اخواني قدر الله وسكنت في شقة وتعرف على الجيران وتعرفت على جاري ابوعبدالله الشمري
رجل طيب جدا وكريم نفس وصاحب مجلس مع فقرة وحاجتة شي عجيب سبحان الله بس يااخوان الي استغرب ان الرجل تاتي سيارة وتوقف عند بابة وتنزل اغراض وتمشي كل شهر ومرات كل اسبوعين
وناس تجي عند بيتة مايدخلون يطقون الباب ويحطون شي عند باب بيتة ويمشون دائم وانا ماادري عن حالة سبحان الله وانا والله فكرت انة رجل عايش ومرتاح والشي الي اثر فيني كثيرا انة لم يطلب مني شي ولو مرة
مع انة يعلم اني اعزة واحبة كثيرا والله لو طلب شي ماقصرت بس ماحبيت احرجة وأعطية شي بدون طلبة لانة عزيز نفس
فسبحان الله جاري طلع مسجل بالجمعية الخيرية ولم اتوقع الشي رحت لة يوم من الايام ووتقهويت عندة
وقلت لة ياابوعبدالله تحتاج شي تراني جارك والي تبي عيوني لك قال لاوالله وافي وماابي شي
الا حاجة ابي تسعى لي فيها قلت امر ياابوعبدالله قال ابي لة عمل يعني وظيفة عشان استغني عن الجمعية
والناس وانقل من بيتي اذبحوني الناس بالكلام قلت ليش قال الناس يعرفون عمة وهو تاجر معروف جدا وغني
لكن لايساعدة ولايزورة ولايشوف حال ولد اخوة والناس كلوة بالكلام هذا عمة تاجر وعند ةمصنع وكلام كثير
فانا الان يااخوان انقل لكم طلب جاري الشمري في مساعدتة في عمل ودخل لة ويبي ينقل من بيتة بس مايقدر
ماعندة دخل
اتمنى تشفعوا لة بوظيفة حكومية ياليت في الشرقية مكان سكنة او االرياض
ترى الرجل عزيز علي جدا وانا سعيت لة وحاولت بس ماقدرت فقلت اسعى واكتب الموظوع هنا لعل الله يساعدنا احد
الطيبين ويفزع لجاري الشمري ابوعبدالله
عمرة 36 سنة
شهادتة متوسط
مطلق عندة 3 اطفال عند امهم وعايش لحالة في بيت والدة
من سكان الشرقية
وبارك الله فيكم جميعا وكلنا اخوة
اخوكم خفجاوي
ابوخالد العتيبي
خطير ي الكاشف ههههههههه
الله يرزقك ويرزق جارك قل آمين
يالكاشف لاتدخل بالنوياء
همتك يالكاشف ارسلك رقم الشمري ونشوف وش تسوي
الله يهديك
اخي الكريم خفجاوي
أحسنت الحوار لجارك
وأسأت بتسميته .
جزاك الله خيراً
اخوي فيه مكاتب عقار يشتغل معقب 3000 سعوده حتي ييسر الله
الي. يقدر لايبخل الاجر ياجماعة والاخوة في الدين
فيه ناس ماتستحي تدخل في النوايا
افرض انه هو وش المشكلة عندك !!!
يا قل خير او اصمت
عجبي !!
هذا موضوع عام وعلقنا عليه بوجهة نظرنا ، لعده أسباب ، صاحب الموضوع كاتبه للأعضاء جميع وما حدد احد بعينه و طريقته بالحث هي اللي خلتني اعلق.
واكتفي بهذا الرد لصاحب الموضوع .
اما ابو رسمه فهو معارض الطروش انت اللي وش محرق رزك وترد الا اذا كنت انت بعد لك كم معرف وترد على عمرك الله اعلم بس .
الكاشف خفيف دم بس مرات يشطح ويزيد العيار ياحبي لك يالكاشف يسوي فيها الفتى الذكي ان شاء الله بس فلحت بدراستك بدون غش هههه
وتعاونوا على البر والاحسان وين شمر وين شرابت الهيل
طنايا افزعوا لولدكم
وين اهلي وربعي عتيبة الهيلا افزعوا لجاري وبيظوا الوجه
منً فرجً عن مسلم فرجً الله عنة. لاتبخلون اليوم انت
مسؤول غدا تتقاعد لكن لازالت هناك اناس يدعون لك
يبشر بالخير ..
أنا أوظفه عندي براتب 3000 ريال لين يلاقي شغل وتتسهل أموره
أرجو عدم التأخر
ارسلي رقمه على الخاص لو تكرمت
الله يجزاك خير ويرزقك ويرزق جارك من واسع فضله لكن ليتك ماقلت انه شمري ماله داعي
بصراحه حزنت على وضعه لكن المشكله شهادته متوسط لان اللحين البكالريوس صارت كانها ثانويه
ومااقول غير الله يفرج همه ويرزقه الحلال الطيب
بيض الله وجيهكم جميعا ولازلنا ننتظر تفاعل الاخوة
والله ياخوي كثر الله من امثالك عيال الاصول وعيال الاجاويد وانسان تشعر بالاخرين ليت الجيران عندنا يتعلمو الا وكل واحد حده خشة بيته لايدور ولايسال ... اساله الله ان يعطيك الرزق والصحة والعافية قوول امين
حق واجب وجاري كلمتة راح الرياض ورجع للاسف ماحصل شي قدم ورد الله يعينة على المشاوير
الي يعرف شي بالشرقية يراسلني ارسلكم رقمة
للتذكير لاتنسوا اخوانا ابوعبدالله
للتذكير لاتنسوا
للتذكير لاتنسوا
الله يعافيك ويجزاك خير
اهلا
وظيفة حكومية و في الشرقية بعد !
الي يريد شغله يشتغل اي شي
في قطاع خاص على رواتب 3000 - 5000 ريال