إلا على الخاشعين الذين يظنون أنهم ملاقوا ربهم وأنهم إليه راجعون ﴾.
استعنت بالرابط الاسفل في بعض الامور
http://www.alukah.net/sharia/0/32255/#ixzz33SIftjvn
لايهمّك وانت ماسويت الا الصح ... وخويك ذا شكله مجنب
خفجاوي معك حق والشرهة على صاحبك والي اجاء واخذه لاتحزن عليه ولا على الي اخذه فقريــح
الي انا اشوفه انت عنته واخذته معك بسيارتك المفروض اهو يعينك ويساعدك على الصلاة وينزل معك
والتمس العذر له لييمكن عنده ظرف وربك اعلم وارحم
